قناة الرادود والملحن محمد الدبي

الشاعر محمد الجماسي:
تنويه ✿

العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه

هالله هالله احسين وينه
بالسيوف امگطعينه
ــــــــــــــــــــــــــــــــــــــ
وگعت الخيمه علينه من وگع
والسهم ياناس من ظهره طلع
ابوفاضل لانهضله ولا فزع

اشلون يفزعله عضيده
وبالسهم مصيوبه عينه

هالله هالله احسين وينه
بالسيوف امگطعينه
ــــــــــــــــــــــــــــــــــــــ
آنه عالتل واگفه وانظر اله
صاعده اعليه الخيول ونازله
مابقه بجسمه عظم ياكربله

گطعن جسمه الحوافر
والحجر خاسف جبينه

هالله هالله احسين وينه
بالسيوف امگطعينه
ــــــــــــــــــــــــــــــــــــــ
حافر ابصدره سمعته من يرض
وحافر ايجر بقميصه عالارض
من لحيته احسين صاير ينقبض

هذا ابو النفس العزيزه
ميّت وعينه علينه

هالله هالله احسين وينه
بالسيوف امگطعينه
ــــــــــــــــــــــــــــــــــــــ
من بعد ماحان ميعاد الذبح
شالو الراس واجوني بالرمح
والسياط اعله المتن ظلت تلح

ننضرب بالخيزرانه
احنه ياناس اشجنينه

هالله هالله احسين وينه
بالسيوف امگطعينه
ــــــــــــــــــــــــــــــــــــــ
حرگو اخيمنه واصيحن ياعلي
مو بعيده كربله وانته الولي
ياعلي ترضه بناتك تنولي

بس علي السجّاد عدنه
كلهه راحـت من ادينه

هالله هالله احسين وينه
بالسيوف امگطعينه

محمد الجماسي

#اللهم_عجل_لوليك_الفرج

قصيده گعده للسبي
.
.
.

راحت الدنيا اويه اهلها
من عگـب عيـن الكفلها
زينب ابلا اخو زينب .. ماكو حامي اليفزع الها
 
***
 
كان يامــاكـان كانــت سـيده تدعى الامـيره
چانـت امن تريد تطلع تطلــع اوياها عشيره
مو خشب محملها حيدر فصله تفصال غيره

يتخدر بضلها الخدر .. شيلتهـا عنوان الستر
تاليها يــندار العمـر .. وتنـوخذ زينب اسيره
 
الچانــت الجنـه بكبرها
تستحي تحچي بخدرها
عالهزيله بلايه محمل .. وحايره اتلم بشملها
 
***
 
زينب الستر التـــبقه بوكــت بـــي ماكــو شهامه
بت علي لو ماخــدرها عـالشــرف نقــره السلامه
وچـان راس الســمه فــرع لحـد متقــوم القيامه

وصارت ضريبتها السبي .. وحاديها زلــمه اجنبي
شكــراً الى بنـــت الــنبي .. الدين ردتله احترامه
 
والله لو وياها اخــوها
بالحــچي ماشامروها
آخ نظرات الشماته .. عله زينــب وشثكلها
 
***
 
احجابها رايــة (محمد)  وماتطـــيح ابداً الرايه
ضنهــم اشويه العـقيله وبالسبـي طلعت اهوايه
چـــم ولايــه طـبـــبوها ابــلا كفيــل ولا حمايه

اذنت حي اعله الشرف .. والــعالم بكبــره وگف
الوالدها سلطان النجف .. زحمه تنعد عالسبايه
 
الچان ابو فاضل سماها
شـمر من عگبها سباها
اوف ياكــلمة ســــبيه .. زينب اتخلبص غزلها
 
***

زينــب الــمــحــد لمحـــها زينـــب الحــره الابـيه
الباري لو للــعفه ارســل نبــي چـــان ارسلها هيه
زينـب اول تالي تدخـــل فـي دواويـــن ال اميه

