قناة خطباء المنبر الحسيني للقصائد

{{ لطمية لجرح الإمام علي }}
#فائزي

بوقت الأذان اعظم جرح بيه المنية
والينة حيدره انطبر حامي الحمية
-----------------------------------------

نادى المؤذن للصلاة ينعى ولينة
من هامته فاض الدما صاح انولينة
من عظم لمصاب الولي غَمَضّها عينة
يلعن أبن ملجم على العملة الردية

✍🏻#ولائـية_وافتـخر (دعاء العامري)
• ━━━━━━ ❁ ━━━━━━ •

جبريل كـبر بالسما دم الـطهر سـاح
بمحرابه طبروه الولي وثـجيله لجراح
لـن المـلائك نـادته بـونيـن و نيــاح
تـصوب ابـن عـم النبي حـيدر وصية

✍🏻خـادمـة الزهـراءام احمد العبوديه زبير
• ━━━━━━ ❁ ━━━━━━ •

تصوب ابن عم النبي بالهامه مضروب
واعليه گلب ام الخدر بالحزن مصيوب
ملعون ابن ملجم ضرب حيدر المهيوب
راح الحسن مسرع اله الدمعه جرية

ب~✍️~الحاجه ام احمد الحچامي
• ━━━━━━ ❁ ━━━━━━ •

وجهه انخطف ابنه الحسن عاين الطبره
وبان الغروب بجبهته والد العتره
تنزف دمومه وشيبته مختضبة حمره
والكوفه ماجت تنتحب هاي المسية

✍#خادمة_أبي_الفضل
• ━━━━━━ ❁ ━━━━━━ •

من طاح حماي الحمه اظلمت الاكوان
جبريل كبر بالسمه هدمو الاركان
بمصيبتك ياحيدره الدين الله حزنان
دنيانه صارت مغبره بهاي الرزية

✍🏻ام مهدي الفرطوسيه
• ━━━━━━ ❁ ━━━━━━ •

ناده المنادي بالعرش والصوت مسموع
ضربو علي وكت الفجر وايتامه تلوع
وام عون ظلت تنتحب والگلب مفجوع
واتصيح يااهل الارض قيمو العزيه

✍️الخادمه ام زيد الشمري
• ━━━━━━ ❁ ━━━━━━ •
#تمت_✍🏻_
_بأقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_

★•• وفاة السيدة خديجة ••★
// شوط كربلائي //

ياجرح النبي شعظمه خديجة الليلة ينعاها
تصَدَّع گلبه من غمضت لأن ميحمله فرگاها
------------------------------------

عليه اظلمت الدنيا عگب عينچ يگلها شلون
حزين بداره بس ينحب عليها ودم يهل لعيون
يعاين فاطمة الزهره وضمها بحجرة ظل يون

راحت دنيته وروحه
فَگدها هَدَّم صروحه
عليه الكثرن جروحه
يعينه الله على مصابة راحت مالگى دواها

✍🏻#ولائـية_وافتـخر (دعاء العامري)
✹✹✹<><><>✹✹✹<><><>✹✹✹

يون الليله ابو القاسم وينادي برفيع الصوت
يگول افراگها هدني مااحمل فراگ الموت
يشيعها بگلب حزنان وبيده يحمل التابوت

ينحب والدموع اتسيل
مايعرف نهار وليل
رايح منه كل الحيل
على فراگ الحبيبه ينوح ويون النبي طه

✍️الخادمه ام زيد الشمري
✹✹✹<><><>✹✹✹<><><>✹✹✹

يافگدج هدم حيله خديجه لجنتي تحوينه
صرتيله اهل والناس انتي لبسمه لبعينه
عام للي توفت بي ابد ماابطل اونينه

انكسر ظهره على فراگچ
خديجة يوجع غيابچ
طه ينعي لمصابچ
ياكسرة گلب فاطم وامها اللحد غطاها

