قناة خطباء المنبر الحسيني للقصائد

#بين_الخيل_والسياط
#الليالي_العاشورائية
#الليالي_الزينبية

زينبٌ يا حرزي
زينبٌ يا أمني
زينبٌ يا ذخري
زينبٌ يا ركني
_

تخرجُ الحوراءُ ركضاً
تلحقُ الصّوتَ البعيد ْ
يا أنيسي أين أنتَ
جئتُ أدعو هل تُجيب ْ

تلمحُ الخَيلَ تجولُ
فوقَ جسمٍ مِن بعيد ْ
تسحقُ الصّدرَ الشّريفَ
مزَّقَت ثَوبَ الحبيبْ
_

أدرَكَت أمرَ السّباءِ
لا محامٍ لا مجيب ْ
عن خُدوري مَن سَيَحمي
ذا كفيلٌ قد اُصيب ْ

يا حبيبي قُم إلَيَّ
جاءَنا الشّمرُ الرّجيم ْ
يشتمُ الزّهراءَ جهراً
والنِّسا تُعلي النحيب ْ
_

تلمحُ الرأسَ القطيعَ
والدِّما منهُ تَسيل ْ
تنظرُ الرأسَ وتأنَس ْ
تَذكُرُ اللَّيلَ الأخير ْ

يَقطعُ الأُنسَ سياطٌ
ضربُ طاغٍ في المسير ْ
متنيَ الآنَ أليمٌ
والأسى قلبي يُذيب ْ
_

ترمُقُ الحوراءُ طَرفاً
علّها تلقى الجواب ْ
لكنِ الأبطالُ صَرعى
والثّرى يغدو خضيب ْ

قُم أيا رُكنَ العقيلة
باتَ في قلبي اللّهيب
ليتَ رأسي فوق رمحٍ
والقنا قلبي تُصيب
_

ميرزا جواد العاملي 🖋️

#بين_الباب_والحايط
#يازهراء💔😔
◾️أهداء مشاركة هذهِ المقطوعات الشعرية إلى روح خادم أهل البيت (الشاعر جبار عبدالزهرة الشويلي)◾️


بين الباب والحايط ألف حسره
صدى وآثار تشرح جمرة الزهره
العده ونيران والمسمار والسطره
عظم لمصاب خله بكل گلب عبره

✍🏻#ولائـية_وافتـخر (دعاء العامري)
✾ـــــــــــــــــــــــــ✾ــــــــــــــــــــــــــ✾

بين الباب والحايط صدرها انعاب
وينك يالولي نادت يداحي الباب
ظلعي انصاب ونت والدمع سچاب
مصابچ يالزچيه بالگلب لهاب

✍🏻#أم_عباس_الحسيني
✾ـــــــــــــــــــــــــ✾ــــــــــــــــــــــــــ✾

بين الباب والحايط جرح ينزف
دمعنه امن الضلع ليهسّه ظل يذرف
جرح باب الزچية مابرى ويجف
لمن بيرغ لبو صالح نشوفه يرف

✍🏻#أم_محمد_الحجاج /العبادي
✾ـــــــــــــــــــــــــ✾ــــــــــــــــــــــــــ✾

بين الباب والحايط ضلع مكسور
إجاها الما يخاف الله وعليها يجور
دموم اهواي شافتها وبعد عاشور
ومثلها زينب اتظلها ودمع مجمور

✍🏻#خادمة_أبي_الفضل
✾ـــــــــــــــــــــــــ✾ــــــــــــــــــــــــــ✾

بين الباب والحايط صدر بي دم
الملك جبريل يويلي من سمع يلطم
رسم حزن الأصابع عالصدر يرسم
يكسر چم ضلع من صدره مايهتم

✍🏻#علوية_أم_فاضل
✾ـــــــــــــــــــــــــ✾ــــــــــــــــــــــــــ✾

بين الباب والحايط ضلع مكسور
على الزهره ومصيبتها الگلب مجمور
نرثيلچ يفاطم وبدمع منثور
يسورة كوثر انتي ويا دعاء النور

