قناة الرادود والملحن محمد الدبي

زينب وهلال محرم

ذكرتني ياهلال بالمعزّه وبالدلال
صعبه فرگتهم اخوتي صعبه فرگتهم
يامحنّتهم اخوتي يامحنّتهم
ــــــــــــــــــــــــــــــــــــــ
ياشهر حزني آنه اشوفنك كل سنه ابصوره
مره فوگ التل وبالحبل مره آنه مجروره

چان فيّ الرايه فوگي چنه ديوان الحسن
احسين يمي وابوفاضل چان حارس عالظعن
هسه من اسياط اميه امتون زينب ورمن

چان عبدالله بضحكته يترس الدنيه ضوه
وچان يخجل من عباتي مايحركهه الهوه
هسه تعبانه واريدن واحد ايگلي الگوه

واليقدرون الحجاب نامو بوسط التراب
حلوه لـمّتهم اخوتي حلوه لـمّتهم
يامحنّتهم اخوتي يامحنّتهم
ــــــــــــــــــــــــــــــــــــــ
راحو اخواني كلهم من ايدي ابلچمة العاشر
كون افز والگه دمهم اليجري بالحلم صاير

وترجع ايامي القديمه وماكو خيل ولا ذبح
الليل امسحه من وجودي وارسم بعيني صبح
راسي شيّب يوم شالو راس الاحسين برمح

الحادي مراني اعله جسمه جنه خيمه ومحترگ
گتله احلفك هذا ياهو الـميت احچيلي الصدگ
گلي هذا احسين اخيچ بالحوافر ينسحگ

يامحرم مانسيت وبقضاء الله رضيت
بيضه نيتهم اخوتي بيضه نيتهم
يامحنّتهم اخوتي يامحنّتهم
ــــــــــــــــــــــــــــــــــــــ
ياهلال أنظر طولك المحني هم مثل طولي
اشما بچت عيني اهلي واحبابي مايرجعولي

ابهيئة الراكع اشوفك يعني صوره أمن الحزن
وانه گضيت الليالي لازمه اصفاحي واون
ومره قوس اتصير اشوفك تذبح اگماط وحضن

مره اشوفك خيمه توگع مره اشوفك گنطره
بيهه دم هامة كفيلي والچفوف امبتره
آنه اول وحده أدفن ذكرياتي بمگبره

زينب وطگني الزمان طگة ابنادم جبان
كلفه غيبتهم اخوتي كلفه غيبتهم
يامحنّتهم اخوتي يامحنّتهم
ــــــــــــــــــــــــــــــــــــــ
گبل ماتطلع آنه يهلالي ابدي الاقرايه
وكل بني هاشم تلبس الاسود وآنه ملايه

من شهر ذي الحجه تبدي ادموع عالراحو تهل
دنيه ماترضالي افرح فرقت مني الشمل
چان چف حيدر بچفي وهسو شدوني بحبل

آنه علويه واهلنه ساده بيهم ينحلف
الشام لا آني الاحبهه ولا الي اوياهه عرف
وطبت السوگ الچبيره هاي ابد ماتنوصف

وروس اخوتي عالرماح ذاكه مال وهذا طاح
مُره بلوتهم اخوتي مُره بلوتهم
يامحنّتهم اخوتي يامحنّتهم
ــــــــــــــــــــــــــــــــــــــ
بهالشهر كلمن رايد الخدمه آنه اشد حيله
واللي يتمنه يقصد الگبري ازياره اهديله

آنه اخت باب الحوائج يمي كلهن ينگظن
الخادم الينصبله موكب رايه أعلگه بالصحن
العين من تبجي اعتبرهه غيمه تمطر عالضعن

احسين يستاهل تعبكم يالتعبتو بخدمته
انتو ماشفتو الحوافر من اجت يم جثته
للخيم گامت تجره ووشلت دم رگبته

وانه عالتل واصيح ياهو منكم مو ذبيح
وين فزعتهم اخوتي وين فزعتهم
يامحنّتهم اخوتي يامحنّتهم

