#خبر #xəbə De Həzrət Fatimə Zəhra(s) səodətinə vilodəti mınosibəti təbrik Imruj 1 şanbə hicri ğəməri 1446 nə sori cəmadiussani 20 (2024 dekabri 22) islam peyğəmbər həzrət Muhəmməd Mıstəfo(s) qiromiyə kinə və dınyo şiəyon 1 imom Əmire muminon Əli İbne Əbitalib(s) həyat həmro Həzrət Fatimə Zəhra(s) səodətinə vilodəti sorəqardışe.Həzrət Fatimə Zəhra(s) hərdənətico vəyı kədə , dıştə qiromiyə dədə Həzrət Muhəmməd(s) hidoyəton bə kəmal iyən elm və fəziləti həmməysə barzə mərtəbəon rəsə. Həzrət Muhəmməd (s) qiromiyə kinə eyne holədə dınyo şiəyon 1 imom imom Əli(ə) veyə səfa və səmimiyyətış bıə kədə, həmməysə çokə şərayetədə həyat həmroəti iyən inə be vəzifonış əncom do və yolə insonon mincumlə imom Həsən(ə) imom Huseyn(ə) və Həzrət Zeynəb(s) ıştə dumənədə perosnişe. Həzrət Fatimə Zəhra(s) həmmə cəhətonədə dınyo xanımon olqo bə hisob omedə və həzrəti vilodəti ruj ironədə inə və xanımon ruj nom noə bə. Və bı rujədə xanımon məğam xususi inəonku təclil bedə. De həminə mınosibəti islomiyə İron 2 qılə aləmi yolə xanım Həzrət Muhəmməd (s) qiromiyə kinə vilodəti şəv-rujiədə bə sərosəriyə id və şoəti şohide. İron islom Respublika telerədyo təşkilat Həzrət Fatimə Zəhra(s) səodətinə vilodəti sorəqardışi dəme mınosibəti bə həmmə mıslmonon və dınyoədə ozodəti tələb əkon təbrik votedə. تبریک سالروز ولادت باسعادت حضرت فاطمه زهرا (س) https://parstoday.ir/tly/news/iran-i49488 💠 #رادیو_تالشی 💠 ╭──────────╮   📡 @Radiotolishi ╰──────────╯ 💠 #Tolışi_Rədio 💠