قناة خطباء المنبر الحسيني للقصائد

#شهادة_السيدة_فاطمة_الزهراء ع
#ليلة_الوحشة
#حال السيدة زينب ع تخاطب أمير المؤمنين ع



چلمتها ابخجل تحچها وتردها
وين امي ادفنتها وجيت من عدها
     +++++++++++
ليش امي ادفنتها وبسواد الليل
راجع منحني بالممشه بويه اتميل
لو فگد الزچيه اخذ ذاك الحيل

اجروحك چانت الزهره التضمدها
     +++++++++++
شلون وللـگبر مـن نزلـتها هناك
اشحچيت اويه الزچيه وشحچت وياك
ابخد امي جرح احچيلي بويه ارجاك

شلون اعله الترب من وسدت خدها
     +++++++++++
احچيلچ يزينب كونچ اتگدرين
ريتچ يمنه وكت الدفن وتسمعين
اشلون اعله امه صاح بصوت يُمه حسين

لازم بالچفن مايقبل ايهدها
      ++++++++++
مو ونه اسمعت من عدها صوت النوح
گلت يمكن الزهره ردت الها الروح
مدت ايدها ولحسين بيها اتلوح

ارجع زينبك ضلت الوحدها
     +++++++++++
اصعبهن يزينب بيها گلبي انصاب
من شافوني فوگ امهم اهيل اتراب
اثنعش يايمه صاح حسين بويه حساب

اخذ من ثوبه وصله وعالچفن شدها
     ++++++++++
وي الحسن گعدو عالگبر يبچون
ماضلت الواحدهم ابوجها اعيون
نرد الدارنه يالحسن خويه شلون

زينب لو درت الله يساعدها
      ++++++++++
امي ماتردلي او لا گبر ينزار
لو دافنها بويه بوسط هاي الدار
نغفه اعله الگبر انه واخوتي زغار

الدار ابلايه ام شلون اشاهدها


ثائر الربيعي

#شهادة_السيدة_فاطمة_الزهراء_ع
#طور_مستهل_طيحت_إيدك_مو_وقتها-#طور_الفراق
#لسان حالة السيدة زينب ع



يا هي ليلة .. راحَت أمي ابهالمسيّه
يا هي ليلة .. غُمضت اعيون الزكيّه
يا هي ليلة .. اسّودت الدّنيا عليّه
يا هي ليلة ..


ودعتني .. وحدي خَلتني بدِنيتي
ودعتني .. الكانت انفاسي ورِيتي
ودعتني .. رِيتَه وياها مِنِيتي
ودعتني

يعز عليّه .. الليله بوداعِك عَذابي
يعز عليّه .. ادري من هِسَه مُصابي
يعز عليّه .. غيابك ابداية ثوابي
يعز عليّه

يا الهي .. بداعة الهادي ومَقامه
يا الهي .. عيوني ليله ما تنامه
يا الهي .. رِدها وارحَمها اليتامى
يا الهي


🖊خادمة أبي الفضل