چهبارئے مراد آبادا بلوچ شهریانی لوگانا هلاس کنگ چهبارئے شهرداری, بنیاد مسکن و پوجے لشکرئے واکانے دستا مرچی سئے شمبہئے سُہبا 15 آبان ماہ 1403آ، شهرداری، بنیاد مسکن هوار گون ایرانئے پلیس و شکسی دریسین واکانئے همکاریا گوں کم چہ کم 15 فوجی و زاتی پللاکین گاڑی و یک لوڈرے مراد آبادئے میتگا اُرش کتگ وای دمگئے بازیں بلوچ شہریانئے لوگاں هلاس و زمیناں زپت کتگ. رند چہ نام نہادین "بلوچستانئے سواحلئے دیمروی" پروجه‌ئے کارکردگی کہ بلوچ راج ای پروجه‌آ "بلوچ ساحلانی کبزه کنگ و بلوچ راجا نزور کنگئے" پروجه نام داتگ انت، ای تهرئے پدا جمہوریہ اسلامی ایران ئے ادارہانی نیمگا ساحلی دمگا بلوچ شہریانی لوگانی تباہ کنگ و زمینانی زبت کنگا پد دمگئے مردم آبادیئے بدل کنئے واستا سگ گیشی زرتگ. رژن ٹی ویا رستگیں ھالانی ردا، بلوچ شھانی زمینان کبزه کنگا پد سرکارئے ادارهانی نیمگا گیر بومی و بیگانگانی دستا دئیگا اَنت و پہ آھاں نوکیں آبادی جوڑ کنگا اَنت۔ ای هالدیوکان رژن تی ویا گوشتگ اَنت چابهارئے ٹرمینلئے دیما سرکاری و سپاه پاسدارانا گوں سیادی داروکیں کمپنی اپارٹمنٹ جوڑ کنگا اَنت کہ آ غیر بومی مردمانی دستا بہ دنت. تلگرامءِ تاکءِ لینک https://t.center/rozhn_tv اینستاگرامءِ تاکءِ لینک https://www.instagram.com/rozhn_tv یوٹیوبءِ تاکءِ لینک https://youtube.com/@rozhn_tv