قناة خطباء المنبر الحسيني للقصائد

🔶 #محرم_1446هـ
🔸 #جفيري_أو_حدي
🔸 #وصية_ام_البنين_للعباس_ع

يمـه   يكافل   هالضعـن
إسعدلي روح ام الحسن
عينك  علـى  ام  الخـدر
لاتقتــرب منهــا المحــن

┈┉┅━❀ـ◕ـ❀━┅┉┈

لاتغفـــل ابطــول الدرب
خلـي  عيونـك   ترتـقب
إختك  عزيــزة  حيـدرة
زينب نبض هـــذا القلب

┈┉┅━❀ـ◕ـ❀━┅┉┈

زينب  عزيـــزة  مـدللّــة
عينــــك عليهــا بكربــله
عــــــدّل خيمهــا ياكمــر
لا تبقى في وسط  الفله

┈┉┅━❀ـ◕ـ❀━┅┉┈

عــــدّل خيَمهــا ابهمّتـك
خــدر  العقيلة  ابذمتّـك
أوصيك  يا خير  الكفـل
بنت الزجيـــة  برقبتــك

┈┉┅━❀ـ◕ـ❀━┅┉┈

🔶 #نكلها ماتدرين يم البنين شصار لزينب يوم عاشر محرم😭😭...
🔸 #طور_فائزي_مالكي

قتلوا  زلمها ومابقى  يمها  اخوهـا
وعين الكفلها بالسهم يمه  طفوهـا
شتموهــا  يا أم البنين  وروّعوهــا
بالسوط ضربوهــا وعبيها كطعوها

┈┉┅━❀◕ـ◕❀◕ـ◕❀━┅┉┈

حركوا  خيمها  وبالبراري شردّوهـا
واطفالها  بنـار  المخيم  شوّغوهــا
ظلت وحيدة ابّين  ظلّام  السبوها
بدرب السبـي بجثة وليهـا مرّروهـا

┈┉┅━❀◕ـ◕❀◕ـ◕❀━┅┉┈

📝 #الشاعرة_زينب_الخفاجي
🌿 #اللهم_صل_على_محمد_وآله



تمت المشاركة من تطبيق: خطباء المنبر الحسيني

▪️ #الإمام_الحسن_المجتبى_ع
▪️ #طور_فائزي

نواسي البتول الطاهرة بالحسن هاليوم
نــذرف دمــوع العيــن للــراح مسمــوم
نتمنى نوصل قبره اللي صــار مهــدوم
انشَيّٰده ونقيم ابحضرته ماتــم سويــه

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

#محرم
▪️ لقاء حميدة بنت مسلم بطوعة
▪️ #حميدة_ع
▪️ #طور_فائزي

إحچي يَخـالة اشجــرى گــدام عينچ
خبريني عـن الصار شو ترجف ادينچ
اشعملَوا ببوي الگوم خفّي من ونينچ
گلبي تــــرا مالــــوم لاتخفــــي عليّه

ــــــــــــــــــــ ❁ ❁ ❁ ـــــــــــــــــــــ

تگلها يبنتي عالجرى مگــدر احاچيچ
انتي غريبـة اميّسرة وامــربّطه اديچ
دمعة يتــم واحــزان انظــر أنــه بيچ
اردن اوصـل بس سلام امــن الشفيّة

ــــــــــــــــــــ ❁ ❁ ❁ ـــــــــــــــــــــ

مسلم يسلــم عليــچ يمــه ياحميــدة
يگلچ يكــل الــروح والــدم ابوريــده
مسحي دمع عيناچ حزنــچ مااريــده
والملتقى ابجنّات يَــم امنــا الزچيُّــة

ــــــــــــــــــــ ❁ ❁ ❁ ـــــــــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ #السيدة_زينب_ع
▪️ #طور_فائزي

يمـه ييمــه لــو صحت دلالــي ينصــاب
وانا على افراش المنيه احتاج الاحباب
بنتـــچ گلبهــا منفجــع وتزيــد العتــاب
ريتـــچ گريبــة تشاهديــن الصــار بيــه

ــــــــــــــ ❁ ❁ ❁ ـــــــــــــــ

تدريها بنتـچ مــن بقت بعــدچ وحيــدة
مـن القهــر والضيــم حسراتي شديــدة
وبلايــــه امــــي هالعمــر والله مَريــده
كلمـــا أمــر ابضيــج اصــرخ يالزچيـــة

ــــــــــــــ ❁ ❁ ❁ ـــــــــــــــ

لاچن ولا ضيج اليمر اصعب من الموت
وانـــه اجــاني هالوكت هــدّام البيــوت
واحتاج صوتچ مـن يحملوني بتابــوت
شوفـــة عزيــــز تهــــوّن الغربــة عليّــه

ــــــــــــــ ❁ ❁ ❁ ـــــــــــــــ

يازهــــرة يا ام الحســن ليــــه تعالــــي
كافي عـذاب اللــي شفت مــن الجرالي
هــذا البلـــد جيتــه سليبة بغيــر والــي
وعفت الصناديـد بأراضـــي الغاضريــة

ــــــــــــــ ❁ ❁ ❁ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

@elkhafaji110
https://t.center/elkhafaji110