واویلاه واویلا دنیه اشگد عجیبه
واویلاه واویلا زینبکم غریبه
---------------313-------------
آنه زینب ، آنه زينب بنت علي اتسمه غريبه
آنه زينب ، من نسل بيت النبي والله عجیبه
آنه زينب ، زغيره چنت و شاهدت اکبر مصیبه
آنه زينب ، شفت معصوره الزجيه ال حبيبه
واويلا واویلا معصوره و کئیبه
واویلا واویلا زینبکم غریبه
---------------313------------
یجری دمعی ، من الزغر متعوده عالوجنه جاري
يجري دمعي ، اشلون اضل وحدي غريبه بصحاري
بحري دمعي ، ما اشخص گمت ليلي من نهاري
يحري دمعي ، خاليه من الاهل متروكه داري
واويلا واویلا موتتی قریبه
واویلا واویلا زینبکم غریبه
---------------313-----------------
صعبه صعبه ، لمن اذكر كربله و اذكر خواتي
صعبه صعبه ، والله اتمنه ابعجل ساعة مماتي
صعبه صعبه ، اتشردن من خيمه خيمه كل بناتي
صعبه صعبه ، وگفه ما اگدر اصلي كل صلاتي
واويلا واویلا گعدونه بخریبه
واویلا واویلا زینبکم غریبه
---------------313-----------------
یابو فاضل ، مو گلت انتي بحماتي شو عفتتي
يابوفاضل ، شنسه منك يا شهم يالدللتني
يابوفاصل ، ريت حاضر قبل موتك و شفتني
يابوفاصل ، لو شفتني بكربله چا معرفتني
واویلا واویلا مچتوفه و سلیبه
واویلا واویلا زینبکم غریبه
------------------313-------------------
کل صورکم ، ما تفارگنی ابد دوم بخیالی
کل صورکم ، چنت اشوف اعله الرمح روس الغوالی
کل صورکم ، تذکر انه کل وکت خدری و لالی
کل صورکم ، هبطن راسي يخويه الچان عالی
واویلا واویلا دنیه اشگد رهیبه
واویلا واویلا زینبکم غریبه
------------------313-------------------
اللهم لك الحمد و الشكر
عبدالرحمان آلبوغبيش
1 / محرم /1442
@molarahman1406
