🛡 Давлат хизматини ривожлантириш агентлиги Қашқадарё вилояти филиали томонидан 2024 йил давомида амалга оширилган ишларига бағишланган БРИФИНГ ташкил этилди. Брифингда филиал томонидан 2024 йил давомида давлат органлари ва ташкилотларидаги вакант лавозимлар учун очиқ мустақил танловлар ўтказиш, номзодлар орасидан энг муносибларини саралаш, замонавий билимга эга ёшларни давлат фуқаролик хизматига жалб қилиш, давлат фуқаролик хизматчиларининг малакасини ошириш, қайта тайёрлаш, юқори малака кадрлар орасидан Миллий кадрлар захирасини яратиш, кадрларни “дублёр” сифатида тегишли соҳа вазирларига бириктириш, Салоҳиятли кадрлар захираси ҳамда Истиқболли кадрлар захираси учун муносиб номзодларни саралаш ва уларда раҳбарлик сифатларини ривожлантириш орқали ушбу номзодлар орасидан энг муносибларини юқори лавозимларга тайинаш борасида амалга оширилаётган ишлар ҳақида батафсил маълумотлар берилди. Шунингдек, тадбирда давлат фуқаролик хизматчиларининг ҳуқуқлари ва қонуний манфаатларига риоя этилиши, давлат фуқаролик хизматчиларини билим ва интеллектуал салоҳиятини юксалтириш, улар ўртасида китобхонлик маданиятини оммалаштириш, давлат органлари ва ташкилотларида инсон ресурсларини бошқариш ва ривожлантириш соҳасидаги рақамлаштириш жараёнларининг бориши, vacancy.argos.uz, hrm.argos.uz, zaxira.argos.uz, ilm.argos.uz, edu.argos.uz каби бир қатор платформаларининг соҳада кенг жорий этилиши масалаларида амлага оширилган ишлар ва эришилган натижалар ҳақида ОАВлари ходимларига ва брифинг иштирокчиларига батафсил ахборот берилди.