قناة خطباء المنبر الحسيني للقصائد

#نعي
#خروج السيدة زينب ع من كربلاء وهي تنظر إلى اجساد إخوتها ...




ساعة وحدة والشّمر صاح بسَبينه
راحو احبابك يزينب إسمعينه
هذا مذبوح برقبته امقَطّعينه
صدره بالحافر تراه مرضرضينه

صاح شامت للنهر اهناك عِينك
طايح الكافل ترا منهو اليِعينك؟؟
بليّه عينه والزّند زيدي ونينك
وحدِك بهيمه يزينب تارِكينك

جابوا النّوق الهزيله يجرحوني
بلا غطاء ولا ظلال يطَلّعوني
وانا انظر اخُوتي بلكت يجوني
ماهي عادة بالسّفر يتركوني

ما اصدّق لليسر نمشي سبايه
عالهزيلة بت علي وبليّا رايه
وإحنه بيت الله وغاية الغايه
هاي روس اخواني تحرسني ورايه

تِسمع تشوف الجرالي يا عيوني
بإسمي زينب علي شو يندهوني
بعدك الشّامت ضربني اعلى متوني
كافي قلك هالمصيبه شَتِموني


🖊خادمة أبي الفضل

#نعي_موشح
#خروج السيدة زينب ع من كربلاء




ساعة وحدة والشّمر صاح بسبينه
راحو احبابك يزينب إسمعينه
هذا مذبوح برقبته امقطّعينه
صدره بالحافر تراه مرضرضينه


صاح شامت للنهر اهناك عينك
طايح الكافل ترا منهو اليعينك
بليه عينه والزند زيدي ونينك
وحدك بهيمه يزينب تاركينك

جابوا النّوق الهزيله يجرحوني
بلا غطاء ولا ظلال يطلّعوني
وانا انظر اخوتي بلكت يجوني
ماهي عادة بالسّفر يتركوني

ما اصدّق لليسر نمشي سبايه
عالهزيلة بت علي وبليا رايه
وإحنه بيت الله وغاية الغايه
هاي روس اخواني تحرسني ورايه

تسمع تشوف الجرالي يا عيوني
بإسمي زينب علي شو يندهوني
بعدك الشامت ضربني اعلى متوني
كافي قلك هالمصيبه شتموني


🖊خادمة أبي الفضل

#طور_الفراق
#خروج السيدة زينب ع من ارض كربلاء


اعتذرلَك .. عفتك بقاع الوطيّه
اعتذرلَك .. أمشي مكتوفه سبيّه
اعتذرلَك .. ما يخلوني أميه ..اعتذرلَك


لو بديّه .. بهذا وضعك ما اشوفك
لو بديّه .. أبقى يَمّك ما اعوفك
لو بديّه .. لحظه ما فارق طفوفك ..لو بديّه


اعله الهزيلة .. طلعونه يا خجلتي
اعله الهزيلة .. انظر شمالي ويمنتي
اعله الهزيله .. تذبح بروحي طَلِعتي .. اعله الهزيلة


هاذا حالي .. اتباوع اِجناب وتِصدني
هاذا حالي .. شامت وحاقد يسبّني
هذا حالي .. عالتُرب خوفي يذبني .. هاذا حالي


🖊خادمة أبي الفضل

#طور_التغريد_الحزين
#خروج_السيدة_زينب_ ع من أرض كربلاء



سادات العرب إحنه وابونه حيدر الضرغام
عجيبة ودارت الأيام وعبيد القوم علينه ازلام
بكيت بخَفيتي وسَكته وجرحي ما بعد يلتم
انا الشافت عَشيرتها رمايا مخضبة بالدّم


بعد عزي وبيوت اهلي مشوني ما بين إرجاس
ومروني برض كوفه تتفرج عليّ النّاس
اسيرةَ اصبحتي يا زينب من بعد الولي وعباس
السّوالف تِذبح بروحي والشّمات بلا إحساس


🖊خادمة ابي الفضل

#طور أومت بيديها -وغيره
#خروج السيدة زينب ع ليل الحادي عشر :



طلعت من خدرها العقيله الهاشميّه
تِّون على الأهل وبونتها قضيه
اخويه ليش مذبوح وآنه امشي سبيّه
واعيون الاعادي سهام و تصّد عليّه

اتعكز آنه عالألم من امشي وجيلك
يل ما فارقيتك يوم يا خويه دخيلك
فك عينك ينور العين جيت ارد اشتكيلك
دهري صوبني وكربله وعيون امية

جيت و ادور عليك يا راعي المروة
طولي اللي ما ينشاف شافوه قوه
آنه معروفه بجلالي وهسه بلا اخوه
احترقت اخيام الحرم وعيني جريّه


🖊خادم ابي الفضل

#نعي
#خروج السيدة زينب ع لمصرع الحسين ع :


طِلعت من خِدرها السّاع تصيح بصوت بلا محامي
سهم فرقاك صابنّي وقلبي لشوفتك ظامي
اركض واعثر اعلى القاع وحرّها يكوي باقدامي
وانادي يا ذبيح الله بذبحتك طاحت احلامي•

اجيتك فيّ لك جسمك لقيته موذر الاوصال
وضلوعك خويه متكسّره وراسك عالرّمح منشال
المّلم صُبعك بيا حال مُصابك هدِمن الجّبال
وبناتك ع الهزل تطلع وآنه امشي بليا ارجال•


🖊خادمة ابي الفضل