تضرب فته بالليل في دكان الحلة وترجع البيت تلقى الحاج قفل الباب تنط بالحيطة أو الحوش بتاع شجر السدر تلقي الموية مبردنها في صينية كبيره في الحوش تشرب ليك كوز بارد طعمو حلو وتترمي في السرير ملايتو باردة من نسيم الحوش الكبير تلاقي حبيبتك في شارع بيت العرس بالعصرية تبتسم ليك ابتسامة زي الماقاصدة بسمة تفرحك اسبوع تسمع كورة هلال مريخ في زاوية دكان من رادي حجار بصوت الرشيد بدوي عبيد في حلة منسية طعم اول طرقة من صاج امك في تكل البيت العتيق وكردة باقي حلة الكستر والعشاء عصيدة بي لبن باااارد