#Ватан_ҳимоячилари_куни 🇺🇿 Ватан ҳимояси мардлик ва жасорат ифодасидир 🛡 “14 январь – Ватан ҳимоячилари куни” муносабати билан Ўзбекистон Республикаси Мудофаа вазирлиги Ҳарбий тайёргарлик ўқув маркази доценти, подполковник Бобур Сафаров ва подполковник Хуршид Бобоев иштирокида Тошкент ислом институти талабаларига “Ўзбек йигити – мустақиллик посбони” мавзусида давра суҳбати ўтказилди. ✅ Тадбирнинг асосий мақсади ёшларни ватанпарварлик руҳида тарбиялаш, мустақиллик ва тинчликни асраш, Ватан туйғуси, уни ҳимоялаш, мардлик, жасорат ва садоқат каби инсоний туйғулар борасидаги масъулиятни оширишдир. 🇺🇿 Қуролли Кучларимиз ташкил этилганининг 33 йиллиги арафасида ўтказилган мазкур тадбирда меҳмонлар ўз ҳаёт йўллари, эришган ютуқлари, шунингдек, Ўзбекистон Республикаси Қуролли Кучларини ташкил этилиши, бугунги кунда ҳарбий хизматни ўташ учун яратилган шароит-шароитлар ҳақида талаба ёшларга сўзлаб берди. ✅Подполковниклар Б.Сафаров ва Х.Бобоев ватанни ҳимоя қилиш ва тинчликни асраш ҳар бир фуқаронинг муқаддас бурчи эканини таъкидлади. Шунингдек, ҳарбий хизматчиларнинг жисмоний тайёргарлиги ва амалий машғулотлари тасвирланган видеоролик намойиш этилди. 💬 Исломда ватан туйғуси олий қадриятлардан бири ҳисобланиб, юрт сарҳадларини қўриқлаш, душманларда мудофаа қилиш, аскарлик ва осойишталикни таъминлаш йўлида хизмат қиладиганларга улкан ажр ва савоблар ваъда қилинган. 📱 https://t.center/oliymahad – диний-маърифий канал! 📱 Youtube 📱 Facebook 📱 Instagram