كنت بسمع عن اسم الله العزيز، فالمعلمة كانت بتقول متكونش مؤمن مثير للشفقة! كل شوية شكوى وبكاء، اشكي عادي لحبايبك أو الناس اللي بتثق فيهم بس ميكونش الغالب على شخصيتك الذل والشفقة والحزن مش طول الوقت همومك كاسراك! وكل ما تقعد أصل أنا وحصلي ومش قادر ومش عارف أنت مش راضي بقضاء الله!! عبدالعزيز: مهما كنت في موقف ضعف أنا عزيز بالله، عايز تنعزل في فترات انعزل، بس في أوقات وسط البلاءات والأقدار الصعبة بتكون لازم تمارس مشاغلك فمارسها وأنت عزيز، مارس مسؤولياتك وأنت عزيز مش عايشين طول اليوم في صعبانيات لأن دا بيقلل من قيمتك قدام نفسك لأنك عايش في البكائيات! خلي بالك مع الوقت الناس بتزهق! وأول ما تدخل بيقولوا يييييه دي جات ولا دا جا وهنقعد بقى تحكيلنا وتعيطلنا وحوارات مش هنخلص! خليك عزيز بالله، ميكونش دا الغالب عليك.🌷