ويديها مشـدوده بحـبل .. لا والله ابــد ماتنعقل
وينك صحت ياباالفضل .. تحـضــر الهه بالرزيه
 
مدللت عباس وحسين
وينـها اويـن الدواوين
من عگب عين ابوفاضل .. ياهو اليـــنزل حملها
 
***
 
چان مــن يــمر ذكــرها ماقـــبل عــشره مــحرم
الناس كــلها تصيح صلى الله علــى زينب وسلم
شــصار ياهالنــاس بلله مــن وره حرگ المــخيم

من طاح اخوها اعله النهر .. مسبيه سماها الدهر
وسفه انسبت اخت الگـمر .. والخـدر ذاكه تهدم
 
لاعشيرة ولا كرايب
سكــنوها بالخــرايب
تچوي خد السمه زينب .. لمــن الدمـــعه تهلها
*
حيدر تركي الكربلائي
 

 قصائد السبي
.
.
.

بين چف وچف حبل .. وگـــيــدونه عالـهزل
والـحچي يابالفـضـل
ايشيب الراس

***

مــشينه والــحچــي اتطــشر والماينـحچي گــالوه
وطولي الچـان ماينــشاف خويه وداعــتك شافوه
شالو عالرمـــح راســك وصـد اعلـــيه مـــن شالوه
وي ماطـاحت ادمـوعي متـــني من الضرب ورموه
 
والــي دمعــتـها تـــدر .. بسوطه يضربها الشمر
حـــالنـــه لا موســـهل
ايشيب الراس

***

الخوه من رحت خويه ماضـل كلشي للخوه
عگـب امروتك خـويه الناس منــيلها امـروه
طلعنه طلعت المكـسور الماوياه ظـهر تچوه
نمشي بين هذا وذاك بس من نمشي بالگوه
 
ماتمــر حــتى بـحـلم .. نطـلـع ابـيــن الــزلم
اسمعنه شي ماينحمل
ايشيب الراس

***

يخــويه العــاشر بـكــبره ومعانــاته ومـأسيه
السبينه خويه مايوصل وحقك خمسه بالميه
القتـل يابالـفضل عــاده النــه وهــاي مرضيه
بس مااعـــتقد ســامع گــبل مســـبيه علويه
 
ظعن هيبتنه انچتف .. صرنه فرجه للاسف
والـسبي اشـنع فعل
ايشيب الراس

***

الشــماته بالدرب صفين ولازم بالـشــماته نمر
گــدام الضــعن ملعون بحـــبال النســاء ايجر
نگله لاتمر بالناس وعلـى رايه وطريقـه ايصر
لابينـه نفــر ونـفــر ولا بـيـــنه نضـــل نـنــطر
 
وعلـه صوت الناحيه  .. امن الخجل والمستحه
اسمعنه شي ماينقبل
ايشيب الراس

***

نخـــيتك والنـــذل گـــلــي لاتنـــخــين يازينــب
لو يــفزع ابـو فاضل خـــيامـچ چـــان ماتـــلهب
وچان حسين مامذبوح ولا ضــل عاري ومسلب
أيســـي كـــافلج مـــيت خـويه يريدنـي اتـعذب
 
يا أبوفاضـــل صحت .. ومن على الناگه طحت
يالاخو ثكيل الحمل
ايشيب الراس
***
حيدر تركي الكربلائي
 

حضور الزهراء ع
عنده جسد الحسين ع



عـاري ابـلا دفـن ومـوسّـد الــغَــبـره
المثلك ليش عَشره ايدوسن بصدره

        يـيـمـه       **        يـيـمـه

                                    *---------------*---------------*

يـيـمـه حسين اجيـت بـهـل مـسـيـه
نـسيـت اضلوع صدري وكلشي بـيـه
احـس الـخـيـل كـلـهـه اتــرك عـلـيـه
شفت جـسمـك علـه اتـراب الـوطيـه

