**** Кетмасанг қанийди, кетиб зор этдинг, Билмасам кетмоқни ихтиёр этдинг. Кимнинг кўзларига қуёшдай ботиб, Кимнинг кўзларини бахтиёр этдинг. 2025 -йил *** Ким қолди , ким кетди , ким ютди бунда, Ким бемор , ким соғлом, ким кутди бунда. На сенга, на менга ҳеч не аёнмас, Фалак сирларини беркитди бунда. 2025 йил **** Тортади оломон замон қолмайди, Бунда на яхшию, ёмон қолмайди. Бунчалар панада беркиниб ётдинг, Барибир ҳеч кимса омон қолмайди. 2025 йил Муслим Мусаллам