Сирдарёда янги «WULING N111» автомобили ишлаб чиқарила бошланди Сирдарё туманидаги Асака Моторс автомобил заводида йўловчилар ва юк ташишга мўлжалланган янги «WULING N111» автомобили ишлаб чиқарила бошланди. «WULING N111» етти кишини сиғдира олади, унинг узунлиги 3 797 мм, кенглиги 1 510 мм, баландлиги эса 1 820 мм. Автомобил 82 от кучига эга бўлган 1,2 литрли инжектор атмосферали двигател билан жиҳозланган. Ўртача ёнилғи сарфи 100 км учун 6,3 литрни ташкил этади ва ёнилғи баки ҳажми 38 литрга тенг. Стандарт тўплам кондиционер, ABS тизими ва бошқа хавфсизлик элементларини ўз ичига олади. Asaka Motors International компанияси бошқаруви раиси Авазбек Жалиловнинг таъкидлашича, ҳозирда мижозлар автомобил учун олдиндан буюртма беришлари мумкин. Қўшимча маълумот учун: Телефон: +998 55 503 02 09 Email: info@asaka-motors.uz