خطوه نحو بناء شخصيتك👑

طييب يشباب بالنسبة للمفاجأة حقت الناس الإمتحنوا الشهادة السنة دي ❤️🔥
مافي موضوع صاح؟
حاسي نفسك بضيع الزمن في الفارغة ؟
عايز حاجة مفيدة و ملهمة تملأ بيها وقتك؟
لقيت ليك د كلو في برنامج واااااحد 🔥🔥🔥

و أنا لافة في التايم لاين بتاعي لقيت ليكم برنامج رهيييب تزبطوا فيهو نفسكم في الاجازة الطوييلة دي للعايز يستفيد و يطلع زول ظابط و فاهم و يدخل الجامعة و هو مستقر و واثق في نفسو و عندو خبرات في حاجات كتيرة و شهادات 😉
البرنامج إسمو إنجاز و هو برنامج تأهيلي تدريبي لدفعة 2022 الامتحنو الشهادة 🙈🔥
بقدموهو شباب متطوعين ظابطين و البرنامج مجاني مية في المية و أونلاين 💃❤️..
بتطلع منو و إنت ما مصدق انو د إنت أصلا من التغيير البحصل و الحاجات الحلوة 😂❤️
الشباب القائمين على أمر البرنامج بدوكم زيت الإنجاز زاتو 😂 د غير المسابقات و البرامج التفاعلية و الفقرات السمحة🥺❤️
البداية الفعلية للبرنامج بعد العيد بإسبوعين 🔥
لسسسة ما سجلت صح؟
آي لأنو المفروض تسجل نفسك بإنك تملأ الأستمارة 💃❤️
ما عارف الإستمارة وين؟
لا لا ما تخاف هدي : https://docs.google.com/forms/d/e/1FAIpQLSd_sRjlEVlU8H7dw7o5KyusvHXIEomBNTtgb06OwQk6cClNUQ/viewform?usp=sf_link
بس أنت أدخل أملاها كلها✅
و كده خلاص ؟
لا لا يحبيبي رابط القناة ما ختيتو ليك💃 يلا هدا ليهو : https://t.center/EnjazProgramSd
كده خلاص ؟
لا لا
إنت قايل مخلننا ساااي لحد ما يبدأ البرنامج 🙈؟
عندهم حاجات بعملوا فيها في القناة قبل بداية البرنامج 🔥.
د رابط بث صوتي تعريفي للبرنامج : https://t.me/EnjazProgramSd/40

يلاااا أسسررع و سجِّل نفسك ❤️🔥.

#إيمان بابكر .

لمّا تكون بطبيعتك overthinking person
هي دي طبيعتك و بجي زول يقول ليك بكل بساطة ما تفكر كتير ..
الإنسان الطبيعتو كده ده بحصل مراحل لو جاء يشرب موية عقله بشتغل اللي هي الموية دي جات من وين و الكباية دي الشرب بيها منو و الموية دي لو شربتها بتعمل لي شنو !
ما بقيف من التفكير و عقله بشتغل زي الخلاط و بفكر في أتفه الأمور و طبعاً ده كلو ما ب إرادته !
لو في زول علقو في الشات لثواني بس بقعد يفكر يا ربي أنا غلطت عليهو في حاجة ؟ يا ربي مالو و هسي طلع لشنو و بعد يجي راجع للشات زولنا البفكر كتير ده يعتذر ليهو بدون سبب و يقول ليهو معلش لو زعلتك ! .. في حين إنو عادي بكون مشى يشرب أو أي حاجة عادية بس .

ما تتخيلو الزول ده بكون مصدع السنة كلها كيف ..
حرفيا الصداع ما بروح منو بسبب التفكير و ممكن لو الحالة متأخرة يكون في أمراض تانية مع الصداع !
زي الحبوب تحت الجلد و تقرحات الجلد و ألم الأذنين و الشعور بعدم التوازن ...
لو لقيت زول زي ده حاول أفهمو و ما تقول ليهو بطّل تتحسس و تفكر كتير !.
أو إنت كنت الزول ده ..
حاول أشغل نفسك بأي شيء و ما تخلي لنفسك وقت عشان تفكر فيهو مع إنو أنا متأكده إنو إنت ح تفكر حتى و إنت مشغول بس الموضوع ح يكون أخف قدر من تفكر و إنت في فراغ .

#أعانكم الله 🤍.

#إيمان بابكر.

🌼 طبيعة النفس البشرية أنها تخالف أي شيء لم تألفه و لذلك على الإنسان مجاهدة نفسه عن العادات السيئة و مجاهدتها على إتباع الطريق القويم إذ أن هذا الطريق شاق و يحتاج إلى جهاد نفس كبير .

