Waxa uu isa soo dul taagay oday waayeel ah oo kursi alwaax waddada qarkeeda yaala dacal kaga fadhiya. Gadhka iyo madaxiisa cirradu qarisay iyo wajigiisa gabowgu duuduubey ayuu cabaar u fiirsaday. Wuxu iskula xanshaashaqay allaylee waa kii aad ka heli laheyd jawaabta ugu macquulsan. Wuxu weydiiyey su'aashii uu dadkaba weydiinayey oo aheyd; "Maxaad ku qeexi laheyd nolosha"? Cabaar inta uu aamusay oo madaxa ruxay ayuu ugu hal celiyey: "Waa wax kasta oo kasoo horjeeda adiga filashadaada".