قُنِآةّ رمًآدٍ آلَخِيَآمً 😔

#قصيده الي مولاتي زينب الكبري (سلام الله عليها)


عين المابجت للحره اعميها
الزهره هالمسه خلي نعازيها
➖➖➖➖➖➖➖
الصدر ويه المتن خلچن تورمنه
نفسجن بالنفس كوات اشهكنه 
والمدمع دمه الفركاها صبنه
غريبه بت علي ماتت يهاليها

✍️ #علويه ام فاضل
➖➖➖➖➖➖➖
كلنـه انـوح هلليلـه عله محنتها
ماتت بالـغرب ماحضرواخوتها
ابدمعنه واللطم نحيي مصيبتها
وابــلدلال ننصـب مأتــــم اعليها

✍ #الشاعره ام عباس الحسیني
➖➖➖➖➖➖➖

حزنانة الزجيه وحضرت بلوعة
تدك آعله الضلع والونة مسموعه
مفجوعة بمصيبة بتهه مفجوعة
مــاتت بالغرب محد حضــر ليها..

✍ #آلّشآعرهً آلــــّعــلّويِـــه آلّمٌوسويِــــۿ
➖➖➖➖➖➖➖
ماتم خــل ننصبه ابروحنه.الليله
ونعش الحره وسط اگلوبنه انشيله
والمـــدمع  دمــه  لـفراگها. انسيله
شــالت ياوســــافه  البين.  ماذيها

✍ #ام زهراء الزيداويه البصراويه
➖➖➖➖➖➖➖
شالت ياوســـافه  عمة الساده
نعازي  حيدره.وأخوتهه الحياده
يدفنــــونه هله كل ميت العاده
وبس زينب غريبه مادرو بيها

✍️ #رماد الخيام
➖➖➖➖➖➖➖
هاي الي مشت للشام مسبية
من هون الدهر تنسبي العلوية
خالنلطم نساعدها البدوية
وكل علويه ابزينب نواسيها

✍ #ام سيد علي
➖➖➖➖➖➖➖
تمت باقلام خادمات اهل البيت ع في رابطة شاعرات اهل البيت ع
🤲 نسألكم الدعاء 🤲

قصيده لسان حال اولاد الزهراء عليهم السلام

فاعلن فعلن.  فاعلن فعلن
......

الحسن وحسين.   وزينب الحره
ابظلمه شيعوها. الفاطمه الزهره
▪️▪️▪️▪️▪️▪️▪️▪️▪️

غبتي من عدنه    زهره يالبضعه
ليــل ســهرانين.   نجـري الدمعه
ظلمه ظل دارچ   انتـي يالشمعه
صعبـه عفتيـنه    ما الـچ رجـعه
ريتــچ اتعودين    يمـه فد نظره

✍️#الشاعره ام عباس الحسيني
▪️▪️▪️▪️▪️▪️▪️▪️▪️

ريتچ تعودين   يم حضن دافي
ظلمه دنيانه  امن الهجر كافي      
جروحنه هوايه وعطفچ الشافي
لا دمع ينشف  لاجفن غافي
   بالجفن دمعه وبالگلب حسره

✍#الشاعره ام محمد الحجاج
▪️▪️▪️▪️▪️▪️▪️▪️▪️

يمه وافراگج     بالحشا سهمه
بعازتچ احنه     ورحتــي يايمه
لــخاطر اولادچ.    ردّي اللـــمه
نذكر احضانچ   وعطرچ انشمه
صحنه يا يمه   ونجـــري العبره

✍🏻#الشاعره ام سيد يعقوب
▪️▪️▪️▪️▪️▪️▪️▪️▪️

رحتي عفتي البيت اظلم بدونچ
يمـه ما نرتاح    وداعت اعيونچ
زهـــرة القــداح   غيـــــرو لونچ
كسرو الاغصــان   اليـــكرهونچ
وخلــو بدلال كل   مـحب جمرة