🌼 مصطلح جِهاد النفس هو مصطلح فقهي و تعريفه عموماً :
هو بذل الجهد في إبعاد النفس عن الحرام و السير بها في طريق الحلال .
عرّفه المناوي بأنه : (حمل النفس على المشاق البدنية ومخالفة الهوى وقيل: هي بذل المستطاع في أمر المطاع).
أما القشيري فقال عنه: (أصل مجاهدة النفس فطمها عن المألوفات وحملها على غير هواها).

🌼 الاصل في الجهاد هو جِهاد النفس و قال ابن القيم عن الجهاد، ومراتبه إنّه أربع مراتبَ تبدأ بجهاد النفس ، وتنتهي بجهاد المنافقين ، وما بينهما هو جهاد الشياطين، ومن ثمّ جهاد الكفّار، وتحدث عن كيفية جهاد النفس بأنّه يكون بمجاهدتها على تعلّم الهدى، والعمل به، والدعوة إليه، والصبر على مشقة الدعوة إلى الله سبحانه وتعالى ، وتكون مجاهدة النّفس على كلّ ما يمكن أن يُلحقَ الضّرر بها، مثل سوء الظّن بالخلق ، والخالق، الغيرة ، و الحسد ، والطمع ، وكذلك اتباع الأهواء، والغيبة، والنميمة ، وغيرها.
الدليل من القران :
فَأَمَّا مَن طَغَى*وَآثَرَ الْحَيَاةَ الدُّنْيَا*فَإِنَّ الْجَحِيمَ هِيَ الْمَأْوَى*وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى*فَإِنَّ الْجَنَّةَ هِيَ الْمَأْوَى)
الدليل من السنة في قوله صلى الله عليه و سلم :
"ألَا أُخبِرُكم بالمؤمنِ: مَن أمِنه النَّاسُ على أموالِهم وأنفسِهم والمسلمُ مَن سلِم النَّاسُ مِن لسانِه ويدِه والمجاهدُ مَن جاهَد نفسَه في طاعةِ اللهِ والمهاجرُ مَن هجَر الخطايا والذُّنوبَ"

🌼 أنواع النفس :
النفس المطمئنة: وهي النفس الساكنة إلى الله تعالى، والمطمئنة بذكره، والمشتاقة إلى لقائه ، الراجعة إليه، حيث سمّيت بذلك لأنها اطمأنت بالمحبة والعبودية إلى الله تعالى، ورضيت بالله رباً، وبالإسلام ديناً، وبمحمدٍ نبياً ورسولاً، وآمنت أيضاً بالقضاء والقدر، كما قال الله تعالى عنها: (يَا أَيَّتُهَا النَّفْسُ الْمُطْمَئِنَّةُ*ارْجِعِي إِلَى رَبِّكِ رَاضِيَةً مَّرْضِيَّةً*فَادْخُلِي فِي عِبَادِي*وَادْخُلِي جَنَّتِي). النفس اللوامة: وهي نفسٌ دائمة اللوم والعتاب لصاحبها، فتلومه إن أحسن بسبب عدم زيادة الإحسان، وتلومه إن أساء لتجنّب العودة إلى الإساءة، ومن الجدير بالذكر أنها نفس مؤمنة، حيث أقسم بها الله تعالى قائلاً: (لَا أُقْسِمُ بِيَوْمِ الْقِيَامَةِ*وَلَا أُقْسِمُ بِالنَّفْسِ اللَّوَّامَةِ).
النفس الأمّارة بالسوء: وهي النفس التي تحثّ صاحبها على اتباع الشهوات والأهواء، حيث قال الله تعالى فيها: (إِنَّ النَّفسَ لَأَمّارَةٌ بِالسّوءِ إِلّا ما رَحِمَ رَبّي).

🌼أنواع جهاد النفس:
مجاهدة النفس على العطاء
مجاهدة النفس على الأخلاق الحسنة
ويشمل جهاد النفس محاسبتها على التقصير والمخالفة.

#إيمان بابكر .

مرّت علَيَّ من الأيَّام ما يكفِي لنضُوجِ تلكَ الطفلَة التِي تهتفُ بإسمكَ بداخلِي ، لكنَّها تأبَى النضُوج !..

#إيمان بابكر .

