طارق : معقول ما عم سدء بريق ؛ شو اعمل انا رح موت من قهري من كلشي صار معي طارق : طيب انتي عنجد بدك ترجعي ل شهم ولا بدك تعاقبي تقي بريق : عندي رغبة ارجعلو بس كمان ما عندي قدرة ارجع للمشاكل وع الطالعة والنازلة يتهمني اني بشرب حبوب مانع وانو عم خونو بتفكيري مع تقي كان اي مشكلة يحولها ل حب قديم لو شردت لو ازعلت وحتى لو افرحت طارق : وعندك رغبة ترجعي ل تقي بريق : برأيك الي باعني مرة مو صعب عليه يبيعني الف مرة طارق : لازم تسمعيه تقي قلبو طيب بريق : لانو رفيقك طارق : ابدا مو لانو رفيقي  لاني بعرف معدنو بريق : شو رأيك انا مابدي حدا طارق : احسن واحسن اصلا لو ترجعي توقفي المحل على رجليه بكون احسن بريق : قولتك طارق : والله ماحدا بيستاهل تعملي بحالك هيك كرمالو بس بتعرفي بريق انا بعرف الي بتفوت بحالة اكتئاب بتنطفي لا انتي بالعكس مضواية وحليانة كمان بريق : هههه حاجتك طارق والله مالي نفس اضحك طارق : اضحكي وليه ماحدا بيستاهل تزعلي مشانو  بس هلا اتغير كلشي يعني حتى شهم ما قصر بريق : ليش طارق : هيك مرض ما لازم يخبيه لانو انتي الك الحق تختاري اما تعيشي معو او مافيكي بريق : مابعرف 🦋🌹🦋🌹 بالسيارة شهم  شاف سومر او تقي  الي حكولو عنو  وزاد القهر جواتو شهم : يعني فعلا هو نفسو سومر وجارهن وبالدليل كان عندهن يا ترى شو كان يعمل معقول اجى يرجع بريق شي بيشبه الكزبة مسك موبايلو واتصل ب ريان ريان : الو شهم : انت وينك ريان : بطريقي للبيت شهم : ناطرك ريان : انت عنا شهم : اي سكر وبقي يستناه 🌹🦋🌹 ريان بقهر : كانو بدو يحكيلي مابدي تشتغل معي....اكيد هيك مع انو اتحسنت حالتي كتير كتير  بس ع الاكيد ما بقى تزبط شغلتي معو الله يستر من اخرة الانفصال عيلة ابو طارق كلها اكشن مافي روتين ابدا وصل للحارة وشاف شهم  عم يتمشى وناطرو نزل من السيارة وراح سلم عليه شهم : طولت ريان : مسافة الطريق بس ....اتفضل شهم : منحكي هون ريان : ما حلوة يلا فوت اخدلو طريق وفاتو لغرفة لضيوف وطلب قهوة من منى ريان : شغلت بالي شهم : كنت بالحارة....وشفت هاد الي اسمو سومر مدري تقي ببيت ...ببيت حماك ريان : هو وطارق رفقات شهم : بس انا ما بقبل تشوفو بريق لساتها على ذمتي ريان : بس انتو قررتو شهم بقهر : طارق قرر ما تركلنا مجال وكل الحق ع بريق هي دخلتو بالموضوع ولا كل تنين بصير بيناتهن مشاكل ريان : والله مابعرف شهم : بس ازا لساتها بتحب تقي هي شغلة تانية انا ما بسمح انهان بهي الطريقة ريان : مابعرف عنجد شهم : انت شو بتعرف لكن ريان : انا الي بعرفو بريق الحلقة الاضعف تقي ظلمها شهم : وهي ظلمتني وفجاة فاتت منى منى : وانت ظلمتها شهم : كيف بقى منى : اي اي...وقت تتهمها انها بتاخد حبوب منع حمل وهي ما بتاخد هيك شي بتكون ظلمتها شهم : وعم تشارك خصوصيتنا للعالم منى : عادي وانت كنت تيجي تشكي ل ريان منها كمان هي مو خصوصيات ريان : منى منى : لا بدي احكي بتعرف انها بتسألني شو شكل حبوب المانع كانت خايفة تكون تشرب منو وهي ما بتعرف شكلو وازا بدك لسى بخبرك بشي تاني ريان : منى شهم : لا عادي خليها تحكي منى : بتسألني كل اديش بتسهري مع ريان وقت قلتلها تقريبا بشكل يومي انصدمت ريان : خلص منى عيب هالحكي شهم : شو بتقصدي انتي ريان : ما قصدت شي هي منفعلة مشان الي بصير مع بريق شهم : كملي منى : انت اكيد افهمت قصدي شهم : وبريق كانت حاسة ع شي منى : اي بعدين اكتشفت انو معك مرض سكري وما حبت تحرجك وتحكيلك انها بتعرف ريان : عنجد انت مخبي عليها شهم : بظن هي خصوصياتي وحر فيها ريان : بس انت طالعت الحق بس ع بريق كمان انت ما قصرت ازا فعلا مخبي عليها متل هيك شي شهم : انت بتعرف ريان : منى سألتني قلتلها مابعرف مستحيل يكون مريض ومخبي على مرتو شهم : ما اجت مناسبة لاحكيلا منى : بس شاطرك تلومها بتعرف انها حاسة بالذنب تجاهك مع انك مخبي عليها تفصيل مهم هي مو ذنبها بلي صار وكمان مو مجبورة تعيش معك وانت مخبي عليها وكمان مو مجبورة تتحمل تشوف ابنها ازا اجى مصاب بسكري يشتهي الاكلات الطيبة وما تخليه ياكلها ريان : خاص مني قلتلك خلص دغري وقف شهم شهم : خدلي طريق ريان : استنى شهم منى عنجد منفعلة منى : منفعلة لانو حالة اختي عم تتدهور ولا انا ولا امي ولا اي حدا قادر  يسعدها نحن كلنا منلومها وعطول منطالع الحق عليها وازا بدك منحسدها كمان  بس هلا مافيني اسكت اكتر من هيك وبريق بتعرف انك مريض سكري هالشي اكتشفتو وسمعت حديث امك مع تقى مشان موضوع الحمل شهم : خدلي طريق اخدلو طريق ونزل لتحت مو شايف بعيونو صدمة كبيرة تكون بريق تعرف انو مريض ومتحملتو وساكتة وهو كان كل عشر ايام دوبو يسهر معها ليلة