🏴 وحشة الأمير
🏴#جديد#حي_على_العزاء ● طور : وين الغوالي
.
.
الله يا دار الأمير الليله وحشه
راح أبونه وللنجف ودعنه نعشه
بعد الأبو اشحالتنه .. ما تنتهي وحشتنه
راح أبونه .. راح أبونه
〰️〰️〰️〰️آه يا بيت اللي چان ابنوره عامر
آيَقعدة والدي التروي المشاعر
راح ومَتشوفه بعد وسفه النواظر
الليله حيدر يمسي بتراب المقابر
اسم الله غايب بالتراب الليله بدره
وشيبته تَرَبَّها آيا ويلي قبره
آيا عُظُم حسرتنه .. ما تنتهي وحشتنه
راح أبونه .. راح أبونه
〰️〰️〰️〰️وين صوت الوالد وطلعة صباحه
آيا داره ووينها ذيچ السماحه
الچان ناشر عالخلق دايم جناحه
راح او ظلت بس وسف إلنه جراحه
راح أبو الأيتام والأيتام ضاعت
كلها عد بابچ يَداره الليله ناحت
راح المِسَح دمعتنه .. ما تنتهي وحشتنه
راح أبونه .. راح أبونه
〰️〰️〰️〰️آيا داره ما شبعت اوداع منه
ابسرعه شال الوالي وأظلم نزلنه
آيا داره بالقلب چم بُقت ونه
وچم بقت دمعه تسايل والله عنه
للنجف ياهو اليوديني وأنوحه
عالقبر أقعد وأسولفله جُروحه
وأحچیله عن ضيعتنه .. ما تنتهي حسرتنه
راح أبونه .. راح أبونه
〰️〰️〰️〰️بالدمع أحچیله وأدري يستمعني
وريت قبر الغالي بهمومي وسعني
يا جرح أرويله أذَّاني وفجعني
شوف فگدك يا علي أصرخ صدعني
يا علي يا بوي حلال المشاكل
بويه اجبر قلبي يالتِقْضي المعاضل
يالتِستمع نُدبتنه ..ما تنتهي حسرتنه
راح أبونه .. راح أبونه
〰️〰️〰️〰️تمت بحمدالله تعالى
✍🏻 / فاطمہ كريم
*نسألكم الدعاء لتعجيل الفرج*
*يا أبا عبـــــــــــــــــــــــــدالله*
الفاتحة مع الصلوات إلى روح والدي كريم صالح
.
*طور القصيدة :*
https://youtu.be/SQkKmWsf8Uo