✍🏻#رؤى_السلامي
✾ـــــــــــــــــــــــــ✾ــــــــــــــــــــــــــ✾

بين الباب والحايط مصيبتها
ضلع مصيوب والمحسن سگط منها
لا نام ابحضنها ولا سمع ونها
يالزغيرون أمك لا تمش عنها

✍🏻#أم_عباس_العبادي
✾ـــــــــــــــــــــــــ✾ــــــــــــــــــــــــــ✾

بين الباب والحايط تسيل دموم
هاي اعظم جريمه نفذوها الگوم
من يوم السقيفه ذاكَ المشؤوم
مطرت بالحقد عالعتره حد اليوم

✍🏻#أم_حسين_الأسدي
✾ـــــــــــــــــــــــــ✾ــــــــــــــــــــــــــ✾

#جديد_في_خدمة_الرواديد_والقراء
#بين_زينب_والزهراء
#١٤٤٢ه‍ـ

على لحن يا ليل طول ساعاتك.

زِينبْ تِبكي عالزَّهْرَةْ
تِنْحَبْ وِبْقَلبَهْ الحَسْرَةْ
آهْ يَا أمِّي الزَّهرَاءْ
آهْ يا قَلبِ الحَورَاءْ

غربةْ بعدِكْ يا عْيونِي
تَالي وَحْدِي تْخَلُّونِي
تِعظَمْ واللَّهْ الأرزاءْ
آهْ يا أمِّي الزَّهرَاءْ

يقضي المولَى بْمِحْرَابَهْ
بْسِيفِ الأَشْقَى مِنْ صَابَهْ
تارِك خَلْفَهْ الأَبنَاءْ
آه يَا أمِّي الزَّهرَاءْ

تِدْرِينْ سَمُّوْ بُو مْحَمَّدْ
وِحْسِينْ بالطَّفِّ مْوَسَّدْ
قِطْعَوْا مِنَّهْ الأعْضَاءْ
آهْ يا أمِّي الزَّهرَاءْ

زينبْ تِبقى بْلَا كَافِلْ
مِنْ غَابْ بَدْرَهْ بُو فَاضِلْ
آذَتْـنِـي كَــرْبَــلَاءْ
آهْ يَا أمِّي الزَّهراءْ

#زينب_فياض
#عظم_الله_أجورنا_وأجوركم

https://t.center/zeinabfayad28

#القاسم_ابن_الحسن_ع
#بين_الحسين_والقاسم_عليهما_السلام
#نعي
#عاشوري


يعمي الدنيا ما تسوه بدونك
يجاسم خلّي بعيوني اعيونك
من طبراتهم منخطف لونك
يبن الحسن رد اجواب اليّه
ـــــــــــ
مااصبر على افراكَك يعمي
كَبل دمَك يريت انسفك دمّي
وكَبل جسمك وكَع عالترب جسمي
ولاشوفك ذبيح ابين اديّه
ــــــــــ
يبن الحسن فكَدك الّماني
للحسرات والدمعه خذاني
صحت ويلاه منك يا زماني
فكَدت اعزازي برض الغاضريه
ــــــــــ
الشاعر محمد حسن ضيغم

#محرم
#ليلة_العاشر
#بين زينب و الحسين (ع)
(طور شجابج لصوب النهر)

جن اسِمعَك بالصَّلا تِذكر دعاء
بْهَمسه تِحجي تْناجي مَعبود السّماء
تْقِلّه يا مولاي عجّل باللقاء
صَعبة و الفرقه شْكثر تاذيني

وا ويلاه ... واويلاه

كلها ياختي د استعدي للمُصاب
لو طحت دامي يزينب عالتُّراب
ودّعي خدرك.. يسلبون الحجاب
بلايه راس على الثرى تشوفيني

يا زينب ... يا زينب

و المُثلث بالقلب ياختي يِصير
و الصدر مثل الضلع يصبح كسير
خدي بترابه تِشوفينه عفير
و اعذريني لو سِمَعتي وْنيني

يا زينب ... يا زينب

صُبري يا زينب عَلى الأعظم وَ اشَد
من تِشوفين الشمر صدري صعد
لو عَلى الشّيبه بحقد جفّينه مَد
منّي ياختي أيِّسي و سِمحيني

يا زينب ... يا زينب

#محرم
#العباس ع
#بين الزهراء(ع) و العباس(ع)
(طَور الشيخ علي الجفيري)

جنها الزّجيّه عْلى النَّهَر
تمشي وْ تِدَوِّرلَه أثر
تتخطى لَاشلاء بْحذر
و تندهله وينك يا القُمر !

