*Элгээйигэ Саҥа сыл Харыйатын уота умайда* Кырачаан Хаарчааналар,Саҥа сыл уолаттара бииргэ түмсүбүт ураты алыптаах түгэннэрэ бүгүн Элгээйигэ буолла. "Кыһын Саха сириттэн саҕаланар" бэстибээл чэрчитинэн Элгээйи нэһилиэгэр Сүрүн Саҥа сыллааҕы Харыйа тырымнас уоттарын уматар - оҕо-аймах кэтэһэр дьоро күнүгэр туох барыта дьикти аптаах-алыптаах буоллаҕа. Бүгүн, ахсынньы 1 күнүгэр,"Оһуор" КК араас маскараад көстүүмнээх оскуола алын кылааһын оҕолоро тоҕуоруһа муһуннулар. Аан бастаан быйыл оскуола боруогун атыллаан үөрэх-билии дойдутугар үктэммит маҥнайгы кылаас 13 үөрэнээччилэрэ үөрэнээччи үрдүк аатын сүгэр күннэринэн кылаас салайааччыта Зинаида Викторовна оҕолорун эҕэрдэлээн туран, хас биирдиилэригэр анал ааттары уонна Билии күлүүһүн, билии төрдө - кинигэни, Саха сирин историятын туһунан оҕолорго аналлаах энциклопедиялары бэлэх туттартаата. Кырачааттар улаатан ким туох буоларын ыраланан баҕа санааларын чоргуччу, доргуччу эттилэр уонна ырыа ыллаан дуораттылар. Салгыы кылаастарынан Хаарчааналар,Саҥа сыллар , саҥа дьыллааҕы флешмоб күрэһэ саҕаланан, кылаастар бииртэн биир ураты кэрэ, ураты сонун нүөмэрдэри толорон көрөөччүлэр, дьүүллүүр сүбэ биһирэбиллэрин ыллылар. Хаарчааналар,Саҥа сыл уолаттара табаларынан, араас кыылларынан, арыалланан киирэн ыллаан, хоһоон ааҕан, туойан, хомустаан талба талааннарын көрдөрдүлэр. Оҕолор дьоро киэһэлэрин Айсена,Михаил Федоровтар, Люба Никитина Виола Игнатьевалыын сэргэх ырыаларынан киэргэттилэр. Күрэс түмүгүнэн "Саамай Кэрэ Хаарчаана" -Аманда Корякина (3 кыл.),"Саамай Бастыҥ Саҥа Сыл"- Арылхан Максимов (2 кыл.), "Саамай Бастыҥ флешмоб"-1 кылаас (кыл.сал.Ким З.В.), "Саамай кэрэ саҥа сыллааҕы ырыа"-4"а" кыл.(кыл.сал.Федотова В.В.), "Бастыҥ режиссерскай туроруу"- 4"б" кыл.(кыл. сал. Контогорова М.Ю.),"Бастыҥ маскараадтаах кылаас"- 2 кыл.(кыл.сал.Андреева Т.С.) анал ааттары ылан Махтал суруктары уонна минньигэс тортары, утахтары бэлэх туттулар. Бастыҥ Хаарчаана -Аманда Корякина уонна Бастыҥ Саҥа Сыл уола -Арылхан Максимов тохсунньу 2 күнүгэр саҥа сыллааҕы тэрээһиҥҥэ кыттар Ыҥырыы суруктары туттулар. Бүгүҥҥү оҕолор үөрүүлээх бырааһынньыктарыгар ис сүрэхтэриттэн спонсордаабыт дьоннорбутугар "Эт -үүт " кэмбинээтэ (дир. Акимов П.С.), "Надежда" ИП,минньигэс астаах кондитердар Владимир Ивановка,Туйаара Николаеваҕа,Светлана Егороваҕа, Сара Ивановаҕа барыларыгар улахан Махталбытын тиэрдэбит, үлэҕит-хамнаскыт өрүү тахсыылаах, ситиһиилээх буоллун диэн үтүө алгыспытын аныыбыт. Салгыы оҕолор сахалыы ойуулуктары дуоһуйа көрдүлэр уонна Саамай долгутуулаах Саҥа сыл Харыйатын уотун уматар үөрүүлээх чааһыгар Тымныы Моруос оҕонньор Хаарчаанатынаан эҕэрдэтин тутан харыйа тула эргийэ оонньоотулар. Саҥа сыл тыына Элгээйигэ билиннэ, дьэ уонна ыал, тэрилтэ аайы күөх харыйа симэнэ киэргэниэ, туох эрэ дьиктини, алыптааҕы эһиэхэ бэлэх уунуо!!! Кэлэн иһэр Саҥа сылынан,саҥа дьолунан, доҕоттоор!!!