Смотреть в Telegram
_لا إله إلا الله .. أبوي بقتلـ*ـهم وبشرب من دمهم ويرحينا منهم.
=محمد رسول الله .. الله يكضب الشينة يا روضة بس هسي العيال ديل يعملوا ليهم شنو عليك الله؟
_أنا حتكلم مع رحيق .. هي لسة راجلا عامل لينا جوطة في موضوع الطلاق وحلف ستين يمين الود ده يوم يشوف جنبها ضل راجل بجي يقلعوا من جوة عينا.
=النصيحة يا روضة أبوك ذاتو بالغ في حق البنية معرس ليها بدري مالو وراجلا ياريت النسوان يعقروا ولا يلدوا زيو.
_تقولي شنو بس يا هدى غلطة عمرنا وجات في المسكينة دي.
=الله يسهل غايتو هسي الكلام ده ما تسمعوا أختك باقي الشمشارات الفتانات ديل بوصلوا الكلام تقول بدوهم فيهو قرش ولا تعريفة.
_الله يستر يا هدى.
=هيي بعد كده أنا أقوم على بيتي محمد بكون مستنيني للفطور.
_عملت كسرة شيلي ليك لو عندك باقي ملاح في التلاجة.
=لفي لي طرقات منها دايراها والله بس الكسل منعني.
_"ضحكت" .. عارفاك عشان كده عملت حسابك.
=والله يا روضة يا أختي حماة الهنا والسرور إنتِ الزيك منو يا يمة .. بختنا بيك.
إبتسمت ومشت جابت ليها الكسرة .. هدى شكرتا وطلعت رجعت بيتا تشوف مواضيعا.
_____
"بـ لسان ننا"
بعد خالتو فاطمة طلعت مننا أمي قالت لي خالاتك وبرة البلد مافي زول بمشي معاك للشيلة غير هدى أمشي كلميها وهي بتم معاك الموضوع .. نضفت ولبست توبي إتبلمت وقبل أطلع إتصلت لـ نود :
_نود وين إنتِ؟
=في البيت ليه؟
_تعاليني في بيت ناس كريم عليك الله.
=لأ معليش نحن عاداتنا ما بنمشي لنسابتنا قبل العرس.
_"ضحكت بإستهتار" .. من متين يختي؟
=من لما كلم أمو بعلاقتنا وأنا ما مشيت ليهم فقلت أعيش الدور.
_أنا طلعت أصل ألقاك في وشي.
قفلت في وشها أصلًا ما بتجي بالدغري .. دخلت لقيت كريم فتح لي:
_اوو بتنا.
=كيمو اللمور يا ولدنا؟
_مظبطة وفل الفل .. إنتِ كويسة؟
=كويسة .. أمك في؟
_جوة مع الحاج.
=ووب قول والله؟
_"ضحك" .. جسسسة.
=يجس نبضك شاحدة الله كريه.
_طيب خشي واقفة ليه؟
=أصلًا خاشة.
دخلت ومشيت العريشة سلمت ..
_سلااام.
=أهلين يا ننا إتفضلي.
_كيفك يا خالتو هدى؟
=كويسة الحمدلله وإنتِ يا العروس؟
_غلبني كترر علي.
="ضحكت" .. لسة ما شفتي حاجة لكن.
_عليك الله يا خالتو هدى أكتر من كده فضل شي يشوفوا؟
جابت لي موية وجات قعدت جنبي وبقت تسألني كذا سؤال .. لحدي ما حكيت ليها موضوع الشيلة ومشية السوق .. وبقت تخطط معاي.
______
"بـ لسان نود"
أنا ما عارفة عملت شنو في حياتي دي ما في زول عايز يخليني أتهنى بنومي .. أنا ما صدقت الليلة يوم الاوف بتاعي قلت أشبع نوم ننا إتصلت صحتني .. صحيت وغسلت وشي لبست توبي ومشيت اول ما دقيت الباب لاقاني كريم في وشي بإستغراب قال لي:
_طلعتي من مدارك ولا شنو؟
=يعني شنو؟
_كنت عايز أقول القمر ما بطلع بالنهار وحركات زي دي بس خليتو ذاتو.
=أحسن يلا.
_جايانا مالك؟
=ما جاياك جيت لي ننا وخالتو هدى.
_وخالتو هدى دي أم منو؟
=مرت عمو محمد.
_وعمو محمد ده ذاتو أبو منو؟
=كريم زح ما تزهجني.
_لو زهجتي بحصل شنو؟
="نفخت بعصبية" .. أرجع؟
_ترجعي وين؟
_من محل ما جيت.
=ما ياهو بيتكم ده ولا غيرو.
_لأ مسافرة منو.
"بدا يدندن أغنية أحمد الصادق"
سافري تصحبك السلامة .. إني بستناك أكيد
السفر جفوة مواسم .. ولوعة للزول البريد
سافري إنتي وساهري بينا .. وأحرمي الأفراح تجينا
أبعدي الهنا عن طريقنا .. زيدي في الفرقة وسنينا
لوعة العشاق وشوقم .. ساكنة جوانا وسجينة
حقو تعرفي يوم رحيلك .. كنت بتألم واقاسي
قدري أقطع ليك تزاكر .. من سنين فرح الأماسي
وأهدي ليك من عمري سكة .. هادية زي رقة حواسي
بي سفن روعة عيونك .. بكرة توصلي للمراسي
سافري تصحبك السلامة .. إني بستناك أكيييييييد
="إبتسمت" .. أنا حصل قلت ليك بحب صوتك؟
_ما حصل هسي قولي وأخليك تدخلي.
=بعدين حتغني لي؟
_"قرب وهمس" .. بعدين متين؟
="صرت وشها" .. سنة أسكت.
_"ضحك" .. عليك الله بتزهجي من اول الصباح ليه؟
=عشان بكون ما طايقة زول اول ساعتين في يومي .. والمشكلة إنت دايمًا بتكون اول واحد بتقتحم يومي.
_أنا حأقتحمك كلك ما بس يومك أصبري.
=إن شاءالله ما يكون ده كلام كعب؟
_خشي يا نود ما تجيبي العيد بغباءك ده.
دخلت ومشيت لقيت ننا وخالتو هدى عاملين ليهم شاي وبتونسوا .. اول ما سلمت خالتو هدى قالت:
_مالك يا نود بقيتي ما بتجينا سمعتي ولا جابو ليك؟
="ضحكت" .. والله يا خالتو هدى ما كده مشغولة بس.
_مشغولة بشنو قدر ده؟
=بالشغل وعرس ننا الجا فجأة ده.
_عرس الفجأة ما معروف أجهزي إنتِ برضو.
=عليك الله يا خالتو هدى ده وش وحدة تعرس فجأة؟
_مالو وشك يا بتي لو روقتي يومين ومسحتي يلمع زي النجفة.
=غايتو يا خالتو هدى الله يديكِ العافية .. زول غيرك رافع لي معنوياتي ماف.
_كدي هسي إشربي ليك شاي وخلينا نكتب قائمة بالحاجات المهمة عشان نمشي مع ننا السوق .. ما معاها وقت مفروض نحبسا بعد كده.
=عادي أتحبس معاها ؟
Love Center
Бот для знакомств