عِلقَت عبايَتها و تِحِس
محروقة من ذاك اللَّمِس
وِ تلَفِّتَت شافَت شَمِس
مَقطوعَه من زَنْد القُمَر

هاذآنه يا يمه.. الحبيب
وِ اليِلزَمِك جفّي التريب
عبّاسِك آنه وْ مو عجيب
لو شفتي مقطوع النّحر

فوق النحر ظلّت تحن
وِ تْنادي آ يابني وْ تِوِن
خلّوك عاري بْلا دفن
يا با الفضل قلبي انكسَر

خلني أشد بيدي الجَرِح
والرّاس اَنَزْلَه مْنِ الرُّمِح
وَامسَح وِريد المِنذبح
بَلجن يِعود الْنا القَدَر !

حيدر بِجَالك والحَسَن
و قلب العرش لجلك حِزَن
نذرًا.. اذا عاد الزّمن
لافرشها عيني عْلى النهر

كافي يَيُمّه تألَّمِت
فدوه لضُلوعك لو متت
وآنه اعتذر لو قصَّرِت
فدوه الجَبين اللّي انطُبَر

#محرم
#بين مسلم(ع) و طوعه
(طور ملا عبد الحي آل قمبر)

ها يطوعه تسمحيلي ضيف اكون بهالمِسَه
ظَلمه و اوطاني بَعيده منها روحي آيِسَه

كالت احوالك عجيبه أشعر انتَ مو غريب
سِئلِتَه من يا عشيرة كِلّي.. لن زاد النّحيب
وين أهلك وين كومك ما كو لا خِلّ لا حَبيب
شنهي أخبارك دَ جاوب ليش دمعك حابِسَه

جاوَب وْ حَسراته جَمرَه تلهب بوسط الدليل
نْما عرفتيني يطوعه آنه مسلم بن عقيل
عمي حيدر و اهلي عباس حسين زينب و العليل
جدي يا طوعه محمد و امّي ها خَير النّسه

لِطْمَتِ عْلى الرّاس والعين الدّار دارك سيّدي
خادمة تقبلني ريتك يا شفيعي بمرقدي
فدوه لعيون الزجيه ها يمولاتي اشهدي
أنطي عمري للهواشم أُوفي يالزهره عسى

فاطمة رزق

#محرم ١٤٤١
#بين الزهراء ع والمهدي عج
#تُقرأ بألحان مختلفة



نادى المهدي يا يمه
يَ زهرا و يبكي مِن هَمَّه
قُمَرْ عاشور مِنْ رَسْمَه
نشاهد نِذْرُفِ العَبْرة

قالها يمِّي لَحْقيني
نِزورِ الشيعة يا عيوني
بْمَجالِسْهُمْ يِواسوني
وْيِواسوكِ يا هالزهرا

قالتْ له وِحَقْ ضِلْعي
يابْني سَالَتِ دْموعي
حارَتْ ناسي وِجْمُوعي
تِبْكِي صَدْري لو صَدْره

قَلْها وْ تِدْمَعِ العِينين
مِنْ أَذْكُرْ حبيبي حسين
جِسْمَه وين وْراسَه وين
ظامي وْ ما شِرَبْ قَطْرة

تِبْكي فاطمة وْنادَت
يابني تِذْكُرِ الْرَاحَت
زينب بِالهَضِمْ عادت
مُصَاب و ظَنِّي تِتْذَكْره

قال اشلون انساها
سِبْيوها وْ يَتَاماها
وِ تْشوفِ الشِّمِر جاها
تِبكي وْ تِذْرُفِ العبرة

زينب تِشْكِي لِلْذِبْحوه
طولي الْما انْكِشَفْ شافوه
وْمَتْني بالسبي ضِرْبوه
كَبْدي بْذِكْرَه مِتفطرة

#محرم

#بين #حميدة #والحسين(عليه السلام)

#طور *انتي أمي انتي بويه*
*الملا سعيد المعاتيق*


كأني *بالحسين* عليه السلام بعدما وصل اليه نبأ شهادة مسلم ابن عقيل..أرخى دموعه بالبكاء.. وقال إنا لله وإنا إليه راجعون..