محمد الجماسي

#اللهم_عجل_لوليك_الفرج

وجاء محرم

يبن الحسن يبن الحسن ٠٠ عاشور اجانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
هل الاهـلال واجينه المأتمه
وآه يمه احسين صاحت فاطمه
ناشره الثوب الاملطّخ بالدمه
الثوب الامبچي ملائكة السمه

هاي المحن هاي المحن ٠٠ هزّت سمانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
يابو صالح عظم الله الأجر
احسين ظلت جثته ابحرّ الظهر
شبع يامولاي طعنات وطبر
والبگه ابراسك گطع راسه الشمر

طول الزمن طول الزمن ٠٠ دايم عزانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
بالزياره الناحيه أصل العزاء
من تگول احسين ظل ابلا رداء
تندب الـمذبوح كل صبح ومساء
إوبدلِ الدمعِ بكائك من دماء

تبكي دَمـاً تبكي دَماً ٠٠ حزنك عمانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
آه يادرب السبي الكلش بعيد
خله زينب ياكل بچفهه الحديد
ماتت اشچم موته من شافت يزيد
إگبال عيناهه ويطگ راس الشهيد

ثغره إنطعـن ثغره إنطعن ٠٠ بالخيزرانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
احسين نبچيله ونروح انزوره
واحنه خير العدنه من عاشوره
تبقه رايات الحزن منشوره

وتبقه بس شيعة علي الـمنصوره
رغم الفتن رغم الفتن ٠٠ محّد لوانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
احسين اغله امن الهوه النتنفسه
واليقـدس احسين الله ايقدسه
احسين للاجيال أكبر مدرسه
ايموت كلشي ويبقه عايش مجلسه

كلا وَلن كلا وَلن ٠٠ يوگع لوانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
في دعاء الندبه نقرالك حنين
أينَ وجه الله إومعز المؤمنين
الليله كلنه انصيح وانمد الادين
عجّل اللهم ثارات الحسين

سر وعلن سر وعلن ٠٠ نرفع بيانه
عالخيمه نبچي وعالظعن ٠٠ عاشور اجانه

محمد الجماسي

#اللهم_عجل_لوليك_الفرج

شمات عله اهل زينب ينشدون
الروس گبالهم عمده ويضحكون

ينشدون العقيله وين الخوان
وخيمكم شجاهه وبيهه نيران
وماعدج عشيره ولاكو ديوان

وخيمكم محد طفاهه

هاي انتي العقيله وخت الحسين
الكفال بضعنكم هسه جا. وين
كبالج صار راسه صوابه بلعين

معلگينه وگبالج راسه

الروس معلگه گبالج بلارماح
وخوج الحيد ذاك عله نهر طاح
ماتنفع بواجي وينفع صياح

طلعيهه دموعج بطف

طلعي دموع عينج وخذي حسرات
وشوفي حسين ذاكه گبالج المات
ظلوعه ويل حوافر ولوكت فات

شوفيهه ظلوعه گبالج

شوفي ظلوع اخوج وشوف الجفوف
بگلبج راح نزرع حسره والخوف
يظل للدوم وعله حسين ملهوف

ياگلبج بيش اداوينه


ابو سلام الجابري


https://t.center/jjdicjcsk

عيد الولاية


بعيد الغدير نجدد البيعه
بعيد الغدير وحيدر نطيعه
اللهم والي من والاه اللهم عادي من عاداه
جينه نبايع حيدره الليله
طه أمرنا وجفه يشيله
اول خليفه وندري مو رابع
السبعين نادوا عدل الميله
حيدر أمير والي عالشيعه
اللهم والي من والاه. اللهم عادي من عاداه

بهاي الشعيره نصبه العالي
حيدر ولينه ويبقه للتالي
اسمك يضل لشيعي عنوانه
ضد النواصب حيدره الغالي
ناده يحيدر هاي الوديعه
اللهم والي من والاه. . اللهم عادي من عاداه

