Бүгүн Мааныбыт төрөөтө. Ниирэйэ олус улааппыт эбит. Ураанайым 11 хонуктаах ниирэйдэрин саҕа улахан. Иннэ гынан Мааны ыгыстар күүһэ тиийбэтэ, көмө буоларга туруннум. Ааспыкка "АгроЭксперт" тэрилтэттэн Михаил Миронов онлайн видеовызовынан көмөлөспүтэ, билигин ол тэрилтэ бэтэринээрэ Марина Корнилова сүбэ-ама буолла. Маҥнай илиибинэн кыайан таһаарбаккабын олус долгуйдум, онтон араас албастары Марина ыйан биэрэн быаланан, мастанан таһаардым👍🏻 Ураанай төрөөбүтүн кэннэ сэрэхэчийэн "ТИК Техносфера+" уолаттара биэрбит онлайн камераларын туруорбутум. Ол камеранан үлэбэр олорон 16:30 чааска Мааны төрөөн эрэрин көрөн кэргэмминээн сүүрэн кэллибит🏃🏻‍♂️ Барыта этэҥҥэ эрэ буоллун🙏🏻