Смотреть в Telegram
حرگو خيمتي ومارحمت النــــار
ماتعرف علاوي البالخيم هــــاي
البيته يحترگ تفزع اله النـــــــاس
وبالطف كلشي ضدنه الناس والماي
ركضنه بهيمه كلنه وصرنه طشار
ونرگض عالجمر ماندري حفاي
بذيج الساعه كون الگمر موجود
جا ما عال بينه الراح والجاي
ياهو العده غيره المثل عباس
اجيب امنين مثلك خويه وفاي
محد سلم بالطف حته الازغار
عطاشه اتلوع بالطف ماكو حماي
ركضنه بهيمه من حرگوها الخيام
نريد اللوذ بيـك انـدور افيـــــــاي
جا شمسويه بيك الخيل يحسين
ليش بهمه داس بصدرك اهواي
اشكثر لميت بيك وضـــال طشار
وانه الجيت اكلك گــــوم وياي
رد وگلي زينـــب واصبر اتهون
ترا باجر سبي وماعدي حداي
محمد المشعلاوي
Love Center - Dating, Friends & Matches, NY, LA, Dubai, Global
Бот для знакомств