صديقتي المقاومة .
انا يلي بتشكرك انك اتخذتي قاوم على أنها ملاذ تحطي فيه كلامك .❤

صديقتي انا مش عم حفزك لأن هدفك ما لازم تتحفزي منشان تمشي عليه كل مرة خطوة ، اعرفي الفرق بين التحفيز و كلام السعي و بين الإستمرارية و الفعل ..

رح إسألك سؤال و اذا حابة نتناقش اكتر حاكيني خاص ، لما رح تقوليلي انه عندك هدف رح إسألك شقد هوسك اتجاه هاد الهدف؟
ما مدى الهوس يلي عندك لتمشي و تركضي و تزحفي لهاد الهدف؟
هدفك مابيطلب منك أنك دايماً تركضي لإلو بل حتى لو رحتي عليه زحفاً من التعب رح يرحب فيكِ .

قادر سمعك كلام من اليوم لبكرا ، بس اذا بدك فعل هون تختلف الطاقات بين الكلام و الفعل .
انا ما بعتلك رسالتي لتتحفزي انا بعتلك رسالتي لتكفي بإستمراريتك رغم حزنك و خوفك و قهرك و عزلتك و رغم كل ضلع موجوع فيكِ .

بدو يكون عندك رحابة للألم .
Welcome to pain zone ❤

و ليكي يا مقاومة .

لا يكلف الله نفساً إلا وسعها .
في رابط بينك و بين هدفك ما خلاكي رب العالمين تتخيله و تحطيه بحياتك ك هدف عن عبث .❤
كفي منشان لمعة عيون أهلك فيكِ ، و مو بس منشانن ، انا رح ذكر كل مقاوم أن نجحتي و دخلت الفرع يلي بدك ياه ، و رح اعمل نجاحك شي مثبت ب " قاوم " .

لهيك كفي منشان لمعة عيون أهلك ؛ و منشان لمعة عيون كل مقاوم رح يفتخر بنجاحك .
نحنا مؤمنين فيكِ .❤️