Смотреть в Telegram
عند رجوع زينب (ع)
الى قبر اخيها الحسين (ع) وهو يسال اخته عن طفلته رقيه؟
****
وحدج يزينب جيتي ماجبتي رقيه
بلشام ياخويه ادفنتها انه البنيه
****
ياخويه كليلي يزينب شنهو الصار
گلبي على بنيتي تراهو مشتعل نار
يحسين لوتدري اشسوت بيه الاشرار
يسيره خذوها بنيتك لبن الدعيه
***،
شنهو الخبر ياخويه حاچيني زينب
فراك البنيه يابت حيدر حيل يصعب
امرك تفوضه يبن امي انته للرب
ظلت تنوح عليك ماهادت شويه
****
فزت يخويه تنتحب واتصح عمه
هسه شفت يمي اجاني ابواليمه
بصدره شبكته للولي واكعدت يمه
بيده مسح راسي اويهود گام بيه
****
تكلي اريده ابوي هلساعه يجيني
مسافر ابوج تكلها اه يابعد عيني
واعليه مابطله ابد هاذا ونيني
اگلها ابيج راح مابي بعد جيه
***
راسك يخويه بلطشت جابوه يمها
ماتت على راسك يخويه من المها
واهويت يبن عليها اوكمت اشمها
ماحسبت تلفيها هل الطفله المنيه
****
لشاعرة اهل البيت ام عمار الصائغ الفاتحه الى روح الحاج ابو عمار وابنتي
https://t.center/omamar70
Telegram
قناة (قصائد حسينيه) لخادمة اهل لبيت (ع) الشاعرة ام عمار الصائغ
قناة (قصائد حسينيه) لخادمة اهل لبيت (ع) الشاعرة ام عمار الصائغ
Love Center
Бот для знакомств