*قصيده للدفنه بقفلة الهوسه*
موذر فوك رمله حسين ياعمه
شلته وطاح مني وشنهي اليلمه
....................
موذر فوك رمله امطشره اضلوعه
والسجاد يحچي وهلن ادموعه
وزينب سمعته والروح موجوعه
ولميته// والخنصر ماهو
ام حسين العسكري ناصريه
........................
لميته وذر كونج تشوفينه
بلايه راس ما ضنج تعرفينه
عمه ام عون چني اسمع اونينه
اعله كليبي// عبدلله تحطه
ام علي الصالحي
........................
عله گلبي الطفل خليه يوليدي
مابين الدليل مشابگ وإيدي
حط كلبه اعله صدري سلوتي وعيدي
وغطينه... بتراب الوحشه
✍🏻زمن حاتم الربيعي
.......................
شفته عالترايب ونتي زادت
المه شلون وانه همتي اترادت
ندبت المرتضى والروح اله نادت
احضر لينه//ياحيدر جدي
ام زينب السعداوي /ناصريه
...................
چن اسمع اونينه ون على ارضيعه
ادفنه اوياي واجب عمه انطيعه
دفنته وسط صدره والله افجيعه
ياذيني //عبدالله امصابه
ب~
✍️~الحجيه ام احمد الحچامي
......................
اعضاه امطشرة وضايعله الخنصر
انترست كربله من جسمه متوذر
مــااحمل يعمه للصدر أنظر
((مخسوفه //ياعمه اضلوعه))
✍️زينب الواسطي
.....................
ما احمل اشيله حاله اذاني
لمن شفته عمه زادن احزاني
دفنته بلايه راس وهذا بچاني
( اموذرينه //محتاربشيله )
أم عــ
✍🏻ــلــي الـحـلـفـي
........................
شفته ياعيوني والدمع مسفوح
المَّن بي وعيني اعله النحر مشبوح
صحت بصوت عالي ولگلب مجروح
((ولـمـيته //بدموع عيوني))
رمـــ
✍ـاد الخيام
.......................
انهد حيلي يعمه. حسين من شفته
اشگد روحي جويه بعيني عاينته
صحت جيبو حصيره خل الم جثته
موذرينه // نايم عالغبره
✍️ام منذرالحجار
....................
تمت بحمد الله وتوفيقه باقلام شاعرات ناعيات الطف تحت اشراف الحاجه ام حسين العسكري ناصريه يحرم الحذف والتلاعب ونسالكم الدعاء والفاتحه لامواتنا وامواتكم مع الصلوات
http://t.center/pntAlMirza_zamn