                                    *---------------*---------------*

اگـولــن يـا جـرح اصـعـب يألـمـهـه
اكابر خاف اجيسه وخـاف الـچـمـه
حرت صـدرك يـيـمـه اشلون اشـمـه
واسوي ادموعي حمـره بالون دمـه

                                    *---------------*---------------*

يغالي اجروح جسمك من شـفـتهه
عَلي هانت شَكو عصره احـملـتـهـه
تـجـي زيـنـب تــون يــمــي ردتـهـه
لـَچـن گـوم الـكـفـر عـنـك خَـذتـهـه

                                    *---------------*---------------*

ثـلـث تـيـام يـم جـسـمـك وحـيـده
اهـل دمـع الـحـزن والـنـوح ازيـده
اصيح اوليـدي ليش انـحـز وريـده
وليش حسين گطعوا خنصر ايــده

                                    *---------------*---------------*

يبني اضلوع صدرك كلـهـه احسـهـه
تــره الـداسـك گـبــل امـك رفـسـهـه
نـفـس هالزمره هاي ونـفـس رسـهـه
يـبـو الاكـبـر الـك رجـعـت نـفـسـهـه

                                    *---------------*---------------*

✍خادم الحسين ع
الشاعر رعد الجريخي

(مولاتي زينب)

محتاره وين انطي الوجه    هجمت عَلّي خيّاله

*---------------------*-------------------*

مـن ظيمـي افزّع بالگمـر   هجمت عَلّي خيّاله
يدرون اخيي اعله النهـر   هجمت عَّلي خيّاله
حيلي انهدم گلبي انكسر   هجمت عَلّي خيّاله

جـار الـدهـر بـفـعـالـه   هجمت عَلّي خيّاله

*---------------------*------------------*

حركوا عَلّي حتى الخيـم   هجمت عَلّي خيّاله
يفزع ردت راعـي الـعـلـم   هجمت عَلّي خيّاله
بروحـي احـس نـار الألـم   هجمت عَلّي  خيّاله

مـاتـنـوصـف هـل حـالـه    هجمت عَلّي  خيّاله

*-----------------------*------------------*

اركض عـلـه النار وجمـر   هجمت عَلّي خيّاله
هذا الـجـره ابتالي العمـر   هجمت عَلّي خيّاله
عگب الگمر شفت الشمر   هجمت عَلّي خيّاله

صوت الـيتامـه اتـعـالـه   هجمت عَلّي خيّاله

*-----------------------*-----------------*

الغوث اصيحن يـا علـي   هجمت عَلّي خيّاله
الموت اهون اولا انولـي   هجمت عَلّي خيّاله
اتمنيت اخو الينهض الي   هجمت عَلّي خيّاله

يـنـهـض يـلـم اعـيـالـه   هجمت عَلّي خيّاله

*-------------------------*------------------*

اشلون اوصل الحيد الحرب  هجمت عَلّي خيّاله
نار اشتعـل عـگـبـه الـگـلـب  هجمت عَلّي خيّاله
مايرضه اضل بـيـن الـغـرب  هجمت عَلّي خيُاله

نـومـه اشـعـجـب يـحـلالـه  هجمت عَلّي خيّاله

*------------------------*-------------------*

✍خادم زينب ع
الشاعر رعد الجريخي

(#يامايله)


. يـا مـايـلــه الـدنـيـا اويـه زيــنــب
  يـا مـايـلــه الـدنـيـا اويـه زيــنــب

                                     *---------------*---------------*

يـوم الـمشت ام الـخـدر بـيـن الــمَـلــه
ماضل أمـل بـأهـل الـشـيـم والـمــرجله
صعبه اعـلـه زيـنب عالـهـزل الـمـدلـلــه

                                     *---------------*---------------*

صعدت لـچن فـوگ الجفن دمـعـه اتهلي
ظــلــت سـبـيـه ابـكـربـلــه وأبــلا ولــي
غـاب الـكفيل الـگـلـهـه خـويــه اتـدلـلي