✍#الشاعره ام فاطمة الزهراء
▪️▪️▪️▪️▪️▪️▪️▪️▪️

يكتل فراگچ  ماإلي حيله
يغير احوالي    يطشر العيله
حيدر بموتچ   المدمع ايسيله
ينادي يانعشچ    مابيه اشيله
يعاتب الوالي   غيبتچ كسره

✍#خادمه آل القائم(عج)الشاعره فاطمه اللامي
▪️▪️▪️▪️▪️▪️▪️▪️▪️

يمــة يافاطم.     بعبرة ونينة
لا ولانبـــــرد.       من بواچينة
نهمل المدمع.      ناره تچوينة
طاحت الخيمة.  الچانت اعلينة
ازغـــار يايمة.       وفركتچ مرة

✍🏻#الشاعره فاطمه علي
▪️▪️▪️▪️▪️▪️▪️▪️▪️

أزغار عفتينه.    والوكت جتال
مايرحمونه.        أحنه بيت الآل
زينب وچلثوم     بعدچ بيا حال
بعدچ شيجرى.    ماخطر عالبال
ياگلب زينب.      گولي شيجبره

✍#الشاعره رماد الخيام
▪️▪️▪️▪️▪️▪️▪️▪️▪️
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

مضيع خنصر وجفين
يم المشرعه طاحن

❥✿•┈┈• {🌸} •┈┈•✿❥


بيه ضاكت الوسعه

خنصر والدي مضيعه

مكطع جسمه شيجمعه

بحصيره اشلائه انشالن


❥✿•┈┈• {🌸} •┈┈•✿❥

وشلون بحصيره انشال

ابن الزاجيه الخيال

ياوسفه الدهر ميال

وعيوني علي سالن

✍️الشاعره أم أحمد الساعدي

❥✿•┈┈• {🌸} •┈┈•✿❥
اخلافك حيل مابيه
بعدك تعمه عينيه
و شيردك بعد ليه
خواتك ليك هل صاحن
مضيع خنصر وجفين
يم المشرعه طاحن

✍️#الشاعره زينب البصراويه

❥✿•┈┈• {🌸} •┈┈•✿❥

ويلي امڱطعه اوصاله
يبجي الساجد الحاله
بويه يصيح من شاله

وعرش الله عليه واملاكه الناحن

رؤى السلامي

❥✿•┈┈• {🌸} •┈┈•✿❥

حسين المنكسر ضلعه
ولانسى الجرة فجعه
وأذكر أمه لبضعه

عيوني علية مانشفن

مضيع خنصر وجفين
يم المشرعه طاحن

رماد الخيام ✍

❥✿•┈┈• {🌸} •┈┈•✿❥

طاحت رايت الوالي

وضاعت كلها آمالي

بعدك بويه يالغالي

جروحي زادن أو حالن

الخادمه أم هدى السباعي

❥✿•┈┈• {🌸} •┈┈•✿❥

عطشان الكفر ذبحوك 
و ليش بجفن ما لفوك 
ليش بلا دفن عافوك
خواته ویه الغرب راحن

العلويه ام فاضل

❥✿•┈┈• {🌸} •┈┈•✿❥

رصيده لكل من تطاول على مقام وعصمة أهل بيت الرحمه آل النبي محمد صلوات ربي وسلامه عليهم أجمعين وأنكر مظلوميتهم من المحسوبين عليهم وعلى نهجهم
👇✍🏻💫

آنه عــتبي مو على الخــالف نهــجكم
عتبي يا حيدر على المحسوب منكم

يكول شيعي وافتخر
ولظليــمتكم نكــ.ر
بكل صلافة عين ایبرء عدوكم
*✿────↻✿...✿↺────✿

اليوجع أكثر يرتدي تاج الرسول
يا علي عنك صحابي بس يكول
يحجي بقوال المخالف والعذول

لقبوركم يهدم يريد
هذا ما سوا يزيد
البعض للاسف يصعد منابركم
آنه عتبي مو على الخالف نهجكم

