قناة خطباء المنبر الحسيني للقصائد

#قصیـده شوق السیدة زینب علیها السلام عند الإحتضار 💔



يريح الهاب اخذ مرسال ،من زينب لبو فاضل
گله استعجل بمسراك ،هاي الليله يالكافل

✧❖❥➖✿✧⇝❖❥➖✿✧

بدموعي اكتبت مكتوب ،واريد الياخذ كتابي
ويّه دموعي شوگ و آه ،وحسره بلوعة اعتابي
اشتاگيت العطر عباس ،وعيني مناطره لبابي

وين الله ويجي الغالي ...
واشوفه واگف گبالي ...
ينشف مدمعي الهالي ...

اموت وراسي بحضانه
واشمّن مدمعه الهامل

✍ #أم محمد الحجاج / العبادي

✧❖❥➖✿✧⇝❖❥➖✿✧

اشمه ویگعد اگبالی،واغمض عيوني مرتاحه
لیش اتاخرت ماجيت ،ياگلبي او يسبّاحه
مااعاتب يضي عيناي ،الچم خافن اجراحه

هله بجيتك يضي عيني ...
الزم بيدك ايميني ...
خاطر يبرد اونيني ...

انام الليله مرتاحه
بعد ماكو دمع نازل

✍ #علویـه ام فاضـل

✧❖❥➖✿✧⇝❖❥➖✿✧

اريد اخباري توصله،وگله شنهو ابحالي
عليه الروح متألمه، عزيزي وهو الوالي
اريده يحظر ابدفني،وريده هو شيالي

وبيده يغمظ اجفوني ...
وصيتي من يدفنوني ...
بالرايه يلفّوني...

اعرفه للوعد وفاي
يجيني وبيرغه شايل

✍ #ام عباس الحسيني

✧❖❥➖✿✧⇝❖❥➖✿✧

حِضرها وصاح ابو فاضل ، يبت حيدر تعذريني
كفوفي طاحت اعلى الماي ، وسهم متواسط بعيني
من رحتي الشريعة اهناك ، سِمعتک من تناديني

قالتله يتاج الراس ...
هله بطلتك يبو النوماس ...
يل كلك وفى واحساس...

جروحي طابت بملقاك
يمن وجهك شِفه عاجل

✍ #خادمة أبي الفضل

✧❖❥➖✿✧⇝❖❥➖✿✧

ماتت بين اديه اخته ،ويمناها عله يمينه
وآثار الحبل والسوط ، لمن شاهدت عينه
عاينهه ولمح چويات ،بچه وماهوّد اونينه

هظيمه لليسر رحتي ...
ها عباس اظن صحتي
من فوگ الهزل طحتي ...

خذوچن لليسر ياحيف
اعلى هزله و محملچ مايل

✍ #أم محمد الحجاج / العبادي
✧❖❥➖✿✧⇝❖❥➖✿✧

تمت بعون الله تعالى

بـ✍ــاقـ✍ــلام خـادمـات أهل البيت ع