⤶ لـ رَفـِــيـقُ💚↻"

الفكرة اللي هو يعني هو أنا عبادتي مأثرة عليك بحاجة؟ يعني لما فلان التحى ولا فلانة لبست خمار أو نقاب ولا فلان قرر ميعملش فرح بالشكل الموجود دلوقتي ويعمله إسلامي أو ميعملش أصلا هو حر، ده أثر عليك في ايه؟ خسيت حتة؟ هو أجبرك انت تعمل حاجة؟ هو أنت لو صليت ركعتين سُنة بعد المغرب هقولك أنت بتصليها ليه دي سُنة؟ هو أنا مالي أصلا؟؟!!!
النقاب مش فرض! وملوش لازمة وتشدد وووووو، جميل هو أنا قولتلك البسيه/البسه؟ ولا ده وشها وهي حرة؟ ولا هي الحرية في كل حاجة إلا الدين؟ هي مش اللحية دي على وشه هو وهو حر بردو؟ ليه خليتونا إرها.بيين؟ شعائر ربنا بقت إرها.ب!! المعايير اتبدلت تمامااااااا،
ولا اللي يقولك ما كل الناس كده، هو انت عايز تبقى مختلف عن الناس ليه!! لو ركزت شوية في القرآن هتلاقي أكثر الناس لا يعلمون، أكثر الناس لا يؤمنون، يعني باختصار وجودك وسط القطيع مش دايما صح أبدا أبدا، وتبص للأحاديث تلاقي طوبى للغرباء!!
أو اللي يقولك ده اللي نعرفه وعيشنا واتربينا عليه وشوفنا عيلتنا والناس كلها عليه، بردو لو ركزت في القرآن شوية هتلاقي { وَإِذَا قِیلَ لَهُمُ ٱتَّبِعُوا۟ مَاۤ أَنزَلَ ٱللَّهُ قَالُوا۟ بَلۡ نَتَّبِعُ مَاۤ أَلۡفَیۡنَا عَلَیۡهِ ءَابَاۤءَنَاۤۚ أَوَلَوۡ كَانَ ءَابَاۤؤُهُمۡ لَا یَعۡقِلُونَ شَیۡـࣰٔا وَلَا یَهۡتَدُونَ }
وهتلاقي { وَإِذَا قِیلَ لَهُمُ ٱتَّبِعُوا۟ مَاۤ أَنزَلَ ٱللَّهُ قَالُوا۟ بَلۡ نَتَّبِعُ مَا وَجَدۡنَا عَلَیۡهِ ءَابَاۤءَنَاۤۚ أَوَلَوۡ كَانَ ٱلشَّیۡطَـٰنُ یَدۡعُوهُمۡ إِلَىٰ عَذَابِ ٱلسَّعِیرِ }
شايف خطر التقليد الأعمى!! شايف خطر تعطيل العقل!!
خليكم عارفين إن الطريق مليان أذى واختبارات، وإنك ستُبتلى! قررت تمشي في طريق الاستقامة والالتزام وتتبع ما أنزل الله هتُختبر وتُبتلى وربنا هيختبر صدق إيمانك، { أَحَسِبَ ٱلنَّاسُ أَن یُتۡرَكُوۤا۟ أَن یَقُولُوۤا۟ ءَامَنَّا وَهُمۡ لَا یُفۡتَنُونَ (٢) وَلَقَدۡ فَتَنَّا ٱلَّذِینَ مِن قَبۡلِهِمۡۖ فَلَیَعۡلَمَنَّ ٱللَّهُ ٱلَّذِینَ صَدَقُوا۟ وَلَیَعۡلَمَنَّ ٱلۡكَـٰذِبِینَ } !! اوعى تفتكر إنك مش هتُختبر!
لو لبستي النقاب في ناس هتفرحلك جدااااا، وناس هتباركلك، وحاجات حلوة كتير، على الجانب الأخر في اللي هيحبطك جداااا ويثبطك ويوقعك ويكسر فيكي سواء يعرفك أو ميعرفكيش، وهيطلعلك أذى واختبارات من حيث لا تدري، في ناس ربنا محبب الإيمان في قلوبها وناس لا، نسأل الله السلامة والعافية والهداية، ونفس الكلام على عبادات وحاجات كتييير، هو الطريق كله كده، في حاجات حلوة؟ في، بس في أذى؟ اه في وكتير كمان،
ولما يحصل معاك موقف يهزك حاول تجري على حد من صحابك تحسبه على خير، لازم بجد، لإنه هيفكرك ويرجعك ويثبتك بكلامه، الصحبة الصحبة يا جماعة!! متفتكرش إنك هتعملها لوحدك،
وسل الله الثبات دايماااا، عشان والله محدش ضامن حاجة، حواليك حرب جماعية من كل حتة، واجعل كل حاجة بتتعرضلها دافع ليك وإنك مأجور بإذن الله، واهي حاجة تتعلم منها، ومتشغلش بالك بيهم بقى، يعني عارفين كل اللي فوق ده والله ولا ترد عليهم ولا تشغل بالك، قوله أنا مبسوط كده، الجنة درجات وأنا بحاول أوصل للأعلى، أي حاجة، لإنه في الغالب كده كده مش هيفهمك أو هيضحك ويتريق عليك، ف سيبك، اه والله سيبك، ولعلمك الأذى مش كلام بس، في حاجات هتتعرضلها غير الكلام، يلا الحمدلله!
ولا تغتر بنفسك أبدا، ربنا من عليك وهداك وخلاك تشوف الحق حق وتشوف إن اللي كنت فيه ضلال، ربنا هو من اختارك وهداك! ربنا اللي من عليك بعبادته وخلاك تعبده وتمشي في الطريق ده، ف اوعى أبدااااا تشوف إنك احسن من اي حد بيحبطك ويأذيك، لا تعلم هيُختم ليك او ليهم على ايه!! الهداية دي فضل ونعمة من عند الله!! ادعي لنفسك وليهم بالهداية والثبات وبس بجد٠٠٠٠

286 views04:29