حضرت هاد الفيلم امبارح .. 13 Going on 30 حبيتو، خفيف ولطيف وفيه فكرة القصة بتكون بنت في عمر ال13 وكأي مراهقة بتحب المجلات وكيف بتبدأ تتشكل عندها اهتمامات أنها تكون محط اهتمام وأنها تكون جذابة ومثيرة وكيف مهتمة بعارضات الأزياء وكيف بتحس أنه نفسها تكون زيهم ففي عيد ميلادها ال13 بتتمنى أنها لو تكون امرأة بالتلاتين، المهم بتنام وبتصحى وبتلاقي حالها بالتلاتين، وطبعا بتشوف كيف شكل حياتها بناءً على اختياراتها والمسارات ال سلكتها .. المهم الفيلم فكرته حلوة، وفيه حكمة انه كل اختيار في حياتنا وكل تصرف بحياتنا هو جزء من مصيرنا .. وأنه نعيش كل مرحلة بمرحلتها وأنه نكون مدركين لاختياراتنا أكتر وأنه كل اختيار بناخدو هو جزء من مستقبلنا فاختاروا الأشياء وخذوا القرارات ال بدكم ياها تكون مستقبلكم لأن حياتنا عبارة عن سلسلة .. وما حدا بيحصد شيء ما زرعو .. وبس ❤️