انا احلي حاجة في حياتي طلعته بيها في الدنيا دي هي امي وابوي يعني مستحيل الاقي زول بهمو امري قدرهم او يخافو علي
❤️قبل كم يوم نشرته في الفيس منشور عن انو انا ماحصل حاولته ابهر زول او كده والعاوزني يتقبلني بي عولاقي ونفسياتي دي
👍آلناس اغلبهم علقو لي بس اللفت نظري تعليق امي او جنتي زي مابقول ليها
😭❤️وهي بتقول لي انتي نواره البيت والبيت من غير ماحلو وشنو انا راقده بي الليل عاوزه انوم جات قعدت جنبي وبقت تمسح علي راسي وقالت لي الزعلك منو ي نسييه؟؟اول مره تكتبي كلام كده ماكلامك كلو ضحك
❤️ قلته ليها عجبني بس ي امي قالت لي انا متأكده انو في حاجه مضايقاك بس عارفه انك كتيره علي ايي زول وانتي نعمه جات حياتنا يعني البزعلك ده مابقدر قيمتك قالت لي عارفه اني مابقدر اقعد يوم واحد في البيت من غير مااسمع صوتك هزيت ليها راسي وقلته ليهو ايوا قالت لي وانا مسمياك شنو ضحكته وقلته ليها بندولي
😂❤️قالت لي طيب انتي بس تكوني كده بتضحكي عشان احنا بنتقوي بيكي
❤️وربنا يفرح قلبك
#كلمات امي كانت كفيله جدا انها تخليني اكون مطمنه واقتنع انو ماف حاجه تستأهل نزعل عشانه طالما هم كويسين وب عافيه ربنا يحفظ لينا والدينا ويطول في عمرهم
❤️# Nosiba