. ✍🏻الشاعره ازهار جبار الجياسي
*✿────↻✿...✿↺────✿

انكـــروو كسر الضلع اهل الــرده
دوم مظـــلومه تظــل بنت الــهده
ذوله مدفوعين ضدنه من العــده

قـصة البـاب الجــرح
واضحه مثل الصبح
الله ينـــصر باجر لكلمن نصــركم
انه مو عتبی على الخالف نهچکم

. ✍🏻الشاعره مریم العبودیه اسیرت الاحزان 💔
*✿────↻✿...✿↺────✿
.
كلــشي نكرو ياعلي الباطل عـــلوا
ظلــــمة ال المصطفى ما وصـــفوا
سم ذبــــح ولد الزجـــيه مكــتفوا

للسقيفه انطاو عـــذر
فسرو معنى الســـطر
ليش كل افعالهم تمــشي عكسكم
انه عتبي مو على الخالف نهجكم

✍الشاعره ام اسعد الشمري
★-----------✾-❀✾------------★
اليقهر اكثر ينحسب من شيعتك
وغیـرت اقلام الظـلم بوصـیتک
تمادوا بچف الحقد في عترتك

باعت الدين بدراهم
تصافح الباطل تسالم

يا علي خاسر المايمشي بدربكم
انه عتبي مو على الخالف نهجكم

✍خادمة الزهراء // ليلى زغيب
★-----------✾-❀✾------------★
كلشي نكرو الي ما عدهم ضمير
مارعوا ظلع الزجيه الي كسير
شما اوصف بيهم انه ابقىه احير

كلوبهم كلها حقد
فدك نكرو والعقد

ليش كله بالغدر خلص عمركم
انه عتبي مو على الخالف نهجكم

✍🏻#الشاعره غدير الباهلي
*✿────↻✿...✿↺────✿
.
هدمــــواأنــــوار المنابر ونطفت
مثل أبــــو سفيان للهادي صفــت
خـــــربوا كل الحـــقايق من نفت

هـــدم تفـجير وظلم
نفسه أنعاد إلا لم
وأحنه باقيــــن نتأمـــل فرجكم
أنه عتبي مو على الخالف نهجكم

*رمـ✍ـاد الخيام*


*✿────↻✿...✿↺────✿
.
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

قصيده للاحباب 💔

بحزن الدهر والضيم دلالي ذايب
يكلف ابد ميهون فگد الحبايب

مو سهله ياهناس فكد النحبهم
ظل الكلب بالضيم يمشي بدربهم
يوجع صدك بالروح يوجع ذجرهم

اسم الحنان اليوم من عندي غايب

✍🏻الشاعره مريم العبوديه اسيرة الاحزان 💔
🌿🌿🌿🌿🌿🌿

بفكد النحبهم حيل طول سهرنه
طيير علينه النوم وتعب نظرنه
يامن يردهم وين خلص عمرنه
روحي تحن ياناس وكليبي ذايب

✍🏻#الشاعره رمـآد آلَخــيــآم
🌿🌿🌿🌿🌿🌿

يوجع وابد ميهون فكد الغوالي
يبقه الحزن للدوم والدمع هالي
ينزف جرح بالروح هدم احوالي

مره يهزني الشوك ومره اعاتب

✍#أزهار_جبار_الجياشي
🌿🌿🌿🌿🌿🌿

ياذينه ياهلناس افراگ. الحباب
يوميه ويلي البين يلفينه بمصاب
وين الحنين اليوم ضماه. التراب

ماتنطفي للموت نار المصايب

✍#ام زهراء الزيداويه البصراويه
🌿🌿🌿🌿🌿🌿

حيلي انهدم من يوم غابوا عليـــــه
بس بالبچي والنوح واصفگ بديه
حدر التراب اعزاز نـــــاري سريـه