                                     *---------------*---------------*

ابـعـيـلـه وعليل اتــكـفّـلـت صارت حمه
وضـرب الـعليهـم شافـتـه بت فـاطـمـه
مـنهـه الـدمـوع الـجـاريّـه ابلون الـدمـه

                                     *---------------*---------------*

أبــروس الـعوالي شاهدت روس الأهــل
شافت مـحـن حتى الصبر منهه انـذهـل
مـشـوّهــه بسياط وشـتـم اهل الــجـهـل

                                     *---------------*---------------*

مهظومه راحـت والـگـلـب مثل الـجـمـر
أمـگـيّـده ابــگـيـد الأســر تـالـي الـعـمـر
طـابـع بديـهـه والـظـهـر سـوط الـشـمــر

                                     *---------------*---------------*

اصـعـب جــرح يلهب سـَعـيـره اومـنّـسـه
دخلت عـلى ايـزيد وشـمـاتـه ابـمـجلـسـه
عـگـب الــتـكـفّــل بـالـخـدر والـيـحـرسـه

                                     *---------------*---------------*

بــعــد الـجــره والـشـافـتـه مـن الــعــده
ردّت لــخـوهــه اتـخبّـره الــصـار وسِــده
مـجروحـه زيـنـب والـجـرح شـيـضـمّـده

                                     *---------------*---------------*

گالـتـلـه حيف اعـلـه الـوطـيـه اتـوسـدت
اشكي الـهـضـم يـا بـو الفضل يـمـك ردت
أتـمـنـه تـسـمــع هـالـحـچـي چــا عَــدّدت


                                     *---------------*---------------*

✍ خادم زينب (ع)
الشاعر رعد الجريخي

الوداع الوداع.. ياحبيبي ياحسين
الوداع الوداع.. ياحبيبي ياحسين
.
آنه زينب وانت روحي
وكل حياتي والهوه
ياحسين الدنيأ دونك
كل صبحها بلا ضوه
بالوداع شحالي خويه
آنه والميته سوه
چن عليله بلا اهلها
ويمها يتبده الدوه
.
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
خويه ودع كل بناتك
راح اظل بخيمتي
بكل كتر تنشد رقيه
ليش تبچي عمتي
من اودعك خويه يمهما
ماكضن دمعتي
عندي من امك وصيه
لغربتك يامهجتي

.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
آنه متعودة اضمك
من اشوفك كل صباح
وانت باجر بالمنيه
بصدرك تضم الرماح
أرد اشمن خويه نحرك
گبل متذبحه الجراح
گبل مايدوي المخيم
بينه ويطول النياح

الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
أمي وصتني وصيه
گبل ما تغيب النظر
تگلي قبلي يُمه أخيچ
يالحبيبه من الصدر
باجر الحافر يدوسك
ضلعك يطر الظهر
مالحگ خويه اودعك
لو دنى وكت السفر

الوداع الوداع.. ياحبيبي ياحسين
الوداع الوداع.. ياحبيبي ياحسين
.
.ـــــــــــــــــ ❁ ❁ ❁ ـــــــــــــــــ
.
خويه باجر اليتامه
بحرگة اخيامك تضيع
واعله چفك خويه ننظر
ذبح عبدالله الرضيع
الشمر يسعى لهضمنه
ويعمل شما يستطيع
من يشد بحباله چفنه
لازم الامره نطيع

الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باجر وجوه الثكالى
تنحفر من الدموع
بين الدور ابنها
وتگطع امال الرجوع
بالسبي نمر يم الاكبر
نشوفه مهدوم الضلوع
وجاسم تزفه المنايا
بلايه حنه ولاشموع
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باچر من التله انظر
الاجساد امگطعه
اركض واگصد كفيلي
اعله جرف المشرعه
بلا كلام چفوفه تحچي
تختصرلي مصرعه
عينه مطفيه بنبلهم
والسهم ماطلعه
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ

حضّروا نوگ السبينه
وهالدرب ماله بديل
تنكتب قصتنا باچر
لو عزمنه اعله الرحيل
انت تصعد عالمواضي
وانه اصعد عالهزيل
دمي عالخدين اسيله
وعالرمح دمك يسيل
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
.
حسن الموالي الفاطمي