ياعشگ مثلك علي مولانه
اسمك طلاسم يمشي بدمانه
بايعنه شخصك بالمهد احنه
انته الهويه العالي بسمانه
نجدد عهدنه وابد منبيعه
اللهم والي من والاه.. اللهم عادي من عاداه

بسم الروافض نفتخر احنه
طه نبينه وعلي قائدنه
فازليوالي حيدره وولده
بالحشر باجر اسمه يرفعنه
اللعن عمرهم بهاي السويعه
اللهم والي من والاه.. اللهم عادي من عاداه

بايعت حيدر قبل تكويني
سر الإله وبيده يهديني
قبل الخليقه حيدره اسمه
بعالم الذره وهو يحميني
ياعشگ گلبي الغالي وريعه
اللهم والي من والاه اللهم عادي من عاداه

✍باقر جبار الشويلي



https://t.center/lAfiteamoun

على_لحن_اسرني_شوﮔج_وارفع_الرايه



بعيد الغدير نجدد ولايه

بعيد الغدير نجدد ولايه

يااباحسن كل احنه وفايه

🌺__________________________🌺

ياابالحسن… من وصل تفسيرك

قران ناطق سوره والايه

بعيد الغدير نجدد ولايه2

يااابالحسن كل احنه وفايه
🌺_________________________🌺

ياحيدره… النه السراط ومايعبرونه

واحنه الروافض نحمل الرايه

بعيد الغدير نجدد ولايه2

ياابالحسن كل احنه وفايه
🌺 __________🌺

ياابو الحسن ..من الله تتويجك

اول خليفه واخر وصايه

بعيد الغدير نجدد ولايه2

يااابالحسن كل احنه وفايه
🌺__________________________🌺

ياعالم ..وللعلم ابوابه

هيبة محمد بيك الكفايه

بعيد الغدير نجدد ولايه2

ياالحسن كل احنه وفايه

🌺__________________________🌺

يازلزله ..وصفين تشهد لك

روؤس الاعادي بسيفك دمايه

عيد الغدير نجدد ولايه

ياابالحسن كل احنه وفايه

🌺__________________________🌺

✍باقر جبار الشويلي

للاستفسار والتواصل
@MolatyzeenabbbB_bot
https://t.center/lAfiteamoun

•‌‌‏•❥ًً❀(•«﷽»•)❀❥ •‌‏•‌‏
اللهم صل على محمد وآل محمد 🥀

هوسات ولائيه لعيد الغدير الأغر عيد الله الأكبر لولاية علي أبن أبي طالب عليه السلام  ولينا في الدنيا والآخره
🪷🪷🍃🪷🪷

اليوم انبايع الكرار  ونرفع بالعهد رايـــه
الولايه إلك مخصوصه يا سيدي ومولايه
السراط إنت للجنه يبو الحسنين والغايه
والما رضــه لا يرضه واگله هاي الحجايه

( حيدر هو القاسم // بين الجنه وبين النار )

🌷🌷🍂🍂🍂🌷🌷

قسيم النار والجــنه هـــــــو حيدر الكرار
الوالاه ابجنه يفـــــــــوز والخالفه ابقعر النار
وعلى كل مؤمنه ومؤمن والي نصبه المختار
لحدث  يوم الغدير بخم عيد الله الأكبر صار

( عيد الأكبر هذا // بس الشيعه اتعيد بي

🌷🌷🍂🍂🍂🌷🌷

اليواليك ويحبك يفـــــــوز بجنة الرحمن
واليبغضك والعاداك دنيـا وآخره خسران
العداله يا علي والحق اسمك صاير العنوان
بيك الدين واركـــــانه قوه وتشيد البنيان

( الله اختارك والي // غصباً عل العاداك )

🌷🌷🍂🍂🍂🌷🌷

رفعنه اجفوفنه ✋ وصحنه بايعناك يا بو حسين
والينه وتظل للدوم واحنه اعله العهد بــــاقين
وعلى دربك يحامي الجار نظل طول العمر ماشين
شما تعــــمل ولا تهمنه النواصب ذوله الملاعين

