Ытык-мааны Сахабыт сирин олохтоохторо, күндү доҕоттор!
Эһигини барыгытын ис сүрэхпиттэн Сайылык күнүнэн уонна кэтэһиилээх самаан сайыммыт тиийэн кэлбитинэн, Ньукуолун күнүнэн итиитик-истиҥник эҕэрдэлиибин!
Саха киһитигэр сайылыкка көһүү самаан сайын кэлиитин, мутукча дыргыл сытын,күөх от сиртэн быгыытын, түптэ унаар буруотун, бастакы куйаас күннэри кытта ситимнээх.
Биһиги өбүгэлэрбит сайылыкка тахсан күөххэ үктэммиттэриттэн сүргэлэрэ көтөҕүллэн сүөһүлэрин мэччирэҥҥэ үүрэллэрэ, дьиэлэрин-уоттарын оҥостоллоро.
Сайылык күнэ православнай халандаарынан ыам ыйын 22 күнүгэр бэлиэтэнэр Ньукуолун күнүгэр түбэһэрэ бэлиэ суолталаах. Бу күн биһиги, Саха сирин олохтоохторо, алаадьылаан, кус миинэ буһаран чугас дьоммутун күндүлүүр, сир-дойду иччитин аһатан-алҕаан, айыыларга үҥэн-сүктэн үүнүүлээх, өҥ-быйаҥ сайыны көрдөһөр үтүө үгэстээхпит.
Күндү биир дойдулаахтарым! Маннык үтүө күҥҥэ эһиэхэ чэгиэн туругу, эйэни, этэҥҥэ буолууну баҕарабын! Күүтүүлээх самаан сайыммыт үөрүүнү аҕаллын, дьоллоох эрэ түгэннэри тосхойдун!
Бу хаартыскалар Горнай улууһун Кылыс сиригэр, "Саха сүөһүтэ"генофонднай казеннай тэрилтэ саҥа сайылыгын арыйыыга бугун оҥоһулуннулар.
Дорогие якутяне, поздравляю вас с Николиным днём и началом лета! В этот прекрасный солнечный день желаю вам крепкого здоровья, мира и благополучия! Пусть это долгожданное лето принесёт вам радость и счастье!
#Якутия #СахаСирэ#НиколинДень #ГорныйУлус