"أشعر أحيانًا بالرغبة في الاستمرار بالنوم لألف سنة، أو أنني فقط غير موجود، أو لست واعيًا بوجودي على الأقل، لذلك أحاول منع نفسي من ممارسة التفكير، أريد لكل شيء أن يتوقف، أريد من هذه العجلة أن تتوقف عن الدوران."
ي خبرة تحسوا ان الشهر الاول في بشري يوقع مبروك كان يقع بركة في المصروف، كنت اصرف واصطرف واشتري لي فنايل وبناطل والاكل ماكنت اكل الا اكلات معرفش اساميهن من هولاك الضخمات والقات كان يتصلي المقوت اتصال: قاتك جاهز ي دكتور ح... ، واخزن للخبرة وادي للمطلّبين من خمس خمس واحاسب صاحب الباص ميتين وخمسين ويدي لي ميه ويقل مابش خمسين واقله عفا الله عنك ي رجال الناس للناس وزد يكمل الشهر وباقي خمسة عشرة الف، مامن بعد الشهر الاول والي بعده كلهن ي ساتر ي دين الله تحسو ان احنا بندرس فوق اراضي وقف ورسوم الجامعة بندفعها من مال الايتام اول مااستلم المصروف اسير اشتري لي قلص مانجو ولا مجموع واجلس طول الشهر ادور حق الصبوح ولا قد صاحب الباص مارضي يرجع الخمسين اتعنقل معه طريق طريق لوما نلقى صرف ويرجع الخمسين 💔💔
تقولو ذلحين احنا بنتعاقب ع البطرة حق الشهر الاول ولا قدهي عادات وتقاليد؟؟!!!!💔💔
