“Qorako‘l Uchtepa Sur” MChJda qishlov mavsumi borishi nazorat qilinmoqda Navoiy viloyatidagi “Qorako‘l Uchtepa Sur” naslchilik MChJda qishlov mavsumi namunali o‘tishi uchun zarur chora-tadbirlar ko‘rilmoqda. Mayda shoxli mollarni to‘g‘ri oziqlantirishga alohida e’tibor qaratilgan. Xususan, sovliqlarni oziqlantirish, qo‘ylarning semizlik darajasini nazorat qilish va qo‘shimcha ozuqa berish ishlari yo‘lga qo‘yildi. Mollarni sovuqdan himoya qilish maqsadida ular yopiq qo‘ralarda saqlanmoqda. Qo‘ralarni sanitariya talablariga muvofiq tozalash va ozuqa zaxiralarini tayyorlash ishlari tizimli tashkil etilgan. Shuningdek, mollarni veterinariya ko‘rigidan o‘tkazish, profilaktik emlash tadbirlari va cho‘ponlarga amaliy yordam ko‘rsatish ishlari amalga oshirildi. Qishlov mavsumi davomida barcha ishlar nazorat ostida olib borilmoqda. 😎Kanalga qo‘shilish uchun https://t.center/qorakulchilik