Қайтдим, мен борарим ўша, манзиллар ўша,
Аламлар ўшадир, ҳазинлар ўша.
Йигирма ёшимга беш фасл қўшиб,
Бир кунда ўзгарган фасллар ўша.
Балки мақсад битиб, йўллар ўзгарар,
Бўялар, бузилар, қурилар қайта.
Титратмайди энди эски сезгини
Чақирсам ҳам ҳатто, исмини айтиб.
Қайтдим!
Масофа шу, сенгача узоқ,
Балки аввалдан ҳам чўзилган озроқ.
Мен қурган дунёни буткул бузгани,
Тиллар ўша- ўша, қўлсиз, беоёқ!
Ўша гап, азизим, эгилганим рост,
Ва яна синмаган аёллигим ҳам.
Эски-ю янгилар ҳали жуда паст,
Онамнинг пойида омон бошимдан!
✍🏻 Нафиса Омон
@Oykumushingiz
