بص.. هي صعبة، الشغل صعب، والتعامل مع الناس صعب، وإن الواحد يعمل فلوس صعب، والجواز صعب، وإن احنا نروح الشغل كل يوم عشان دخل لا يكفي بردو صعب. بس سيدنا عمر بن عبد العزيز -رَضِيَ اللَّه عنه- قال جملة تُكْتَبْ بماء الذهب.. قال: لو أنَّ الناس كُلَّما استصعبوا أمرًا تركوه، ما قام للناس دُنيا ولا دين.. فما ينفعش نبطل نعمل حاجة أو نبطل نحاول عشان الحاجة دي صعبة، لأن هي دي الدنيا. ربنا يسهِّل ليا وليكم كل صعب.