صوت الدم... صوت الدم سمعته ايصيح هذا العيد ...مو لازم ياعيد او جرح بغداد ينزف والأشد قادم ياعيد او شبعنه ايموت بالتفجير والكاتم بالكراده اشم دخان نار الباب يافاطم چم شاب احترگ مظلوم بي من ريحة القاسم واسمع صوت بالخضراء لجل الصار ما نادم خل كل العراق ايموت مادام النفظ سالم چم ام تدعي ماتبقون لزمت عتبة الكاظم چم دمعة يتيم اتصيح يسقط كل صنم حاكم وصلت بالعض يا حيف يترحم علي الظالم *طول يا شهر رمضان هذا العيد ... مولازم نعزيكم بعيد الشهاده و نبارك لشهداء لقائهم بأميرالمؤمنين عليه السلام وتقبيلهم يديه في صباح هذا العيد * . #ناظم_الحاشي . .#عيدالفطر
