نج،روستای من و تو

🍃شعر منطقه #بلده #نور از علی رياحی نائيج 🍃

چالِس راه گذرکمّه،رفيقاره خبر کمّه،کندوونه بيمومه لو،ديار بَوِيه آزادکوه،پل زنگله ديار وونه،دل کوهِ بيقرار وونه...همه شونه سمت دريا،من شومه دياری نيما،نوري يلاق ديارِ دا،نيما ته افتخارِ دا،اِسّامه من پل زنگله،عمو حبيب تَش کَله،کباب و قليون بيار،چايی و با لعابی فنجونِ بيار...دلي در اورمه از عزا،فرار هاکردمه از گرما،رو بياردِمهِ سمت کوه،جاده بلده ره شومه لو... #دونای دِراهيه دا،صوائي سر ته مِه و مِه بازيه دا...جاده بِن دري ره شومه سمت بالا ،مِه اي دِله جاده رِ من کمّه پيدا،ترک وشم گردن هسّه چي باصفا،اته هنيشم تا کهو دل بوو وا...
گسن رمه کنّه چرا،چپون زنّه چي لله وا،اسا هارش جانه خدا،بهشت بساته اين ديما...
راه کَفمه شومه بن دَري ، #کمربن وونه دياري،کمربنه خمن دا،ته پرچين و چمن دا...
دِراهي دارنه #ايلکا اته راه شونه #کَلوَنگا ...پهلوون مرديه ديار،المپيک دارنه افتخار...مرد #المپيکی دا،#حسين_توکلی دا...
شقايق دربيموئه کوه،کوه بَويه سِرخ و کَهو...لاوشه گردنه گمه ،شه جان وطنه گمه...
لاوشه چشمه بچا او،شه ديم ديار زمّه او،چش وا وونه دل واا وونه، #نسن کوه ديار وونه...
نسنِ محله ساينه کل ،با مردمون ساده دل ،نسن آب و هواي دا،دره ي لَه بييته جا...
پيل محله تپه ي سر،ويلا بزونه کرِسر... #پيل کوه معروفيه دا،استاد کشتي، #هاشم_حبيبي دا،قهرمان کشتيه جهاني دا،پهلوون مردي #هادي_حبيبي دا...
زنا دارنه وِ ده تا مردي رِ سرِ،اورست فتح هاکرده دِشت #هيماليا وه راه و گذره....منطقه نا،ايران افتخاره وِه، #پروانه_کاظمي گمه،پليج پرچمدار وِه... #کلاک و #ميناک ته زَمي زيار دا،راستِ دست ازادکوه دره... روبرو، دماوند هسّه ديار دا
چپ وره جاده هسه راه خاکي ،نته ي اقا هسّه وِنه آبادي،شوننه زيارت تمام محلي ،نته ي آبشار هسّه خيلي معروفي...
#ونمه ی محله ره که رَت هاکردي،شه کهو دل خالي از درد هاکردي،اوز پاسگاه ديار وونه تپه سر ،دوراهي ره تو سمت پايين هاده وَر...
قتات جير بور سمت #اوز و #اوزکلا ،تبرزي دار دار ميون جير بور اسا...قشنگ اوز خِمنِ تسه ديار وونه،اوزکلا منطقه دله قرار وونه
افتخار سياسي دارنه منطقه،حاج ناطقي آبادي دارنه منطقه...
دل پَليماي کوهسه کباب بَوه،قشنگ #ناحيه ی کوهسه دل لاب بَوه،
جاده دارنه خيلي قشنگ و باصفا،اوزکلاره شوني سمت ناحيه بالا...پيرزن خني کر کر سر شکار دره،ناحيه ي محله مه دل قرار دَره...
بلده ي ديار نگين، #آزادکوه هسّه وِه سرين،آب و هواي بينظر،پهلووناي سر به زير،شه دل دله ي گِمه، #ناحيه محله ي گمه،لشک خطّه ي گمه،رستم چال چشمه ي گمه...ناحيه ي کوه دله قرار، #ناييج محله بهشته مار،وه قبله کوه هسّه ديار...ورف کته وه سينه سر،دِشت تابسّن و بهار...
#پيچده و #انگروي دا،#خجيرکلاي لوي دا، #بطرکلاي کوي دا،گلرد بچا اوي دا...
اوزِ شومه من سمت يوش، #يوش محله شاعر معروف،نوري شاعر پسر دا،نيماي نام آور دا...
يوش محله کمّه گذر،شلوغ هسّه و خط سر،ايننه از همه گذر،مسافر و با گردشگر...
ياسله درّه باصفا،دشت درّه بوه ويلا، #ياسليج همه بي ريا، #ياسل ته مردمون دا...
#کمررود و #يالرود کوه، #کام و #سراسب و #بل کوه ،با مردمون باصفا ،دلِ دله دارننه جا..
جانه #بلده ته شهر دا،من ته گذر گذر دا،بلده ته باغ و در دا،شومه #زردکمر دا ...
#چل و #دويلات هارش،#مزيد و #سادات هارش...هنر دارنه #ولاشدی ،تليک سوننه ديدنی...
قشنگ #ايل و #کلاي دا،کلا ،جانه آقاي دا،کنّه معجز نماي دا،همه درده دواي دا،
🌺#نج کوه آبادي دا،مردمون کاري دا،ساده دل هستنو باصفا ،غيرت دارنه به شه ديما...🌺
#تاکر هياهو دارننه،جوون دست ب چو دارننه،خواننده هاي معروفي،حيدرو وحيد حيدري،امه سه بزونه گلي ،دل وا بَوه از خشحالي،
#رزن و با #کرسي گمه #هردرود دِراهي گمه،طبيعت عالي گمه ،شه نوري آبادی گمه...
هسّمه ريکا #ناييجي
طايفه کرد و #رياحی
شعر گمه من شعر نوری
به عشق هرچي صحرايی
#بلده ای تا #چماسنی
#محمودآباد تا #ايزدهی
#رويان گمه تا #ونوشی
#کهری و #کجوری
همه هسّني صحرايی
عشق هرچي نور و نوری
شعر گنه #علی_رياحی

🍀ارسالی از آقای امید بهنام صبور🍀
🍁🍁🍁🍁🍁🍁🍁🍁🍁🍁🍁🍁
بزرگترین اجتماع نجی ها👇👇👇
@rostayenoj