پیام دلفان

‍ شعر لکی وه مناسبت روژ دا خِلاتی دالِکَل سَرزَمینِم

#گل_گلونی_دالکه

گُلِ گُلوَنی تو دالکَه ،گاوی دلْ ایل لک نشینَه

چوی سراو نیازِ خاوی،نگینِ کویئَل گَرینَه

لَچِکِت چوی سوز و سویلَه ،ئَر بِلِنگی آسمو کاوی

سَروَنِ هراتی لارِت ،ئَرا ایلِم چوی سُتوینَه

شو شَمَک گِرتِن وه دس تو،استخارَه گَپ خُدایَه

گَپِ دالْکَه گَپ خُدایَه ،یَه وِژ ئَژ اصولِ دینَه

خَم چِرونِ ایل و مالَل ،نیاسی گِر ئِه گیونِ شو گار

معنی هر کَلیمَه گَپ تو ،چوی گَپَل سعدی سَنگینَه

چِلَگَه داوارِ دل ایل،بسیاسَه قِه بَن تَزمیت

فال رنگینِ چِل سِرو تو ،چوی گَپَل حافِظ شیرینَه

#مهدی_کیانی_برخورار



https://t.me/joinchat/AAAAAEJ9sqy6CMjUPGws0w