معش نبي نصدق اي وعد ومعش نبي نتعود علي حـد مهما كانو،كلهمم بيعدو وبتقعد وعودهم وكلامهم مجرد وهـم،معش نبي حد يخش فحياتي واي حد بيطلع من حياتي يطلع غير يعطيني اي إشارة ولباقـي شـوري .
فِي وقت يمر على الانسان يوقف فيه عالشرح،شرح نفسه،أفعاله،مشاعره،عفويته،اسبابه،لان أدرك أن مهوش بحاجة عشان يبرر حياته وطريقة عيشته،والاوقات اللي خلته الانسان هضا،فهو يعرف نفسه كويس وهضا يكفي .
انا منتغيرش علي شخص الا لم نحس مكانتي تغيرت وصار وجودي معاش مهم لاكن اني نتغير بدون سبب او عشان مليت مستحيل نكسر قلب شخص او نلعب علي مشاعره الشي هضا متربيتش عليه .
انا يُمكن انتحمل اي حاجه فَ الحياة الا الشخص الكذاب حتى لو كنت نحب ونبيه انسيبه بمجرد انه يكذب عليا بشكل مستمر ولا يستغفلني ننهي كل حاجه بدون تفكير ولا تردد .
متعلقش بحد واجد فمهما كانت علاقتك بيه قوية حيجي يوم ويلقى بديل عنك ومعش يسأل عليك ولا يهتم بيك وبعد تجي تسأله يَـ اما يعتذرلك بالظروف اويذكرك بغلطاتك ويحط اللوم عليك،ومرات ميهتمش فعيش علي مبدأ وجودهم لطيف وغيابهم ميضرش .
