#اﻻهتمام#اﻻحساس_الحلو_دااااك الكلنا محتاجين ليهو ومن غيرو العﻻقات بتتدهور ﻻنو شي اساسي و مابيتعوض
اﻻحساس دا ما كل مره بنلقاهو مباشر وظاهر ما شرط يكون من ناس انت قريب ليهم ماشرط يعني من صديق او زول قريب ليك ﻻ ما بس كدا .
اﻻهتمام دا ممكن نلقاهو عند زول من زمان معانا ونحنا مهمشنو وعﻻقتنا بيهو سطحيه ومامدنو فرصه انو عﻻقتنا تكبر معاهو
الزول المن زماااان بيرسل لينا و نحنا عادي بنطنشو او بنختصرو أو بنرد عليهو في الوقت العايزنو و بعدا الزول دا مابييأس وطوالي معانا حتى لو نحنا ماشغالين بيهو .الزول دا من كﻻمو بتحس انك مرتاح و مطمئن و بتحس انو بيتكلم معاك بكل حسن نيه ،كﻻم صافي من غير مصالح بتحسو حابي يعرف اخبارك وكل جديد عنك وبعدا انت مهمشو
وبالمناسبه الزول ال انت مهمشو دا حاسي بي انك مهمشو بس برضو عايزك في حياتو ومصر يستمر لحدما انت تحس بيهو و تدخلو حياتك .
#يﻻ شنو
الزول دا ماتفتكر انو ماعندو موضوع او ماعندو ناس غيرك او ماعندو حاجات شاغﻻهو .بالعكس الزول دا عندو ناسو القريبين منو وكمان عندو الناس النفسهم يكونو قريبين منو .بس الزول دا اختارك انت في مقدمة الناس ديل كلهم .اختارك انت من دون الناس ♡
#عليكم_الله_مش_يستاهل_نحس_بيهوالزول دا الله جايبو ليك عشان يعوضك كل الفات و يوريك انو ما كل الناس واحد وانو لسه في امل ولسه في ناس صابره وما اتغيرت .
#العايزك بيصبر عليك
#العايزك بختك في مقدمة الناس وبيكتفي بيك
#العايزك بيتحدى الظروف عشانك
#الزول دا بيستااااهل انك تدخلو حياتك
#الســـــــــــلطان