- سِت الدّار و حُبّها الشَّدِيد للتفاصيِل الّلي كَان واضِح جداً فِي جوابَاتها ل الزّين ود حامِد ، كَانت بتحفَظ كُل شِيء حرفِياً و بتحكِي ليهو، و مِن دَه طَبعاً بتَّضِح حُبّها ل الزّين ، دَه غير مُصارحتَها ليهُو بالحُب دَه بطَريقتها الخَاصّة الموجُودة فِي بعض أبيَات القصِيدة ؛ زَي " زَينِي الزّين .. أَبْ حالاً زَين  " و فِي  " جَانِي جوابَك يَا المبرُوك" و تقريباً القصِيدة دِي كُلَّها مَا فِيها بيْت خَالِي مِن المشَاعِر .
- الزّين وَد حَامِد كَان بحِب طريقَة سِتّ الدَّار  فِي سَرد التّفاصِيل دِي ، ما كَان بمِل منَّها أبَدا، بَل علىٰ العَكس ! كَان بنتَظر جوابَها علىٰ أحرَّ مِن الجَّمر ، و فِي دلِيل كافِي علىٰ الكَلام دَه لمَّا قَال ليهَا : "رُدِّي سَريع باليَد .. باليَد"
كَان بحتَرم التّفاصِيل دِي جداً و مَا بهمِلها، بَل ردُّه ليهَا بكُون علىٰ كُل تفصيلَه هِي قالتَها و بِسرَح فِيها بِحُب كبِير ؛ زِي لمَّا حكَت ليهُو عَن راشِد و التومَات و الشّتلَات ، ف ردّ ليهَا : "جانِي جوابِك مفتُوح شارِع، جانِي جوابِك و أنَا بتصوّر فِي نَاس راشِد و التومَات و الشّتلَات و الحَالة عُمومْ " !
و حتَّى هو كَان بحكِي تفَاصِيله ليهَا بِدون ما ينسىٰ شِيء ؛ زَي لمَّا حكَى ليهَا عَن المصنَع و المشكِلة الحصلَت فِيه، " بالنقطَة و الشولَة زَي ما بقولُوا !".
و ردَّها ليهُو لمّن قلقت على العُمَّال الشغالِين فِي المصنَع أكتَر مِن قلقهَا على الزّين ود حامِد ، لمّن قالت ليهو : ميتين عامِل يبقُوا هوامِل ؟
ميتين عامِل فِي فَد يوم؟! ..

- يعنِي زاتُو ما وقفَت علىٰ الحُب بَس !  لأ دَه كَان فِي كميَّة إطمئنَان و رِضَا كِده عجِيب عِند سِتّ الدَّار ، فلمَّا شُغل الزّين وَد حامِد وقَف و جاتُو حَالَة مِن الكَآبَة كِده و قَال ليهَا : " فِي دوريّن موعُود بِي شغَلة، لمّت لمّت .. كَان مَا لمّت أنَا جايّكُم و مَا ندمَان "، ردَّت ليهُو رَد مطمئِن جداً و إنَّها مَا متضجِّره علىٰ الحَال دَه ، ف كَان ردَّها : " كَان متوظِّف يَاكَا الزّين ، كَان مِتوقِّف يَاكَا الزّين" ،  و لمَّا كَانت بتطمئِن فِيهُو و قالَت ليهُو : " أوعَك تشفَق مِن تَالانَا و لا نبقالَك مشغولِية".
- الزّين وَد حامِد كَان بكتِب الجوَّاب و كَأنو سِتّ الدَّار بتسمَعو ما بتقرَاهُو بَس ، زَي لمَّا قَال ليهَّا : " سِتّ الدَّار سامعانِي ياخَيتِي؟ و مرتِي و أمِّي و أُمّ أولادِي و أُمّ الكُل 💙!

_
* كُلّ الهَمْ ما يغشَى الغَمْ
بيتنَا و راشِد و التومَات
و كُلّ النَاس الحَالهم شاهِد ،
سِت الدَّار الشُّوق الواحِد !..
لَينا و ليكُم ليكُم للإشرَاق
الفِي عينيّكُم و كُلّ النَاس
الزّولهُم صامِد شَوق و سلَام
الزّين وَد حامِد *

# سِت الدَّار .
# حُمِّيد _ وطَن .
# رحمَ اللهُ أبونَا حُمِّيد .
#إيمَان بابِكر .


مُعاد نشره مع تعديل بسيط ..

صباح الخير 💙..

ساعات كده الواحد فينا بكون بجاهد في نفسه، بيمشي في الطريق الصح و بيرجع للغلط، و مرة تانية بيمشي في الطريق الصح و برجع للغلط، و هنا هو ما معناه إنو أنا خلاص ما قادر أكون زول عديل و أمشي في الطريق الصح، و لا معناه إنو أنا زول ضعيف و ما قادر أسيطر على نفسي..
طيب أقولك حاجة : ده جهاد، إنت بتجاهد في أشدّ شخص عليك و هو نفسك و في نفس الوقت بتجاهد في الشيطان، هو ده كلو ليه؟..
عشان إنت عارف إنو الدنيا دي ما دائمة و هي دار زوال.
فإلانسان مهما بلغ بيه اليأس من نفسه، مفترض ما يخت في باله إنو خلاص مافي فرصة، و ما مفروض يقفل كل الأبواب بينه و بين ربنا، يعني إنت ممكن يلاقيك زول بتداول المخدرات و في نفس الوقت لو لاقاهو مسكين بتصدّق و ممكن تلقى زول بصوم و ما بصلي،..
في أمثلة كتيرة ممكن تلاقيك، ديل متمسكين بالأمل في ربنا و حتى لو بيعملوا معصية، هم ما قافلين كل الأبواب، هم مخلين باب فاتح مع ربنا عسى و لعل يوم يدخلوا منو و يهتدوا.

