🇮🇶 رسالتي الى طواغيت وطني .....
~~~~~~~~
🇮🇶🇮🇶🇮🇶~~~~~~~~
عليك الله يعادل ترضـى بالصـار ؟؟
عـليـك الله يعـادل گـلبك شـگال ؟؟
ليش الكرسي عامي لك ضـميرك ؟؟
وتتصرف اويـانه بحـكم الانـذال ؟؟
چا ويـن العدالة ، مالـنه احـگـوگ ؟
حگ الوطن وينه بيا حـزب مـال ؟؟
حگ الشـيبه ويـنه الجـاي تنهـان ؟؟
وحگ الطفل وينه العـوز بي عـال ؟
حـگ الـعـلـم ويـنه واليـدرسـون ؟؟
وحگ اللـي يضـحي ويـن مـاگـال ؟
حچـايـة بـخـت مـاعـنـدك ولا ديـن
ولا غـيـرة عـرب بـيك امـن الرجـال
الشارع منتفض طـگ گـلبه مقـهـور
وكــل الـلي يـهـمـك مـنـصـب وزال
عراقـيـيـن ابوك وامـك شـبـيـك ؟؟
مامـتـربي انـت بـهـمـة وافـعـال ؟؟
مــــن يــادرة راضــع گــول بالله ؟
مـالــك كــل أصــالة اتحــير البــال
المأصـل عـرب والـعـنـده نـامـوس
مـايـسـكـت اذا دم الـوطــن ســال
الـمــأصـل عـرب مـيـفـزع الگـــوم
ضـد اولاد شـعـبه ويصـعب الحال
احنه الاصل مو كرسـي ولا صـوت
ننهض ننتفض ضـد الطغـى وجـال
حگـنه بـرگبـتك ذول احـنه طـلاب
لاگـيـنه بـوجـه بـي نـخـوة ارجـال
لتضم راسك انـت اليـوم مـطلـوب
عوف الكرسي واطلع ماكو اشـكال
كرسي الوطن هيـبة والـك مـيلوگ
او وطنه يريد بـس غـيرة الابطـال
سـياسـين كـلكـم بـس طـواغـيـت
نهبـتـوا الوطـن مافـكرتـوا بالـحال
ماعـشـتـوا الفـگـر لا مـركـم العـوز
ولا مـر ضـيم بيـكم طـشـر اعـيـال
ولا مـر لـيـل بيـكم نمــتو بالجـوع
ولامر عيـد مامـش چسـوة اطـفال
ظـلـم البـعـث مـا شـفـتـو ولا يـوم
نـص الليـل فـجـأة يسـوي الانـزال
ولا مــر خـوف يـرعبـكـم يـحـكـام
ولاتـقـريـر عـنـكـم كـتـبــت انـذال
تركتوا الوطن لابن الكـاتله الجـوع
وللـخــارج لجـأتــو مـرفـه الحــال
ورجعتوا بلا ضمير وبگتو الاعـراق
وحـكم ايـزيـد رديــتـوه بالافـعـال
~~~~~~~~
🇮🇶🇮🇶🇮🇶~~~~~~~~~
#أم_عباس_هيثم_العبادي