نج،روستای من و تو

🌹🌹شعر محلی🌹🌹

هر دردی که مِه #دلِ دَرد نَوُونِه🌹
هرکس سِبیل بِشتِه که مرد نَوُونِه🌹
بیعار #هیچوقت تِ هَمدَرد نَوُونِه🌹
تو خار که باشی دِنیا نامرد نَوُونِه🌹
غریبه جا تِه سِه مَحلِه نَوُونِه🌹
هر شیوَنگی حِکمِ #بِرمِه نَوُونِه🌹
پیته جِل که تِ تِرمِه نَوُونِه🌹
هیچ گوشتی گِسفِن قِرمِه نَوُونِه🌹
هیچ #هِوایی کوهِ هِوا نَوُونِه🌹
سوسیس کالباس تِ #غذا نَوُونِه🌹
جِلادِ خَندِه هَم #وِفا نَوُونِه🌹
هیچ دستی مثلِ یار شِفا نَوُونِه🌹
سیو جِمِه #دَردِ مَرهَم نَوُونِه🌹
نامرده یار ، تِ هَمدِم نَوُونِه🌹
هر اَشکی کِه خاطر غَم نَوُونِه🌹
آبرو داره قامِت کِه #خَم نَوُونِه🌹
اِستیلِ #کفگیر ، جایِ کَترا نَوُونِه🌹
هر #کِلاهی نِمَد کِلا نَوُونِه🌹
پیتزا جایِ #گِرماس پِلا نَوُونِه🌹
مَستی هم بی چِشِه #شَهلا نَوُونِه🌹
کالِ #اَنگور خارِه شراب نَوُونِه🌹
کاره خیر هاکِن بی جِواب #نَوُونِه🌹
هیچ حالی مِه جُور #خِراب نَوُونِه🌹
مصنوعی #کِرگ گوشتِ کِباب نَوُونِه🌹
گالِشی بِدونِ مار ، #مار نَوُونِه🌹
هیچ #کدبانو مِثالِه مار نَوُونِه🌹
عروسی بی چَک و سِما نَوُونِه🌹
فَست فود تِ شکمِ #دِوا نَوُونِه🌹
اَربابِ مزد #هیچوقت هادا نَوُونِه🌹
هیچ غِذا مِثله #شیرپِلا نَوُونِه🌹
وِلِ #سگ کِتکا هرگز تازی نَوُونِه🌹
دل که نِخاد هرگز راضی #نَوُونِه🌹
بی اَصل و #نَسِب خاره قاضی نَوُونِه🌹
أشِ کا نعیر تِه #همبازی نَوُونِه🌹

💕 @rostaye_noj 💕