أحدث اكتشاف في طب النسائية والتوليد اجاني صديق يسألني وهو متعجب كان يودي زوجته لطبيب نسائية أردني أقصى شيء يصرفه دواء أو دوائين. وهسة موديها لطبيبة نسائية عراقية معروفة كاتبة لها 7 أدوية وهم خايفين رادوا يتأكدون ليش هلكد أدوية وهي ما بيها شيء. شفت الفحوصات والتحاليل اللي مسويتهن الطبيبة للحامل كلش هواي وكأنما تشمل حتى فحوصات الأعمى والأعرج وابن السبيل والمؤلفة قلوبهم وفي الرقاب ومخلوقات كوكب بلوتو المحترم! ليش وشنو الربط؟! هي كل شيء ما بيها بس حامل وعدها فقر دم بسيط. تروح للأدوية أول شيء بالوجه Albendazole !!! وباقي الأدوية مقويات متنوعة وما لها علاقة مثلا omega 3 !!! زين وين ال iron ؟؟!! وين ال folic acid ؟؟!! ماكو!! اكو حامل ينطوها حب للديدان وهي كل شيء ما بيها وما يصرفولها حامض الفولك!!! وين وصلنا؟! كلت له احسب نفسك ما موديها لطبيبة ورجع الدواء للصيدلية اليوم رجع الدواء وانطوه فلوسه ورجعوا له حتى فلوس العلاج الطبيعي! العلاج الطبيعي مفيد للديدان!!! هاي همجية ونذالة مو ممارسة طبية. الله يساعد الناس الفقراء واللي ما تعرف ما دام ال deals موجودة ويمشوها برأسهم. المفروض حملة عسكرية على الشركات المنفلتة مثل إنزال النورماندي حتى يا دوب تضبط المهزلة اللي صايرة. صورة لأول دواء مطبوع في الوصفة ومصروف منه باكيتين! دكتور حيدر تابعونا على التليكرام https://t.center/pharmacy_drug2