Смотреть в Telegram
رقيه تريدك اليله ... تراها الشوگ كاتلها
تدري اتحبك اهوايه ... غيرك جا منو الالها
تصيح بابا يابابا ... ويجي بصوطه العدو يطگها
عليك اتعودت هيه ... بروحك دوم شايلها
يبو ارقيه .. گلبي تكسره جلمه .. ابويه وينه عمه
لو گالت انهار
يبوي ارقيه .. صرت محتاره بيها .. شيهود بجيها
ويابجيي الازغار
تون ارقيه .. وتريدك يمها .. الك مشتاگه
تناشغ ضلت .. شكبر حسرتها .. بدمع حراگه
وحگ اعيونك .. متت من صاحت .. گتلني افراگه
ياخــــــــويه يحسين ماتت رقيه
ـــــــــــــــــــــــــــ
رقيه اتگلي ياعمه ... انه اشتاگيت اله اهوايه
وينه والدي وينه ... اشو وادم غرب هايه
اشو لاهوه لاعمي ... ماشافتهم اعيوني
ادور عنهم وماشوف ... ولاتبره الضعن رايه
يبو ارقيه .. الگبل جانت اميره .. صفت تالي اسيره .. ماترحم الناس
يبو ارقيه .. عگبك محد النه .. فوك ارماح اهلنه
ولاعدنه عباس
يمن جنت الها .. امان اوخيمه .. امان احتاجت
ترد وتگلها .. تعالي بحضني .. لبوها اشتاكت
بكثر ما مرها .. هظم كبرانه .. بعمرها اشافت
ــــــــــــــــــــــــ
يخويه اليله مرعوبه .. رقيه تصيح يابابا
القصر يسمع بواجيها .. تون احسين وامصابه
اجه واحـــــد يگلنه .. لاتزعجــــنه سكتوها
عليمن تبجي هل طفله .. وسوأله يعرف اجوابه
يبو ارقيه .. جابو الها تالي .. راسك ها يغالي
اتشبگه وتنام
يبوي ارقيه .. شهكة فوگه هيه .. يالوعة رقيه
بنص خربة الشام
نضم دمعتنه .. فلا نبجيها .. وتحس ارقيه
الهظم والغربه .. بكتر وارقيه .. بكتر مسبيه
العذر سامحني .. رقيه ماتت .. اعله راسك هيه
ـــــــــــــــــــــــــــ
يخويه قصة ارقيه .. ماتت شوگ بالغربه
تعوفك هيه مو سهله .. ابدونك مارضت تربه
بحلم من شافتك ماتت .. الله يساعد ابنيتك
جابو راسك الها وحيل .. هاي اعله الطفل صعبه
يبو ارقيه .. ماتت والمصيبه .. بالشام الغريبه بيدي ادفنتها
يبو ارقيه .. ماتت بالنهايه .. ورده امن السبايه
وازرگ متنها
رقيه الجانت ..عزيزة گلبك .. وتموت اعليها
متنها الازرگ .. واثار اسياطه .. بعدهن بيها
وحگ نوماسك .. كتلها افراگك .. وسبي أمذيها
ــــــــــــــــــــــــــــــــــــــــــــــــــــ
محمد المشعلاوي
Love Center - Dating, Friends & Matches, NY, LA, Dubai, Global
Бот для знакомств