وداعيه



ليلة وداع العايله

١
ليله حزن ليلة دمع
ينكسر باچر جم ضلع

ليلة وداع العايله
٢

باجر اذا صار الصبح
چم راس ينشال برمح

ليلة وداع العايله
٣

دمعتها زينب بالجفن
ليلة خطر ليله حزن

ليلة وداع العايله
٤

زينب تعاين عالمهد
ينذبح باچر  ياولد

ليلة وداع العايله
٥

ليلة بواچي وي الحرم
ليلة سهر ليلة آلم

ليلة وداع العايله
٦

ليلة مصيبه وفاجعه
وحسين باچر مصرعه

ليلة وداع العايله
٧

باچر اطفالك بالضمه
يحسين بالبر هايمه

ليلة وداع العايله
٨

اخر وداع بكربله
چان بمدامع هامله

ليلة وداع العايله







لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

#لتبديل الرايه
موشح
كوم بدل الرايه يا مهدينه
ويانه تحضر فاطمه تعزينه
╌────═❁═────╌
كوم بدل رايتك يبن الحسن
ليله حتى السمه تبچيلك مزن
وياك تحضر فاطمه تنعى بحزن
ياحسين الصرخه الك علينه
╌────═❁═────╌
بكل سنه نجدد يمهدينه العهد
وداعت العباس ما نخلف وعد
ولو نعه الناعي وعالمنبر صعد
احنه الك رايه وعلم تلگينه
╌────═❁═────╌
نلطم احنا وياك يالمهدي بألم
ونذكر العباس شيال العلم
ايا صدر حسين حافرهم ثلم
شمالطمنه ابد ماووفينه
╌────═❁═────╌
يابوصالح الليله تكصد كربلاء
تبدل الرايات حي اعله العزاء
الليله فطرس والملائك بالسماء
تنصب المجلس تعزي حسينه
╌────═❁═────╌
ليله يلمهدي ودموعه هلجرن
ليله يرسم سوط واحبال ومتن
والاميره شلون من راحت تون
اه ياهذا الوضع يچوينه
╌────═❁═────╌
وبضريحه المهدي متوشح بسواد
يلطم عله راس ياخير العباد
يبو الاكبر فاطمه جابت ضماد
خل تضمد جرحه وجفينه
╌────═❁═────╌
حسين ثوبك رايه وبارض الطفوف
بي رسم عباس وسهام وجفوف
جن نشوفه ثوبه مزگه السيوف
والحوافر صدرك موذرينه

╌────═❁═────╌
✍باقر جبار الشويلي

اجينه نــــشوفكم بعد الجره وصار
خلصو من ذبــــــــــــحكم شبو النار

اجينه نــــــشوفكم من ردت الخيل
وندور جــــــــسادكم بين المجاتيل
كل خــــطوه نخطيهه تهدم الحيل

ومظيــــــــــــــعنكم من كثر الاغبار

اجيناكم سوه نتــــــــــــــعثر نكوم
مثكله متونه ياخــــــــويه الهدوم
كنه حسين هــسه نشوفه ملجوم

وجثته هناك نلــــــــكاهه ويلنصار

اجينه وريــــــــت لا جينه وصنه
متغيرين مــــــــــــــو ذوالك اهنه
صحنه خلافكــم هل طش ظعنه

وعليكم بجــــــــــينه زغار وگبار

بعدنه وياك والخيــــمنه شعلوهه
وحبال الــــــسبي هل حضروهه
بيمن تنتــــــخي المذبوح اخوهه

ظيعت العــــــشيره وراحت الدار

ظيعت العــــشيره وحايره بخوف
شفت عباس ومكــطعين الجفوف
كلت هسه تنــــــــسلب هذا معرف

من راح الكمر ماظــــــــــلت اعذار


ابو سلام الجابري

https://t.center/jjdicjcsk