✍ام محمد الشويلي
✹✹✹<><><>✹✹✹<><><>✹✹✹

نَزلها وسط القبور ودمعه عالتُرب ساله
صدق راحت ضوى بيته يلوج ومهتضم حاله
مو ساعة حزن حزنه عام من الحزن ناله

فقدها لَوّع الهادي
همّه عالوجه بادي
وبنته فاطمة تنادي
يبونه شلون عافتنه يتيمة تنوح سلواها

✍#خادمة أبي الفضل
✹✹✹<><><>✹✹✹<><><>✹✹✹

كسرتي گلبه يحنينه ياسلوه وضوه الهل دار
الحزن مافارگه ساعه يون اعليها ليل انهار
الگضه وياها أحلى سنين جره ليها الدمع مدرار

يگول ام دارنه شالت
وخيمة بيتنه مالت
لجلهه ارواحنه ذابت
مغربة ام الهله الليله وصار الترب مثواها

✍🏻خـادمـة الزهـراءام احمد العبوديه زبير
✹✹✹<><><>✹✹✹<><><>✹✹✹
#تمت_✍🏻_
_بأقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_

💕 مولد للإمام الحسين 💕

مصباحه لِمضوي العرش
بدربه الورود المنفرش
فرحه بهلالك ياشهر..٢
ياهلا بوالينه .. ياهلا بوالينه
🌹🌹🌹🌹🌹🌹🌹🌹

مصباح عالينه بزغ بيت النجابه
من فاطمه وحيدر علي لكله صلابه
المهد من فضه وذهب لابن الهيابه
جبريل ليهز بالمهد وبأيده جابه

أمضوي بعنان السماء
والليله تزهي كربلاء
وخلي نهني المنتظر
فرحه بهلالك ياشهر..
ياهلا بوالينه .. ياهلا بوالينه

✍🏻خـادمـة الزهـراءام احمد العبوديه زبير
🌹🌹🌹🌹🌹🌹🌹🌹🌹

شعبان صحنة ياهلا بأبن الميامين
وبجيته فرحانة صفت هاي الملايين
صفگة وهلال تنسمع بي قرة العين
واتحيي فاطم شيعته الـ جتها مُهنين

فاز الذي أحيا الحفل
شيب وشباب ومن طفل
كلمن مشى بدربه ابتشر
فرحة بهلالك ياشهر..٢
ياهلا بوالينه .. ياهلا بوالينه

✍🏻#ولائـية_وافتـخر (دعاء العامري)
🌹🌹🌹🌹🌹🌹🌹🌹🌹

الخامس بأهل الكسا شرّف وجانه
اكتملت حروف انقرت سبع المثانه
وانبنى باسمه هل شبل ركن الديانه
وهو الشفيع لأمته وهو حمانه

جبريل لجله انحنه
والمهد هزاه اودنه
كل الفلك بيه ازدهر
فرحه بهلالك ياشهر ..٢
ياهلا بوالينه .. ياهلا بوالينه

✍☘ام فراس الساعدي ☘
🌹🌹🌹🌹🌹🌹🌹🌹🌹

بيوم ثالث ثالث انوار الامامه
على سبط احمد صلاة الله وسلامه
مولده للناس افراح او سلامه
الگلب ماينوصف شوگه وغرامه

ابحضرته الليله اود
وبيدي باقات الورد
هنيال هلليله الحضر
فرحه بهلالك ياشهر …٢
ياهلا بوالينه .. ياهلا بوالينه

✍🏻أم محمد الحجاج
🌹🌹🌹🌹🌹🌹🌹🌹🌹

جبريل يهني فاطمه يهني المختار
وفطرس نزل من السمه وبجنحه محتار
گالوله تلگاه الشفا يم ابو الاحرار
بس مسح بيده عالجنح فوگ الارض طار

عله وصعد سابع سمه
شاف الملائك حالمه
والفرح بالجنه انتشر
فرحه بهلالك ياشهر..٢
ياهلا بوالينه .. ياهلا بوالينه

