• لذكركم عالسريع؟ عم تسمع منيح؟ فايق بصحّة كاملة مو واجعك شي؟ موجوع بس في دوا عندك؟ موجوع بس مالك مضطر لا تغسل كلاوي ولا تاخد جرعات ولا تدفع مبالغ طائلة لتحس انك شوي قدرت تنام من الألم؟ فايق ببيتك؟ بتختك؟ عندك سقف فوق راسك؟ لابس منيح دفيان؟ عم تفكر شو بدك تفطر؟ قدران تشوف بعيونك الأكل، وقدران تاكل بإيدك؟ عم تبلع اللقمة بدون ما تتوجع؟ وعم تبلع ريقك بدون ألم؟ عندك حيل تمشي لتغسل وجهك؟ وحاسس بحرارة المي اللي عم تنزل عإيدك؟ ومالك عم تفكر كيف تجيب مي لتشرب وتشرب ولادك وأهلك؟ قدرت تنام مبارح بدون ما تكون مرعوب تفيق وتلاقي حالك تحت الأنقا.ض؟ مالك خايف إنو يجي الليل وما تلاقي أكل؟ وقدران تتطمن إنو ما في قص.ف ممكن يروّح بيتك بأي لحظة أو عصاا.بات تفوت تقرب من أهلك وتؤذيهن؟؟ شايفين كل هدول؟ ﴿وإن تعدوا نعمت الله لا تحصوها﴾ ولسا مليان نِعم، مليان ونحن مو حاسين! هالبوست بس تذكير إلي وإلكم إنو أهلنا بغزة، لبنان، والسودان!! عم يعيشوا أبشع المجاز.ر والرعب وما عم يقدروا يشعروا بالأمان وكل يوم عم يفقدوا اللي بحبوهن. لا ننساهم من الدعاء. لا ننساهم 💔 ولا نخلي همومنا تشغلنا عن فكرة إنو نحن مُحاطين بالنعم اللي ما بتنعد قد ما عديناها! البوست كتير عشوائي ومو مرتب، عذرًا. جمعتكم مباركة، لا تنسونا من الدعاء ❤️‍🩹.