طلب ان يحضروا له حميدة ..
فجاءت زينب عليها السلام بها وحميدة حزينه كئيبه..

أراد *الحسين* مواساتها.. لم يعرف من أين يبدأ.. وضع يده على رأسها.. احتضنها..

كإني به صار يحدثها سلام الله عليه..

بنيّه اذا غاب ابوك فأنا أبوك..
بنيّه حميدة انت وسكينه بناتي..
حميدة أنت أخت لهم وهنّ أخوات لك..



*آنا أمك آنا بوكِ ، عيني انتي يا حميدة*

*لا تسيلي دمع عينك ،تجرحي قلب الصميدة*

حتى لو طاح ابوكِ ، دمعك أبد ما أريده

وابو اليمه يبقى بوكِ ، في هالساعه الشديدة

لا تِعلّي الصرخة منك ، أخاف عليك يا حميدة

*

هذي سكنه يم رقية ، كلهم صاروا خواتك

لا تقولي انّي غريبه ، كلنا إحنا عيلتك

يا عزيزة قلب ابوكِ ، فدوة أروح لعبرتك

أدري بيكِ يا صغيرة ، هذي سكنه سلوتك

سلام اللهِ اعلى مسلم، وسلامي اعْلى قَطعة وريده

*

جواب حميدة...

بويه انت يا بو اليمه ، ريته يسلم لي جبينك

والنعم منك يا غالي ، يا بعد روحي حنينك

بويه راح وما تركني ، لِأن صرتِ بإيدينك

آنا بوجودك حياتي ، بويه مسلم في عيونك

أخافن صيرن يتيمه ، وحقك عمري ما ريده

*

#أمنن #علينا #برضاه
#يا_صاحب_الزمان


#يا #حسين

#بين_الصادق_والحسين

بين الإمام الصادق وجده الإمام الحسين عليهما السلام
عندما هجم عتاة بني العباس على دار الإمام الصادق عليه السلام


حريق البيت للصادق و لهيب الخيمه بالعاشر
وفرار النسوه هم ليها شبيه وذكرى بالناظر

لهيب ونار~~~ لهيب ونار~~~~

من هجموا على داره تذكر عاشر بعاشور
نفس المشهد اتكرر لكن مو وسط البرور
الصادق لحق عياله وجده ويلي ظل منحور
ظل جده على الغبرى ووسط داره اهو حاير

لهيب ونار ~~~~لهيب ونار~~~~

وهم أطفال للصادق مذعوره تصيح الويل
مثل أيتام ابو الأكبر من هجمت عليها الخيل
هاي تصيح يا بويه وذيج تصيح اجانه الليل
بصدر الصادق العبرى وعصدر احسين ظل حافر

لهيب ونار~~~~ لهيب ونار~~~~

عقب ما خمدت النيران بصدره هاجت الذكرى
وبدى يحكي ويه جده بدموع العين والزفره
مثل ما حرقوا خيامك و باب الطاهره الزهره
على داري تجروا اليوم ولهيب الذكرى بالخاطر

لهيب ونار ~~~~~لهيب ونار~~~~~~


وتاليها يجدي القوم حياتي بسم يخلصوها
لكن مو مثل عاشور ودماك بسيل يجروها
عصدري الخيل ما جالت واضلوعي يرضوها
ولا أيتام الي ظلت ما بين العسكر الفاجر

لهيب ونار ~~~~ لهيب ونار ~~~~

خادمة الزهراء / ليلى زغيب