من الحاجات الاقتنعت بيها انه النسيان حل قد يكون معدوم ما حتنسى زول خذلك ما حتنسى زول جرحك ولا حتنسى زول زعلك ولا حتقدر تنسى زول كان من اقرب الناس ليك وفجأة بقى غريب .. دي كلها حاجات فرص النسيان فيها معدومة للأسف ممكن نتناسى .. بس ما حننسى ما عشان الشخص دا رهيب و آخر حبة لا! بالعكس في ناس بعد طلعو من حياتنا اكتشفنا أنهم اقل كلمة تتقال عليهم ❌️.. والصورة المثاليه الكانت في عيونا دي اجتهاد شخصي مننا ✅️ هم من الاول كان ظاهر أنهم ما كدا . ما حننسى عشان الكسرة ما حاجة بتتنسي الكسرة بتعلم عليك ❌️ وعلامتها حتقويك لو استفدت منها ✅️ قد نكون سيئين في رواياتهم هم زاتهم وارد جدًا بس الأكيد أننا ما بنفس سوءهم أبدًا . ذكرياتنا ولقاءاتنا واصواتنا وضحكنا وزعلنا وفرحنا معاهم كلها حاجات غصبا عننا حتفضل فينا . بس الما غصبا عننا أبدا .. أننا ما نتخطاهم نتخطاهم كأنهم شارع عادي ذكرى عادية لقاء عادي صوت وضحكة وزعل وفرح وصور عادية . وكذب القال الوقت بينسي .. الوقت عمرو ما حينسيك ولا حيعلمك كيف تنسى الوقت بعلمك تتخطى✅️ بأهلّك لأنك تتخطى ✅️ بقويك لانّك تتخطى ✅️ والتخطي أعظم من النسيان لو تعلمون .. مخرج 1. "النسيان خُدعة، لا أحد ينسى كيف سُرقت الطمأنينه من وسط صدره " . _سجى .