( احنه الما رادك والي  // انحطه اندوس اعليه

🌷🌷🍂🍂🍂🌷🌷

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام

     مولد امير المؤمنين



علي مولا .. علي مولا .. علي مولا
---------
مـتيــم بــيــك ياحيـــدر واريــدك
وفضل تحسبني واحد من عبيدك
انـه التـــايه انــه المحـــتاج ايدك
امـــروتـــك لاتگـــــلي مــا اريـدك
اروحن وين .. يـنور العين
انـه ابليــاك .. صفر ليدين
يبسـم الله / علي
 ينـور الله / علي
علي مولا .. علي مولا .. علي مولا

---------

جنوني بــيك ياحيدر جــنوني
وغيرك ماتشوف احـد عيــوني
كـ التــمــار مـــيثم عــيـــروني
وعـــن امحـــبتك ماغـــيروني
الگلـب ناداك .. اعيش اوياك
واحس بالموت .. انـه ابلياك
يحرز الله / علي
يـذكر الله / علي
علي مولا .. علي مولا .. علي مولا

----------

ادگ يوميه بابك واستـجيرك
فقير وانتـه ماتـطرد فقـــيرك
رحمتك واسعه وماكو نظيرك
اسيرك فــدوه لاتعتـق اسيرك
صحت ماريد .. اروح ابــعـيد
يتيم ارجوك .. واشوفك عيد
يعين الله / علي
يسر الله / علي
علي مولا .. علي مولا .. علي مولا

--------

عشت طاريك لحظه لحظه اني
وعن ذكــرك فلا يــغفــل لساني
طــاري الــغيـر اســد منه اذاني
تره يكفــر الخـــله ويـاك ثــاني
علي الاوحد .. علي الامـجد
علي ومثلك .. فلـــم يـــولد
يــــبـاب الله / علي
وحجاب الله / علي
علي مولا .. علي مولا .. علي مولا

----------

بايعتك علــي من واني بالذر
وعشگتك والعشگ بيه تجذر
وگبل ماگول يمـه گلت حيدر
غير انته الــذي سـاكن بالابهر
اموت اعليك .. افكــر بيــك
وحلم عمري .. ابوس ايديك
جنان الله / علي
امـان الله / علي
علي مولا .. علي مولا .. علي مولا

-------

علي وشقــيمة النـــاس التحـــبك
عـــلي وانته يــحبـك حـــيل ربك
الخليفه الصدگ بس انته نحسبك
بدربــك نبقـــه لامنــعـــوف دربك
امير الكـون .. الميقـتنعون
فلا يقدمون .. ولاايأخرون
يـأيــد الله / علي
يسيف الله / علي
علي مولا .. علي مولا .. علي مولا
-------
حيدر تركي الكربلائي

قصيده تنصيبيه غديريه



بتنصيبك علي هالفرحه نحييها
بسم يوم الغدير  ونحتفل بيها

١

بسم يوم الغدير الفرحه نعقدها
بكل عام اليمر  احنه نجددها
الانس والجان حيدر صار سيدها
وبسمه الأمنيات احنه نسميها
٢

تنصيبك الحجه ياعلي الكبره
عالعالم نطشها خضرت حضره
الماوالاك ياحيدر خسر عمره
والوالاك يعني الجنه شاريها
٣

واجب نحتفل والعيد رباني
وكل مؤمن يعايد مؤمن الثاني
يضل عيد الغدير بشرف عنواني
واصوات الفرح واجب نعليها

٤

اطلب حاجتك بالعيد واترجه
بحيدر والولايه بالحشر تنجه
كل الخير بثمنطعش ذوالحجه
فرحتنه الچبيره بي نخليها
٥

حيدر من گبل متنصب بهايه
وأعلنها الرسول ونزلت الآيه
من عالم الذر منطينها احچايه
ومانخلف أحچايه وأحنه منطيها







لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري

الباقر
...
من زغري ويّاك
ما اگدر انساك
يا محرم .. يا محرم
...
يا محرم تختلف عن باقي الشهور
انت المخلي حياتي كلها عاشور
اشلون انسه بكربلائك گطع النحور
شنسه نيران الخيم لو سلب الخدور
من زغري محتار
وبگلبي چم نار
امن المخيم .. يا محرم
...
ذكرياتك مؤلمه يا شهر الأحزان
شما اشوف الماي اذكر جدي عطشان
من اشوفن خيل ابچي وين ما چان
اذكر الصدره صبح للخيل ميدان
بعيوني مطبوع
تكسير الضلوع
عايش بهم .. يا محرم
...
الطفل لو يمي بچه شيسوي بيه
يذوب گلبي من رباب اتصد عليه
ابقه العن حرمله صبح ومسيه
طفل عطشان اذبحه بالغاضريه
وامه تصدله
وبنحره نبله
سابح بدم .. يا محرم
...
بعد يوم الطف بقت عمتنه بس عام
من دفناها بديها چوية خيام
چانت آخر كلمه منها آه يالشام
تذكر اشلون بخرابه جانت تنام
من هالمصيبه
ماتت غريبه
عمري اظلم .. يا محرم
...
يا محرم هالمحن شافتها عيني
وكل سنه بهلالك تهيج ونيني
خل اموتن گبل ما شهرك يجيني
انه بس دمعه وحزن خلصت سنيني
المحنه چبيره
الماله عشيره
يجرع السم .. يا محرم
...
خادم الحسين ( عليه السلام)
كرار حسين الكربلائي
( ابو كميل)

ابوذيات للإمام الباقر عليه الصلاة والسلام
نسأل من الله تعالى وأهل البيت .. القبول


جمعنـه مجلـس الباقــر ... #ولمنه
و إلـه مشتـاگ مدمعـنـه ... #ولمنه
لحيدر هالمسه امصايب ... #ولمنه

الزچيـه ادمــوم بالمدمـع جريـه

(( لمنه -من الألم - أمنا الزهراء ))
***

روحــي ما تـبـطـــل دوم ... #ونها
وعزائي ما أخلصه اعليك ... #ونها
لون تنشـد الشيعه اليـوم ... #ونها

نصبـت كـل كتـر نـوح وعزيـه

(( ألون والدمع - لا ينتهي - أين الشيعه ))
***

فرحــت كل بنـي اميــه ... #وحنيت
وانه لمصاب هد حيلـي ... #وحنيت
مثل حن الزچيه أنحب ... #وحنيت

و اعـاون بالبجـي ادمـوع الزجيـه

(( الحنة والفرح-انحناء الظهر -الحنين ))
***

ابد هذا الگلب ماشـاف ... #راحات
ولا مـره رزايـا الشــوم ... #راحات
نصفگ ما يفيد اليــوم ... #راحات

ردت عيني بدمه المدمع جريه

((الراحة - لا تذهب- راحة اليد ))
***

العتــره بيا ذنـب شنهــو ... #جناها
وصفه بس الحزن والهـم ... #جناها
بالگلــوب البقيــع احنــه ... #جناها

و للبـاقــر نسـوي أعـظــم عـزيـه

(( الجريمه - التحصيل - أتينا للبقيع المقدس))
***

يعتــرة طـــه المصـايـب ... #على_أمكم
و خفگ عالزهره بحزانـه ... #علمكم 🏴
الإمام الخامـس و باقــر ... #علمكم

العده جرعوه من چاس المنيه

((الزهراء ع - العَلم 🇮🇶 - العِلم والمعرفة)) ***
✍🏻علي نوري الحلفي

السلام عليكم... نطلب من كافة المؤمنين والمؤمنات ان يشملون ورود عبدالهادي بدعائهم وقراءة سورة المزمل بنية الشفاء لأنها تمر بحاله حرجه جدا جدااًوحاليا راقده في الأنعاش القلبي الرئوي💔 لأصابتها بعجز القلب التاام 😭😭ولديها 6 أطفال واحدهم من ذوي الاحتياجات الخاصة..😓جعلها الله في ميزان اعمالكم ودفع عنكم كل مكروه.