✍️الخادمه ام زيد الشمري
🌹🌹🌹🌹🌹🌹🌹🌹🌹

شهر الهلاهل والفرح يا سر الوجود
هالليله ليلة كل محب بي ينزع السود
شع نوره ابو الأكبر بزغ من بحر الجود
جينه نهني المرتضى وخيرة الجدود


فرحة وهلاهل تنسمع
بهالمولد ونشعل شمع
امن الليله لطلوع الفجر
فرحة بهلالك يا شهر .. ٢
يا هلا بوالينه .. يا هلا بوالينه

✍🏻خادمة أبي الفضل
🌹🌹🌹🌹🌹🌹🌹🌹🌹🌹

اليوم ثالث وانولد بي سيد الجنان
نوره تشعشع بالمدن نوره بالقرآن
نهني الزچيه فاطمه وي عالي الشان
جبريل ناغاه بالمهد سيد الشبان

بيك افتخر يبن النبي
ياغايتي وكل مطلبي
نورك يشع مثل الگمر
فرحه بهلالك ياشهر....٢
ياهلا بوالينه .. ياهلا بوالينه

ب~✍️~الحاجه ام احمد الحچامي
🌹🌹🌹🌹🌹🌹🌹🌹🌹🌹
#تمت_✍🏻_
_بأقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_

(أنتظار السيدة المعصومه للإمام الكاظم )

(أمل الأنتظار )

تطلع تمنيت وتشوف احبابك
وسفه تروح وأنفجع بمصابك

أنصب المآتم …بويه
ماتردلي سالم … بويه
موتي ردت وياك وبسردابك
❥❍❥❃ 🥀꧁꧂🥀❃❥❍❥
تنطرت يابويه شكثر ترجع يخيمه ألبيتك
ترجعلي وللمه ترد شكد يالأبو تانيتك
راح الحنان وهيبتي يالجنت امشي بصيتك

رايح يا ظوه البيت …بويه
لشوفك انه اشتاكيت …..بويه
امنيتي اشوفك وألي تفتح بابك

✍🏻خـادمـة الزهـراءام احمد العبوديه زبير
❥❍❥❃ 🥀꧁꧂🥀❃❥❍❥

فراكك يبويه شكد صعب نار وتوج بعضامي
معقوله ماشوفك بعد يابو الهله كدامي
حملني وياك بعجل عكبك حزين يامي

احملني اريدن وياك..بويه
تدري يوجع فركاك..بويه
اذاني يالولي تدري صوابك

✍🏻بقلم بنت الزهراء
❥❍❥❃ 🥀꧁꧂🥀❃❥❍❥

حسبالي يلتم الشمل وترد يضي عيوني
احسب ليالي الجيّتك واتباصر اويه ظنوني
وآمال لمّيت اشكثرترجع الي يبشروني

خابت يويلي الآمال ..بويه
ليل الهجر بعدك طال ..بويه
اييست من طوول عليّه غيابك

✍أم محمد الحجاج
❥❍❥❃ 🥀꧁꧂🥀❃❥❍❥

شوفتك حسرة بالگلب يالماحظيت بشوفك
بالغربة وبعيد الدرب تمرني يريت طيوفك
أرتوي بيك انا ردت يا نهر من جروفك

وامتلت روحي هموم ..بويه
عني غايب النوم ..بويه
روحي تردلي من أشمه ترابك

✍🏻#ولائـية_وافتـخر (دعاء العامري)

❥❍❥❃ 🥀꧁꧂🥀❃❥❍❥

أيست ماترجع بعد والنعش بيد حماميل
والسلسله بگيدك بقت مشدوده ودماك تسيل
وين العشيرة والأهل لجنازتك خل تشيل

جابوك ليه بتابوت .. بويه
وليك ارفعت آنه الصوت .. بويه
وروحي تسايل علجسرمن جابك

✍🏻العلوية أم جواد البطاط
❥❍❥❃ 🥀꧁꧂🥀❃❥❍❥


#تمت_✍🏻_
_بااقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_