اصرخ واصيح بصوت محد يجاوب

✍🏻#الشاعره وعد الڪفيل
🌿🌿🌿🌿🌿🌿

ظلت تون الروح من فارگتهم
حدر الگبور تراب حال النودهم
ثاري الگبر ياحيف غير رسمهم

عذبت گلبي اهواي هموم النوايب

✍الحاجه أم احمد الحچامي
🌿🌿🌿🌿🌿🌿

تمت بعون الله تعالى
بـ✍ــاقـ✍ــلام خـادمـات
كروب جبل الصبر زينب ع..
👈بأشراف ومتابعة
ازهار جبار الجياشي
مريم العبوديه أسيرة الاحزان💔
ام مهدي العيداني
نسألكم الدعاء
بتعجيل الفرج لصاحب الزمان (( ع))

┈•┈┈★•$ ✿ $••★┈┈•

#فزاعیه فی حق فاطمه الزهرا سلام الله علیه











یاعمله البسمار
هدت حیلی
،،،،،،،،،،،،،،،،،،




یا فجعت ام حسین
عمله وعملهه البین
ضیع وجهه الزین
اصرخ واصیح بصوت یمه تعالی
،،،،،،،،،،




یا اغله من روحی
زید علی نوحی
ما تهجع الجروحی
واسمع ونین حسین هدم حیلی
،،،،،،،،،،،،،




یا عمله البسمار
خلتنه نبچی ازغار
والدنه بینه احتار
وامصیبته ام حسین شدهت بالی
،،،،،،،،،،،



زینب واختهه الیوم
متضوگ طعم النوم
یبچن ابعبره وللوم
ما نشفت الدمعات دووم اتلالی
،،،،،، ،،،،


ابچی واهل ادموع
وگلبی الچ مفجوع
مکسوره بیچ اضلوع
یمه علیچ النوح ضل یحلالی

،،،،،،،،،

تمت بعون الله🌹
#الشاعره خادمت الحسین رماد الخیام والشاعره الاخت ام حیدر العبادیه


الناشر عباس التميمي

#قصیده امام الکاظم (ع)

جنازه علجسـرمحد امشیعیهه
خل نتگابل احنه ونلطم علیهه
++++++++++++++++++
خل نتگابل علیهه وندگ وانوح
علی الغریب صبی الدمع مسفوح
من بعدک یامولای وین انروح
علیک الاه یالکاظم نعلیهه

✍ #علویـه ام فاضـل
++++++++++++++++++
عـليـك الاه يـالكاضـم ابو طلبه
جنازه أعله جسر وحالته صعبه
لـجـلـه ليوم خلينه العزه انصبه
والــونـه الـك خـلـي نـجـر بيهه

✍️ #الشاعره العلويه ام كنان الهاشمي
++++++++++++++++++
جناره علجسر محد حضره
مدد ويلي ظل ابن الزهره
عليه اليوم مكسره العبره
والونه الك يلكاظم نجريهه

✍️ #خادمه الزهراء حوراء الكناني
++++++++++++++++++
يلمسموم يومك هدم الحيل
ماكو احباب شالوك المحاميل
بطاموره العمر خلصته والليل
لبوسجدة الطويله اللطمه اعدليهه

✍️ #ام نورالزهراء الزينبيه
++++++++++++++++++
اجنازه علجسر ميت يراعيها
مطروحه بشمس كل حيل مابيها
محد حاضر اليله من اهاليها
وياحر الشمس يكتل وماذيهه

✍️ #ام زهراء الفاطميه
++++++++++++++++++
تون معصومه يامولاي وبعبره
غريب شلون أبوي وحالته مره
اضن يصيح جدة ودمعته تجره
أه يحسين روحي الك افديهه

✍️ #رماد الخيام
++++++++++++++++++
انون لكاظم بونه جماعيه
ندگ عالصدر والدمعه مجريه
لتقصرين باللطمه يشيعيه
وامه فاطمه الليله نواسيهه

✍️ #ام مهدي الفرطوسي
++++++++++++++++++



تمت بعون الله

#💢القصـیـده مشـــ🤝ـتــرکـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