بسم الله الرحمن الرحيم الحمدلله اولا واخيرا في الفترتين جبت +95 وكل هذا بفضل ربي ثم التزامي ومذاكرتي بقسم تجربتي لأربع أجزاء: 1-المدة 2-المصادر 3-نصائح 4-تذكير مهممم المدة: انا قفلت على القدرات من ثاني ثانوي وهذا احسن شيء تسوونه اما بالنسبة للي ما قفلوا الأفضل تشدوون حيلكم وتقفلون اول ترم من ثالث، بالنسبة لي بديت الترم الثاني من ثالث الى اخر يوم قبل اختبار الفترة الثانية التاسيس خلصته ب28 يوم والباقي كان عبارة عن تجميعات، طبعا بالشهري والنهائي كنت اوقف مذاكرة للتحصيلي واركز على المدرسة اما الايام العادية تكون خفيفة من ناحية المدرسة فاقدر اذاكر تحصيلي عادي، اختاروا مدة مناسبة لكم لكن تذكروا انه لو بديتوا بدري مرة وسحبتوا كثير هذا الشيء بيعرضكم للنسيان فحاولوا توازنوا بين المدة ووقت الراحة 2-المصادر التأسيس: كتاب ناصر نسخة ٢٣+ ملخص يلو ٢٤ وقتها ما نزل كتاب ناصر  نسخة ٢٤ وبديت مذاكرة ما كنت ابي استنى النسخة الجديدة وما فيه فروقات كبيرة بين النسخ بس تقدروا تشوفون النسخة الجديدة لو احد شراها او يشرحها على اليوتيوب التجميعات: ذاكرت كثير بس بكتب الافضل والي تكرر منها: غشام سايفر جهاد اهم ٤٠٠ سؤال ملحق ناصر ذاكرت غيره بس كان فيها بعض الاخطاء وبعض الأسئلة الصعبة الي ما تجي بالاختبار فلا تضيعون وقتكم فيها ذاكروا الي كتبتها لكم وراجعوها اكثر من مرة لو بقى وقت وايضا راجعوه التاسيس من فترة لفترة اما بالنسبة للشرح فذاكرت مع فرح ابراهيم كيمياء وفيزياء ورياضيات اما الاحياء كان مع د.طلحة الي شرح ملخص يلو انا في الاجازة قبل ثالث تابعت شروحات فرح للكيمياء والفيزياء والرياضيات فلما جيت اذاكر بالترم الثاني كنت اتذكر بعض الشرح وذي مو خطوة ضرورية تقدرون تشوفون الشرح لاول مرة لما تذاكرون 3-نصائح 1- ابدوا بالوقت المناسب لكم لا تنتظرون احد او تخلون مذاكرتكم مع احد بالنهاية ذا مستقبلكم 2-لا تطولون بالتاسيس فقط افهموا الافكار حفظ القوانين والمعلومات ياخذ وقت فخلوه وقت حل التجميعات لانها بترسخ اكثر، طريقتي كانت اني اءاكر الهامش اما اني اكون متذكرة شرح فاذاكره لحالي او اشوف الشرح وبعدها اذاكره واتاكد اني فهمت الفكرة وبعدها احل الاسئلة الموجودة واراجع حلي مع المقطع حتى لو كان صح اتاكد من طريقة الحل انها صح  3-بالبداية كنت احسب ان كثرة التجميعات مفيد حتى لو كان فيها اخطاء واسئلة صعبة، بس ذا الشيء اكتشفت انه غلط لاني ذاكرت تجميعات فيها اخطاء واسئلة صعبة وما لحقت اشوف لها شرح من كثر الاسئلة الي ما عرفت احلها ورحت الاختبار وما شفت اسئلة مشابهة للتجميعات ذي فركزوا على الي ذكرتهم فقط. 4-لما تذاكرون تجميع قسموه على ايام محددة حسب المناسب لكم وحاولوا كل يوم تراجعون الاسئلة الي ما عرفتوا تحلونها بنفس اليوم عشان ما تتراكم عليكم 5- بالبداية التجميعات بتحسون انها صعبة عليكم بس قاوموا ذا الشعور وبيكون شيء سهل وممتع لكم 6- قبل اختباركم شيكوا على التسريبات مثل: سايفر والمهندسة وجهاد فيه اسئلة جتني من التسريبات بس مو كثير 7- بين الفترتين لو حجزتوا للفترة الثانية راجعوا غشام وملفات التسريبات للفترة الاولى 4- تذكير مههم لاتنسون ان كل هذا من توفيق ربي وجهدكم شيء بسيييط قدام رحمة الله فينا وتوفيقه، وعلاقتكم بربي خلوها دايم قوية بالصلاة والصدقة وقراءة القران مو عشان اختباركم بس عشان تشوفون اليسر بحياتكم واي سؤال هذا حسابي @rwena369