ربنا عز و جل بقول في كتابه الكريم : (.... وَلَا تَاْيۡـَٔسُواْ مِن رَّوۡحِ ٱللَّهِۖ إِنَّهُۥ لَا يَاْيۡـَٔسُ مِن رَّوۡحِ ٱللَّهِ إِلَّا ٱلۡقَوۡمُ ٱلۡكَٰفِرُونَ).

فمهما بلغ بيك اليأس خلي أملك بي ربنا كبير و ما تقفل كل الأبواب 💙.


#إيمان بابكر .

صباح الخير 💙..

كيفكم يخوانا إن شاء الله كويسين..
عايزة أقول ليكم حاجة..
لمن يدخل زول جديد لحياتك، لازم تعرف إنو الزول الدخل ده هو إنسان، إنسان فهمتني؟ يعني ما ملاك و لا يا إما هو يا إما الموت، بمشي و بجي غيرو، إهتماماته ح تتغير بمرور الزمن، بتحصل ليه ظروف، بموت..
يعني إنت خليك متوقع أي شيء لانو الزول ده حتى لو كان دائم العطاء بالنسبة ليك اذا كان من أي ناحية، مثلاً من ناحية الإهتمام و المشاعر، اذا كان بهتم بيك شديد في البداية تاني حسيتو رخى، هنا ما طوالي معناه هو كهرهك، في حاجة إسمها الإهتمام بتغير بمرور الزمن لكن مفترض تكون العلاقات طيبه متى ما أتصادفنا أو أتكلمنا..
العطاء الدائم ده لله بس، هو العطاءه ما بنقطع و هو البديك ما إنت البتديه ، لكن بني البشر ديل مهما كان عطاءهم فهو محدود و مفروض من إنت حسيت الحاجة دي لو كان الشخص فعلاً مهم بالنسبة ليك، فمفروض يجي دورك في إنك تديه و تحاول ترجعو زي زمان. خليك متوقع أي شيء عشان بعدين ما تاخد دور المصدوم.

و شكراً.

#ممكن تتركوا تعليقاتكم تحت.

#إيمان بابكر.

الصُّحبة الصالِحة رزقٌ من اللّهِ تعالى ، يحدثُ أَن تكُون هِدايةُ اللّهِ لكَ إلى طريقهِ المُستقيم عن طريقِ صاحبٍ يلازمُك طَوال الطريقِ،يرشدكَ بطريقةٍ لطيفةٍ، يُعمّقُ الإيمانَ فِي قلبكَ و يدعُو لكَ فِي الخفاءِ و العلَن.
يَسنِدك بِدعوة، يضِئ طريِقك ويمحُو آثار الغَبن مِن قلبِك ، يُلازِمك كظِلِك،  يكون لك المُعِين على  تقلُبات الدُنيا الزائلة. صديق جنة وتسكعٍ على ضِفاف الكوثر .
صاحبٌ يحبُّكَ فِي اللّهِ حتّى إِذا عكَف على قرآءةِ القرآنِ تَذَكّركَ، فيَقرأ تارةً لهُ و أُخرى لكَ، صاحبٌ ليّن الكَلِم و الجانِب، واسعُ الصدرِ ، جيّدُ الخُلقِ و حليمٌ عندَ الغضبِ.
لِتَعلَم أنّه مِن أسبابِ السعادةِ أَن تجِد من تنفعُكَ صحبتهُ و تُسعدكَ .. و لِتَعلَم جيِّداً أنّ اللّهِ جَلّ جلالهُ يُنادِي يومَ القيامةِ ليقُول : "أيّنَ المُتحابّونَ فِي جلاليّ، اليومَ أظِلّهم فِي ظلّي يومَ لا ظِلّ إلّا ظِلّي " .
إسْتشعِر مِعِي عَظَمَة أنْ تدخلَ الجنَّة بسببِ صاحبكَ .. لا أعتقدُ أنّه يوّجَد أجملُ من ذلِك !.. و صيّتي لكَ : إنْ لم تجِد أو تُصادِف مِثلَ  هذه الصفاتِ فِي شخصٍ ما، فكُن أنتَ ذلكَ الشَّخص.

#إيمان بابِكر.
# سلّومة كمال.