أم عباس العبادي

🌸فقرة🌸 #همسات_أقلام
🍃مجموعة شاعرات اهل البيت🍃
{{{ الحنين إلى الحسين }}}


يمتى ازورك .. سيدي واشتم ضريحك
يمتى ازورك .. امن البُعد أنه أصيـحك
من جفاك اتعـــــذبت
بسهمك انه اتصوبت
يا حبيبي .. يا حبيبي
...................................

والله عذبني البُعد ودمــوعي تــجري
بالگلب أنته النبض وبدمـــي تــسـري
شوفتك والله تشيل همـوم صــــدري
مالي غيرك سيدي والبـيه تـــــدري

هذا حالي .. صرت اكتبنه بــحروفي
هذا حالي .. شوفتك بس بطيــوفي

سيدي لهــــفه ألك
والله رايد أوصلك
يا حبيبي .. يا حبيبي

✍🏻#ولائـية_وافتـخر (دعاء العامري)
••—————————————••

عايش ابحلم الملاقه ومــــالي حيله
احسب ايامي وضما عمـري ودليــله
عمري راح ولا ارتوى ابشوفت خليله
شنهو عمره الما يزورك لو هي لــيله

يا دليلي .. زيـــد وناتــك ونـــوحك
يا دليلي .. والبعد هيج جـــــروحك

اشحال گلب المنحرم
المرقـدك رايد يـــــلم
يا حبيبي .. يا حبيبي

✍🏻#بنت_الشمري
••—————————————••

عن بُعد مولاي ازورك وانه أغـــفـــى
بالحلم زاير واطوفك واصحى وسفه
مثل أم الفاگده وبگــلبي لهــــــفه
خايف اتخلص سنيني وعيني صـلفه

گلبي ذايب .. والمن اشكيهن جروحي
گلبي ذايب .. والبُعد كثر لي نـــوحي

دمع واشواگ وشجن
هذا قلمي هل يـــون
يا حبيبي .. يا حبيبي

✍🏻#باقر_جبار_الشويلي
••—————————————••

شلي بانفاسي اذا مااشم هوا حسـين
خلي تعمى عيوني شلي عگبه بالعين
نار البگلبي مثل نار الصـــــواوين
زياره من ابعيد ما تروي المحـــــبين

حنّت الروح .. ياحبيبي تشم هـــواك
حنّت الروح .. عيني تعمى بلا ضواك

يمته اقبل عتبتك
ميت انه بفرگـتك
يا حبيبي .. يا حبيبي

✍🏻#أم_محمد_الحجاج / العبادي
••—————————————••

حيل مخنوگ ابعبرتي ابلا زيـــــاره
يمته اشوف بعيني گبـــتك والمناره
هـلبت ايهّود دليلي وتطـــــفى نـاره
واسجد ابابك شكر يابو الغـــــــياره

لهفه بيه .. الحضرتك واشتم عبيرك
لهفه بيه .. وانت تدري مالي غــيرك

فراگ ما أحمل بعــــد
گلبي من شوگه انمرد
يا حبيبي .. يا حبيبي

✍🏻#ام_عباس_العبادي
••—————————————••
تمت بعون الله 17/4/2020